Jezus libi nanga diniwroko

Fo discipel di kisi wan kari

BAKA na proberi foe kiri Jezus na ini en libi-presi na Nazareth a e froisi go na a foto Kapèrnaüm na a Se foe Galiéa. Nanga disi ete wan profétitori foe Jesaja e kontroe, na profétitori di ben taki a fesi dati sma foe Galiléa di ben e libi na a se ben sa si wan bigi leti.

Na a ten foe en kownoekondre prékiwroko djaso, sodati den sma ben kan si na leti skijn krin Jezus e go soekoe foe en discipel. Den disi ben waka go nanga en a fesi kaba ma di den ben drai nanga Jezus foe Judéa kon na oso, den ben drai go baka na a fisiwroko foe den. A de kande séker dati Jezus e go loekoe den now, bika a doro now a ten foe abi fasti jepiman di a kan gebroiki alaten sodati den kan tjari a diniwroko go moro fara efoe a no sa de moro.

Soboen te Jezus e waka psa a watrasé, èn e si Petrus nanga den kompe foe en e wasi den srepi foe den, a e go na den. Ai go ini a boto foe den èn e aksi en foe drifi komoto pikinso foe a lanpe. Efoe den drifi komoto pikinso foe a watresé Jezus e go sidon na ini na boto èn e leri den libisma di kon makandra na a watrasé.

Bakaten Jezus e taigi Petrus: „Go na a dipi, èn trowe den srepi foe joe foe kisi fisi.

„Leriman”, Petrus e piki, „a heri neti wi ben wroko tranga èn no ben feni notnoti, ma foe di joe e aksi meki wi sa saka den srepi.”

Te den saka den srepi, den man e kisi someni fisi dati den srepi pikinmoro ben wani priti. Es’esi den e wai kari den kompe foe den ini a boto ini a birti foe den foe kon jepi den. Es’esi ala den toe boto foeroe nanga someni fisi, dati den e soekoe foe soengoe. Efoe Petrus e si disi, a e trowe ensrefi na fesi foe Jezus èn e taki: „Masra komoto gwe foe mi, bika mi de wan sondoe man”.

„No frede moro langa” Jezus Kristus e piki. „Foe a dé foe tide joe sa kisi libisma libilibi.”

Jezus e ooktoe wan kari na Andréas, brada foe Petrus. „Kon waka na mi baka” a e aksi den tranga, „èn mi sa meki den tron fisiman foe libisma.” Den kompe foe den na ini na fisiwoko, Jakobus nanga Johannes den manpikin foe Zebedeüs, e kisi a srefi kari èn ooktoe den e teki a kari wantewante. Soboen den fo man disi ben libi a fisiwroko foe den èn e tron den fosi fo faste bakaman foe Jezus di e de alaten nanga en. Lukas 5:1-1; Mattéus 4:13-22; Markus 1:16-20; Jesaja 9:1, 2.

◆ Foe san-ede Jezus e gi kari na en discipel foe waka na en baka, èn soema den de?

◆ Sortoe wondroe e meki Petrus frede?

◆ Foe sortoe fisimanwroko Jezus e gi wan kari na den discipel foe en?