Jezus libi nanga diniwroko

Gi leri na sma nanga jepi foe agersitori

A DE KRIN dati Jezus de ini Kapernaüm pe ai pir’ai gi den Fariséman. Bakaten tapoe a dé dati ai gwe libi na oso èn ai waka go na a se foe Galiléa di ben de krosbé, èn pe bigi ipi sma ben kon makandra. Drape ai go ini wan boto, den e troesoe komoto foe a sekanti èn a e bigin leri den sma di de a sjoro foe na kownoekondre foe hemel. A e doe disi nanga jepi foe wan lo agersitori, ofoe eksempre, di alamala gebroiki prenki di den sma gwenti nanga den.

Na a fosi presi Jezus e ferteri foe wan saiman di e sai siri. Wan pisi foe na siri e fadon sé na pasi èn fowroe e njan en. Wan tra pisi e fadon tapoe wan dunni gron nanga ston na ondro. Foedi den njoen plant no kan meki roetoe dipi, den e dré ondro a hati son. Dan tra siri e fadon a mindri den maka, di e stek den plant te den opo ede kon. Te foe kaba wantoe siri e fadon tapoe boen gron èn e tjari foe wan pisi hondrotron, ofoe foe wan pisi siksitenti tron, èn foe wan pisi dritenti tron froktoe kon.

Ini wan tra agersitori Jezus e taki dati a de nanga a kownoekondre foe Gado leki wan sma di e sai siri. Te den dé e lon psa, a siri e gro èn e opo ede kon èn a proces disi e go doro aladi na libisma e sribi èn te a e wiki. A no sabi fa a sani disi e go ini en wroko. A siri e gro foe ensrefi èn e meki karoe kon. Te a karoe lepi, a libisma e go koti en.

Jezus e ferteri wan di foe dri agersitori foe wan libisma di e sai a joisti sortoe foe siri, ma te ai sribi, wan féjanti e kon èn e sai takroe wiwiri a mindri foe na tarwe. Den knegti foe a man e aksi efoe den moe koti a takroe wiwiri. Ma ai taki: ’Nono, bika oenoe sa hari poeroe na tarwe ooktoe. Meki ala toe gro makandra te na a koti ten. Dan mi sa taigi den kotiman dati den moe tjari na takroe wiwiri kon makandra èn bron en èn moe poti na tarwe na ini na maksin.’

Te Jezus e go doro nanga en taki gi den ipi sma di de tapoe a sjoro, a e gi den toe agersitori ete. A e tjari kon a krin dati „a kownoekondre foe hemel” de leki wan mosterdsiri, di wan sma e prani. Aladi a de a Moro pikinwan foe ala den siri, na so ai taki tokoe a e gro kon tron a moro bigi wan foe ala den bon foe wan djari. A e tron wan bon nanga taki pe fowroe e go sidon.

Ini a ten disi wantoe sma de di e taki dati moro pikin siri de leki mosterdsiri. Ma Jezus no e gi wan leri ini plantkunde. Foe ala siri nanga san den Galilésma ini en ten ben sabi, na mosterdsiri ben de troetroe a moro pikinwan. Den ben e ferstan heri boen dati Jezus ini en agersitori ben abi en foe wan kefarlek bigi gro.

Te foe kaba Jezus e teki „a kownoekondre foe hemel” gersi sroedeki, di wan oema e teki èn e moksi na ini dri bigi marki blon. Te foe wan pisten, na so ai taki, dan na heri deeg kisi a sroedeki.

Baka di Jezus gi den féfi agersitori disi ai meki den ipi sma gwe foe makandra èn ai drai go baka na oso pe ai libi. Gawgaw den twarfoe apostel nanga trawan e kon drape na en. Mattéus 13:1-9, 24-26; Markus 4:1-9,26-32; Lukas 8:1-6.

◆ Oten èn pe Jezus ben taki nanga jepi foe agersitori gi den ipi sma?

◆ Sortoe fèfi agersitori Jezus ben ferteri den ipi sma?

◆ Foe san-ede Jezus ben taki dati na mosterdsiri ben de a moro pikinwan foe ala siri?