Howpu tapu Yehovah
„Howpu tapu Yehovah èn hori en pasi, èn en sa hei yu fu teki na grontapu abra. Te den goddelowsusma e koti puru, yu sa si en.” — PSALM 37:34.
1, 2. Ofara libisma gersi leki a go kaba, èn fa den Verenigde Naties de ini a tori disi?
TE YU e luku a ferstan, dan libismafamiri ben doro na marki fu ontwikkeling leki noiti afesi a ben doro. Leki wan bakapisi fu den muiti fu en a ben doro te fu kaba ini na nucleaire ten. Agersi dati atoomkrakti kan gi energie pasa marki èn na sofasi kan meki a pasi kon fri fu kefarlek bigi sani di kan du ini a heri grontapu. Ma na lafusei fu a tori de dati nanga disi ooktu a pasi e meki kon fri fu du a libismafamiri a moro bigi ogri di de.
2 San e tapu a libismafamiri fu pori ensrefi na ini wan nucleaire holocaust? A ben sa kan gersi dati de den verenigde Natie di kan meki bigi tapu sowan 159 kondre di de memre fu en nanga furu sortu fasi fu tiri. Ini politiek dan den kondre disi no e agri nanga makandra, bika ibriwan e bribi dati en eigi methode fu bribi de moro hei, efu moro bun. Den Verenigde Natie sobun de wan skin di prati teige ensrefi. Nationaal heimemre nanga na firi fu onafhankelijkheid alape de moro fu si. Boiti fu dati wan lo kondre no e bribi ini Gado èn tron atheïstis.
3. Fa na fasi tapu fa na kristennheid e si Gado e kenki fu na fasi fa Gado e si ensrefi?
3 Na nen kristenheid te now ete abi fu du nanga natie di no wani fu den kari den „sondro gado”, ma e taki dati den e bribi ini Yesus Kristus, di de nanga „Gado na Tata” èn nanga na „santa yeye” di kon de wan persoon wan sokari dri-wanfasi. Leki fa den e taki, dan den memre fu na dri-wanfasi de speri fu makandra. Ma Yesus Tata ben meki na profeiti Yesaya skrifi den wortu di e kon now fu kon sabi en: „Mi na Yehovah. Dati na mi nen; èn na nowan tra sma mi sa gi mi eigi glori, èn ooktu na prijse fu mi no na popki di anu meki” (Yesaya 42:8). Na Yehovah disi, ofu Yahweh (Petrus Canisiusvertaling), ben bow gi ensrefi wan bericht di no abi en speri ini a historia.
4. Fu san den Verenigde Naties e drai sma puru?
4 A no de kwetkweti wan grani gi den Verenigde Naties dati den no e gi na nen fu Gado na grani nanga erkenning di a musu kisi. Den no e gi na libismafamiri dekati di noiti ete ben de sondro howpu leki now, fu poti den howpu tapu na tyariman fu a nen dati. Toku nanga leti den e kari en „na Gado fu howpu”, fudi a ben poti na fundamenti fu na wan enkri bun howpu di a libismafamiri kan abi now (Romeini 15:13, PC). Na howpu di a e gi, ben tranga èn hori baka gi man nanga uma.
Biten kaba na ini na historia howpu!
5. Oten na fundamenti ben poti fu howpu?
5 Na fundamenti fu a abi fu na howpu dati biten kaba ini na historia fu na libismafamiri a ben poti. Iya, a ben poti leti bifo wi fosi papa nanga mama ben yagi komoto fu na dyari fu Eden, na oso fu den ini na mindri-owstu. Na tori di skrifi na ini Hebrewtongo fu na dyari dati ofu yu kan taki en tu na paradijs, no de wan anansitori fu pipel di drai densrefi puru fu na anbegi fu na Mekiman fu den. — Genesis 2:7—3:24.
6. Fa a ben du kon dati libisma abi howpu fanowdu?
6 Moro leki 4000 yari baka dati na kristen apostel Paulus ben kisi santa yeye fu skrifi: „Nanga yepi fu wan suma sondu ben kon na grontapu . . . èn nanga yepi fu na sondu na dede, èn na sofasi na dede ben go na ala sma . . . fudi den alamala ben sondu” (Romeini 5:12). Ini wan fu en tra buku a ben meki unu kon sabi na wán sma di ben meki a fowtu: „Net soleki na ini Adam ala sma e dede, na so ooktu ini Kristus ala sma sa meki kon a libi” (1 Korinte 15:22). Wan datra di ben nen Lukas ben tyari na ini a di fu 3 kapitel fu en evangelium, na rutu fu Yesus go te na Adam, di, bifo den ben yagi en puru fu Eden, ben kisi Yehovah boskopu fu howpu fu yere. — Lukas 3:23-28.
7. San Gado ben du fu gi dekati aladi Adam ben de ete ini libi?
7 A no de fu taki dati yu wani sabi san de na inbere fu na boskopu dati. Ma bifo fu leisi dati, luku dati Yehovah bun langa kaba de wan sma di e gi howpu. Ini a bigin Adam ben de na grontapu manpikin fu Gado, èn Gado ben gi en pasi fu meki pikin. Efu yu ben sa si wan situatie fu rampu e kon, dan yu ben sa wani gi yu bakapikin dek’ati ofu howpu. Net so wan sani Gado ben du. Bakadi Adam ben yere a krutu fu Gado kon tapu ensrefi, a ben yere wortu fu howpu gi en bakapikin.
8. Fa Genesis 3:15 ben gi wan fondamenti fu howpu?
8 Fa den wortu dati fu na Gado disi di e furu wi nanga howpu ben de? Gi wan „sneki”, di ben prei wan rol na a sondu fu Adam, Gado ben taki: „Mi sa poti feiantifasi a mindri yu nanga na uma èn a mindri yu siri èn en siri [bakapikin]. A sa masi yu ini yu ede, èn yu sa masi en ini na baka-iri” (Genesis 3:14, 15). Kande yu e aksi yusrefi fa wan sma kan taki dati den wortu disi de na fundamenti fu howpu? Ini na fosi presi wi e kon sabi dati na ede fu „na sneki” ben sa kon masi.
9. Suma ben de „na sneki” fu suma Genesis 3:14, 15 e taki fu en?
9 Ini Openbaring 12:9 tanapu: „Na bigi draak ben slenger gwe na ondro, na fosi sneki di den e kari Didibri nanga Satan, di e kori na heri grontapu pe sma e libi; den ben slenger en go na ondro na grontapu, èn en engel ben slenger go nanga en.” Iya, „na sneki” di ben sori ensrefi ini Eden, no ben de nowan tra sma moro leki na goddelowsu yeye manpikin di sma sabi leki Satan Didibri. Na agersi sneki disi no wawan ben kisi engel ini hemel na en baka, ma ooktu dya na grontapu a abi wan siri, di te na ten sa doro sa masi ofu pori makandra nanga en.
10. Fa Yesus ben sori suma den bedoel nanga na sneki?
10 Fu sori dati Didibri ben de „na sneki” di ben meki wi fosi tata nanga mama ben fadon, meki Yesus Kristus ben taigi den dyu kerki-fesiman ini na fosi yarhondro: „Unu komoto fu unu tata Didibri, èn unu wani du den lostu fu unu tata. A sma dati ben de wan kiri-man di a ben bigin, èn a no tanapu faste na ini na waarheid . . . Bika te a e taki na lei, a e taki akruderi en eigi maniri. Bika a de wan leiman èn a tata fu lei” (Yohannes 8:44). Ooktu Yesus ben kari den kerki gensman dati „snekipikin”. — Mattéus 12:34; 23:33.
Wan howpu di hori na libi
11. Sortu reide fu howpu ben gi morofara ini Genesis 3:15?
11 Na pramisi fu Gado, dati na ede fu na agersi sneki ben sa masi, ben poti gi na heri libismafamiri di ben sa kon ete, te yu luku en bun wan howpu a den fesi di e waran na ati. Fu san-ede disi de so, wi kan si te wi luku tra pisi fu Genesis 3:15. Drape den e taki fu na „siri” fu na uma. Na kon sabi fu na „siri” dati ben de langa ten wan kibritori di duku ben tapu en. Ma a ben de krin dati Yehovah Gado ben sa poti feiantifasi a mindri na siri dati di sma no ben sabi ete èn na agersi sneki nanga en siri di ben de teigi Gado. Na pramisi, iya na dyaranti ben gi dati na „siri” fu na „uma” ben sa kisi na wini! Na wini fu en ben poti leki howpu na fesi fu na libismafamiri. Den memre fu na libismafamiri, sobun ben kan howpu tapu na kon fu na „siri” dati fu a „uma”.
12. San bakaten ben tyari kon moro fara a krin fu na „siri” fu „na uma”?
12 Ini den hondrohondro yari di psa Gado ben tyari kon a krin dati na „siri” dati ben de en wan enkri gebore Manpikin, di den ben seni kon na grontapu, fu tron na Messias èn fu pristeri en libi leki wan ferlusu-ofrandi (Genesis 22:17, 18; Galacia 3:16; 1 Yohannes 2:2; Openbaring 5:10). Dati na a reide fu san-ede Yehovab Kotoigi no ben poti den howpu tapu den Verenigde Naties. Den ben poti den howpu na tapu wan libi Yesus Kristus, na moro prenspari takiman fu Yehovah Gado. Wi kan abi ala fertrow dati Kristus e libi, bika den ben wiki en komoto fu dede fu teki presi na Yehovah let’anu soleki Paulus e taki: „Efu soso na ini a libi disi [pe ooktu na libi fu wi di fu twenti yarhondro de na ini] wi e howpu tapu Kristus, dan wi de fu ala sma den sma di de fu kragi. Ma now Kristus ben wiki komoto fu dede, na fosiwan fu den di ben sribi ini dede” (1 Korinte 15:19, 20). Soleki den bladzijde fu na tljdschrift disi nofotron kaba nanga yepi fu na bijbel ben tyari kon na krin, dan Yesus Kristus de now leki hemel kownu. — Openbaring 11:15.
13, 14. Tapu san Yehovah Kotoigi e poti a howpu fu den, èn san den du ini a tori disi nanga a howpu dati?
13 A no de fu taki dati Yesus Kristus no teki na presi fu Yehovah leki na howpu fu na libismafamiri. Psalm 37:34 abi te now ete krakti: „Howpu tapu Yehovah, èn hori en pasi, èn en sa hei yu fu teki na grontapu abra. Te den goddelowsu sma e koti puru, yu sa si en.” A de te now ete fanowdu fu tan howpu tapu Yehovah èn fu gi tranga na ala sma fu no poti den howpu moro langa tapu instelling di libisma ben meki.
14 Ini akruderi nanga na sani disi meki Yehovah Kotoigi de actief bezig ini 208 kondre nanga na preiki fu na bun nyunsu fu na Kownukondre. Sma no kan puru den fu dati. Den politiek instelling, di kerki organisatie e yepi èn e sutu faya gi den, no abi a reti fu Gado fu pruberi fu stop den. Wi kan go doro fu de Kotoigi fu Yehovah, èn fu howpu tapu en, soleki David fu Bethlehem ben du, di ben skrifi:
15. O krakti na howpu ben de di kownu David ben poti ini Yehovah?
15 „Yehovah na mi Herder. Noti sa mankeri mi. Ini grasi wei a e meki mi didon; na rostupresi di lai nanga watra a e tyari mi go. Mi sili e kisi kowru-ati. A e tyari mi ini den futumarki fu regtvaardikifasi fu en nen ede. Awinsi mi e waka ini na lagipresi fu dipi skaduw, mi no e frede no wan ogri, bika yu de nanga mi; yu tiki nanga yu staf, den dati e trowstu mi. Yu e sreka na mi fesi wan tafra na fesi fu den di e sori feantifasi gi mi. Nanga oli yu ben wrifi mi ede; mi beker furu psa marki. Fu tru soso bunfasi èn lobi bunatifasi sa waka na mi baka ala den dei fu mi libi; èn seiker mi sa libi na ini na oso fu Yehovah te ini na langa fu den dei. — Psalm 23.
16. Fu san-ede wi kan taki dati Yesus ben abi asrefi ferwakti leki David?
16 Kownu David ben de Yehovah yeye herder gi den lo fu na owru Israël, èn a ben meki dati Yerusalem ben tron na mamafoto fu na natie, pe en manpikin Salomo ben tiri 40 yari langa. Nanga leti den ben kari Yesus Kristus „na manpikin fu David” (Lukas 1:31; 18:39; 20:41). Efu David ben howpu tapu Yehovah, dan en grontapu bakapikin Yesus Kristus, ben sa du dati ooktu. Èn dati ben de ooktu so.
17. San e buwijsi dati Yesus ben howpu tapu Yehovah?
17 Leki buwijsi dati David moro barinen bakapikin Yesus Kristus, ben du san ben gi leki rai na ini Psalm 37:34, Yesus ben taki di a ben bro en laatste bro na a pina-udu: „Tata, na ini yu anu mi e fertrow mi yeye” (Lukas 23:46). Nanga dati a ben teki den wortu fu David ini Psalm 31:5 taki èn a ben meki den kontru. Drape David ben taki gi Gado: „Ini yu anu mi e fertrow mi yeye.” Yesus no ben sari, dati en ferwakti ini a howpu dati no ben kontru èn ooktu kownu David. Tapu a di fu dri dei den ben wiki Kristus opo fu dede. Fotenti dei a baka a ben drai go baka na en hemel Tata. Na a kaba fu den ten fu den heiden na ini 1914 Yehovah ben hei en manpikin tron tiriman fu na grontapu.
Now wan ten fu howpu
18. Fu san-ede a de now wan ten di fiti fu abi howpu?
18 Sortu howpu na libismafamiri kan abi now, now di na nyun yari 6014 A.M. (ini na yari fu na grontapu) e tyari na libismafamiri go moro fara na ini a ten die kon? Na aksi dati abi now na prakseri moro furu sma, bika wi de pikinmoro 1900 yari ini san den sa kan kari na nyuntestamenti ten. A de langa ten kaba dati David ben skrifi Psalm 37:34.
19. San Yehovah ben du gi Yesus, so dati wi ben kisi howpu?
19 Yehovah Gado, na Almakti Gado di ben wiki Yesus komoto fu dede, ben gi en wan moro bigi rol leki di sma di no e luku sani bradi oiti ben kan tyari kon ini prakseri. Fudi a ben opo en wan enkri gebore Manpikin fu dede èn ben hei en go te na en leti-anu na hemel, dan Yehovah ben gi wi moro reide ete fu luku na en nanga howpu di noiti e misi, wi wan enkri èn laatste howpu. A howpu dati sa wani taki tego libi ini koloku gi wi. Precies so leki na preikiman Paulus ben taki ondro santa yeye krakti: „Ini na howpu disi wi e kisi ferlusu.” — Romeini 8:24.
20. Fu san-ede wi kan taki dati Yehovah de te now ete „na Gado fu howpu”?
20 Dan na apostel e taki: „Ma howpu di wan sma kan si, a no wan howpu, bika efu wan sma e si wan sani, a e howpu dan a tapu ete? Ma wi fu wi e howpu tapu san wi no e si, dan nanga horidoro wi e wakti a tapu” (Romeini 8:24, 25). Èn na so na fasi howpu e libi alaten ete, e doro en glori kontru gi na libisma geslagti (2 Petrus 3:13; Openbaring 21:4, 5). Yoisti fudi a de wan howpu gi na heri libismafamiri, meki a e ferdini fu meki bekenti na ibriwan sma. Disi na a prakseri fu wi Gado fu howpu”.
21, 22. Sortu waka fu den natie wi kan ferwakti ini a krosbei ten di e kon?
21 Now fu ala ten a de en ten fu du a prakseri dati. Iya, na ini a pisten fu wi, now di son natie di de wan memre fu den Verenigde Natie kisi na makti fu dwengi na kern fu ala materie, dan den tiriman fu den rigeri disi no e feni en fanowdu fu libi na lusu fu problema na wan moro hei ferstan. — Teki gersi nanga Genesis 11:6.
22 Leki noiti a fesi na populair fasi fu anbegi opo e taki fu krin ensrefi èn tanapu nanga en baka teige na skoto. Na krakti di a abi fu sai pratifasi mu komoto a pasi. A bijbel e meki wi si dati den rigeri elementi sa meki na hei makti fu den go a doro èn sa lusu densrefi fu den fasi fu bribi di de leki wan parasiet èn di solanga kaba e du muiti fu hari puru fu na grontapu seti fu sani disi san den kan puru na ini. A no de fu dat’ede wan ferwondru sani dati na politiek elementi sa waka baka na fasi disi. Dati den elementi fu rigeri kan du na aanval disi na tapu fasi fu bribi sondro fu kisi strafu, fu na fasi fa den e si sani sa sori a tapu dati nowan Gado de di mu kisi anbegi èn dini. Na profeititori e sori dati den sa drai densrefi teige den Kotoigi fu Yehovah, di sa de dan ete. Den sa ferwakti dati wan kefarlek makriki wini de tapu Yehovah Kotoigi leki na laatste pisi fu na veldtocht fu den teige Gado. — Openbaring 17:12-17; Ezechiël 38:10-23.
23, 24. Fa Yehovah sa du te den natie sa fadon kon feti nanga en pipel?
23 Ma te fu kaba den sa kon sabi na syen lasi di no kan tan sondro no kon, te wan sma e pruberi fu feti nanga Yehovah fu den legre di noiti ete ben lasi wan feti. Nanga disi sondro degedege sa kon a krin dati den ben dini den belang fu na moro prenspari gensman fu na tru Gado, dati wani taki fu „na sneki”, Satan, „na gado fu na seti disi fu sani”. — 2 Korinte 4:4.
24 Fa disi kan wani taki wan lasi gi en! San a ben howpu fu sori, sa tron a heimarki fu mi-no-kefasi, nanga san a sa wiki na regtvaardiki atibron fu na Gado fu hemel èn grontapu srefi. Gi na nyofi libisma a ben kan taki: „’Unu prakseri a no mi prakseri, èn ooktu mi pasi a no unu pasi’, den wortu fu Yehovah de. ’Bika net soleki den hemel hei moro na grontapu, na so mi pasi hei moro leki unu pasi èn mi prakseri moro leki unu prakseri. Bika net soleki den alen e fadon, èn ooktu na sneeuw fu hemel saka kon na ondro èn no e drai kon baka na a presi dati, efu a no nati a gron èn meki a tyari froktu kon èn meki a soigi, èn trutru gi siri na a saiman èn brede na a sma di e nyan, na so mi wortu, di e komoto fu mi mofo sa sori dati a de. A no sa drai kon baka na mi sondro bun bakapisi, ma seiker a sa du na sani na ini san mi abi prisiri, èn seiker a sa waka bun ini san mi ben seni en go.’” — Yesaya 55:8-11.
25. Fu san-ede wi abi now bun reide fu luku na Yehovah leki wi „Gado fu howpu”?
25 Na mekiman disi fu libisma ben poti na ini a libisma ati na firi fu firi sani esesi, soleki a abi dati ooktu ensrefi. „Bika disi Yehovah fu den legre ben taki: ’Baka na glori a ben seni mi go na den natie di e fufuru unu nanga tranga; bika a sma di e meri unu, e meri na popki fu mi ai’” (Zacharia 2:8). Yehovah Kotoigi sobun sa mu howpu tapu Yehovah. A sa meki na howpu dati kontru tapu sowan glorifasi dati a sa de wan grani gi en universele soevereiniteit. Fu san-ede? A sa buwijsi sondro dati sma sa tak-go-tak-kon oiti fu en ete, dati en de a moro hei, èn almakti èn tego Gado, di e meki den moro hei ferwakti fu hemel nanga heri grontapu kontru. Hallelujah! — Psalm 150:6.
Fa yu ben sa piki?
◻ Fu san-ede na howpu fu den natie de wan bedrigi sani?
◻ Fa Gado ben gi ini Genesis 3:15 wan fondamenti fu howpu?
◻ Fa Yesus ben prakseri fu Psalm 37:34?
◻ Fu san-ede wi abi now reide fu howpu?
[Prenki na tapu bladzijde 1]
Soleki skapu e waka baka a herder fu den, na so David ben luku na Yehovah nanga howpu