Santa jeje na wan persoon?

Dati na bijbel na nowan presi e taki dati na santa jeje ben abi wan égi nen e sori kaba dati na jeje dati kande no de wan persoon. Ooktoe joe ben sa kan aksi: „Wan sma oiti ben si na santa jeje?” We, na santa jeje ben de foe si na a ten foe Jezus dopoe ini na doifi èn nanga Pinksteren ini na vorm foe tongo foe faja (Mattéus 3:16; Tori. 2:3, 4). Efoe a de wan persoon, foe san-ede a no sori ensrefi leki wan sma? Èn efoe na santa jeje no de wan persoon, san a de dan? Na santa jeje de sondro degedege na wroko krakti foe Gado di na a ten foe Pinksteren ben „kanti” tapoe den discipel (Tori. 2:17, 18). Nanga jepi foe na wroko krakti disi Jehovah ben doe en mekiwroko, „Gado wroko krakti ben bewégi ensrefi gokon tapoe na fesi foe den watra” (Genesis 1:2). Nanga jepi foe na wroko krakti disi den skrifiman foe na bijbel ben kisi tranga foe skrifi. -2 Timoteus 3:16.

Wan foe den skrifiman di ben kisi na santa jeje foe skrifi ben de na proféti Daniël. Ini Daniël kapitel 7 a e skrifi foe wan moi visioen di Jehovah ben gi en. A e si „a owroe Sma foe den dé”, den engel nanga „wan sma leki wan manpikin foe libisma”, ma no wan pe wi e si a santa jeje leki wan persoon.