Tegu srefsrefi gi na syen fasi fu na grontapu
„Fudi yu no e waka morolanga na pasi disi nanga den go na asrefi lagi swampu fu lusufasi fu libi, meki den e luku fruwondru èn den e go morofara fu skempi yu.” — 1 PETRUS 4:4
1. Fa na bijbel e ferteri fu den fosten grontapu pasi di furu kristen na ini na fosi yarhondro ben waka?
WAN „lagi swanpu fu lusufasi fu libi”. Na so na apostel Petrus e skrifi fu na syen toestand di furu sma na ini na fosi yarhondro ben de na ini bifo den ben tron kristen. Tra vertaling e taki fu en leki na „swampu fu sondro maniri fasi di e go bun fara” (The New American Bible); „beerput fu uitspatting” (The New Testament, fu Kleist èn Lilly). San ben de na ini na lagi swampu disi fu lusufasi? Na apostel Paulus kari nanga nen lusu fasi fu libi, takru lostu, dringi win psamarki, nyan èn dringi pasamarki, dringi sopi nanga onwettig dini fu kruktu gado. — 1 Petrus 4:3, 4.
2. Fu san wi kan prijse krestensma na ini a ten disi?
2 Fa a de wan difrenti a mindri a grontapu disi èn na tru kristen gemeente! Petrus ben kan prijse den kristen di a ben skrifi fu a sani disi dati den no ben buweigi densrefi morolanga nanga den fosten grontapu kompe fu den psa na swampu disi, na beerput disi fu takru fasi. Wi breiti srefsrefi fu kan taki den sortu prijse wortu disi gi kristensma na ini a ten disi now di den toestand de srefi moro takru leki na ini na fosi yarhondro. Yehovah Kotoigi e du muiti fayafaya fu du na krin anbegi di de sondro flaka èn di wi Gado èn Tata e feni bun san wani taki ’fu kibri ensrefi sondro flaka fu na grontapu’ (Yakobus 1:27). Den hei moreel markitiki fu den e gi Yehovah nen bigi grani.
3. San ben de wan reide fu sari gi Paulus, net soleki a de dati gi wi ini a ten disi?
3 Fu kan hori na hei markitiki fu den leki wan krin organisatie, dan a pipel fu Gado sontron mu go abra fu pir’ai ofu srefi sluit den pikinso sma uit di e meki sani kori den go na den pori du fu na grontapu disi. Disi e gi reide fu sari, èn wi abi densrefi firi leki na apostel Paulus di a ben si na ini na fosi yarhondro wan srefi sortu situwasi. A ben skrifi: „Bika furu sma de, mi ben taki furutron kaba fu den, ma now mi e taki fu den nanga watra ai, di e waka leki feianti fu na pina-udu fu Kristus, èn a kaba fu den na pori èn na gado fu den na den bere èn na glori fu den de na ini na syen fu den èn den ben poti den prakseri na tapu sani fu na grontapu” (Filipi 3:18, 19). Fa ibriwan fu wi kan tan farawe, dati den sortu sani disi kon en abra? Te wi e leri fu waka na baka Yesus ini a lobi fu Yehovah hei markitiki fu regtvaardikifasi èn te wi no wani si na doti libi fu na grontapu disi srefsrefi na ai. — Hebrewsma 1:9.
No drai luku na baka
4. (a) Fu san-ede na mogelekheid de dati sani kori wi fu drai go na a pori fasi fu du fu a grontapu disi? (b) San sa yepi wi fu tan farawe fu kweki wan fowtu lostu?
4 Noiti no luku psa na krakti fu sondu. Den moi sani fu a grontapu disi de tranga èn furu; Didibri abi triki èn a takru; na libisma ati de feradelek (1 Yohanes 2:15-17; 1 Petrus 5:8; Yeremia 17:9). Te a ati poti en lostu kaba tapu wan sani, dan nofotron a no wani arki moro na reide. Fu dat’ede yoisti meki wi e kisi someni fermane ini a Wortu fu Gado fu yepi wi fu sorgu dati wi ati tan soso gi Yehovah èn gi na du fu na wani fu en. A de tumsi prenspari fu no gi okasi na takru lostu srefi fu bigin gro na ini wi ati (Yohannes 1:14, 15; Mattéus 5:27-30). Wi mu tan tranga wi ati nanga reide fu san-ede wi mu lobi san bun èn fu tegu srefsrefi èn fu trowe den doti pasi fu na grontapu disi. Na apostel Paulus ben tyari en kon na fesi na a fasi disi: „A lobi fu yu mu de sondro hoigrifasi. Tegu gi san de goddelowsu èn anga na san bun.” — Romeini 12:9.
5. Fu san-ede a de wan koni sani fu ondrosuku den buweigi fu ati èn lostu fu wi soifri?
5 Te yu luku na kefar fu drifi komoto fu na kristen pasi, meki ibriwan fu wi e du bun fu ondrosuku doronomo den buweigi fu ati, èn lostu, èn marki di a poti na en fesi. Yu de persoonlek leki den kristen di Petrus ben kan prijse fudi den ben drai baka gi na srefi sortu „lagi swampu fu lusufasi disi fu libi?” Ofu ten na ten yu e sori a fasi fu na uma fu Lot di nanga lostu ben drai baka go na den sani di a ben kon fri fu den? — Genesis 19:26; Lukas 17:31-33.
Porifasi e nyan faro na ini „den lasti dei”
6, 7. (a) Sortu fasi gi prisiri leki fa a bijbel taki de leki wan marki gi „den lasti dei”? (b) Fa sma fu na grontapu e kon openlek na fesi fu den denki fu den di no krin?
6 Tan wan momenti prakseri na ini sortu grontapu wi de na a kaba fu na di fu twenti yarhondro disi. Fa wi abi pasamarki porifasi! Soleki na apostel ben taki na fesi, dan mansma nanga umasma „abi moro lobi gi prisiri leki lobi gi Gado”. Iya, ’goddelowsusma nanga bidrigiman e kon moro ogri aladi den e kori sma èn den e meki den kori den’. — 2 Timoteus 3:1, 4, 13.
7 Sutadu, hurudu, man di de matisma uma di de matisma, puru fu bere — den disi èn tra wortu de wortu di sma sabi. Den sortu afersi disi sma e feni bun èn e taki na wan fri fsi fu den a tapu radio èn televisie èn na ini kontren fu kerki èn pe den e gi leri fa fu kweki pikin bun. Na porno bisnis e go na fesi, èn den sani fu en de alape fu kisi. Sonwan fu den moro populair film, komedi nanga televisi-serie abi wan inibere tori di abi fu du nanga wan ofu tra fasi fu hurudu. Fa wi kan de nanga tangi dati wi no de wan pisi fu disi! Èn o tranga wi mu feti fu de seiker dati den fini propaganda disi no abi krakti na tapu wi ati!
8. San wi mu du èn no mu du akruderi na bijbel ini a tori fu hurudu fu a grontapu disi?
8 Kristen di e gebroiki den frustan e poti prakseri tapu na rai fu Paulus: „Meki den no taki srefi na un mindri fu hurudu èn ala sortu doti libi nanga gridifasi soleki a fiti santawan . . . Tan ondrosuku fu sabi san e plisi Masra . . . Luku fu dat’ede bun fa unu e waka, no leki donsma, ma leki koniwan.” Moro furu, na so Paulus ben taki, wi mu denki na den sani di de tru, regtvaardiki, krin, di de lobi sani èn di de bun sani. — Efese 5:3-18; Filipi 4:8.
9. San kan psa makriki te wi teki prisiri di de wan degedege wan?
9 Hori na gesontu rai disi bun na ini prakseri te yu e teki yu amusement? Go prakseri dati omoro wi e arki na pori sortu fu sani omoro na libiflsi na grontapu de wan sani di de bun èn di te yu luku en bun no de so ogri. Srefi bepaalde prenspari sma na ini a sport èn amusement grontapu di e du den sortu sani disi wi o buwondru èn waka na den baka na kibrifasi. Luku bun gi sowan sortu firi.
No meki den tak-go-tak-kon fu a grontapu disi kisi yu
10. San ben de na libi filosofie di Epicurésma fu na fosi yarhondro ben e du?
10 Na ini den dei fu Paulus furu sma ben de bakaman fu na filosofie fu den Epicurésma, di ben e libi fu prisiri ede fu plisi den lostu. Te dede fadon kon na yu tapu, so den ben taki, dan ala sani kaba gi yu. Fu san-ede fu dat’ede yu no e teki ala prisiri fu na libi solanga yu e libi ete, bika tamara yu kan de wan dede sma.
11. Fa furu sma ini a grontapu fu now e waka ini den denki èn du a baka den Epicurésma?
11 Furu sma ini a ten disi abi na srefi yeyefasi. Sondro syen den e gi densrefi abra na lostu fu ibri sortu, sondro fu fermorsu furu prakseri fa a waka nanga libi fu den abi krakti tapu tra sma. Gi den Gado no de, ofu efu a mag fu de, dan a no e meki wi si dati a e broko ede nanga den libisma afersi. Fudi libisma de na bakapisi fu evolutie, — a so den e taki — meki den no abi fu gi frantwortu na no wan sma leki na densrefi èn na gemeenschap pe den e libi na ini. Yu kan gi srefi pardon te sma e du leki meti. Efu den hurudu a bijbel e krutu den, e gi prisiri na den lostu, dan no wan sma mu feni dati ogri fu den. Fu san-ede yu mu libi wan libi fu offer yusrefi èn frustratie, na so den sma disi e tak-go-tak-kon, efu tog wi alamala e kon na asrefi presi — na ini a grebi?
12, 13. (a) San na a kefar efu kristensma e abi fu du nanga gron tapu tak-go-tak-kon? (b) San ben de a mama fu a tori fu na problema na ini Korinte? (c) San musu du fu kibri wisrefi fu kon ondro na krakti fu wan fasi fu libi pe wan sma e prakseri ensrefi nomo?
12 Wi no mu tapu wi ai fu en dati son kristen na ini Korinte nanga sowan fasi fu tak-go-tak-kon fu sani ben kon ondro krakti fu dati. Di Paulus ben skrifi gi na gemeente drape, a ben èrkèn dati „efu den dedewan no e opobaka” futru wan logica ben de ini na libi filosofie fu a ten dati dati wani taki „meki wi nyan èn dringi bika tamara wi e dede”. Ma a ben gi buweisi dati na bidrigi tak-go-tak-kon disi fowtu: „No meki den kori yu. Takru demakandra e pori bun gwenti. Wiki èn kon na yu frustan tapu wan regtvaardikifasi èn no du sondu, bika son sma no abi sabi fu Gado. Mi e taki fu buweigi yu fu kisi syen.” — 1 Korinte 15:32-34.
13 Luku fa Paulus wantronwantron e go na a mama fu a problema fu den kristen disi na ini Korinte. Na fowtu denki fu den ben kon fu takru demakandra. Wi kan leri wan sani fu disi. Efu wi no e luku bun, dan wi kan go denki dati wi mu tesi fu bepaalde prisiri di no mag bifo wi kon tumsi owru fu nyanbun fu den ofu bifo wi dede. Efu wi abi a firi fu tak-go-tak-kon na a fasi disi, dan wi mu kenki wi denki es’esi. Fa? Go prakseri dati na fasi fu luku sani disi pe wi e prakseri wisrefi nomo e poti Gado regtvaardiki markitiki na wan sei. A e sori wan mankeri fu fertrow na ini den seiker pramisi fu Gado, makandra nanga na opobaka howpu. Srefi te yu luku en na wan praktis fasi wan sma kan taki dati den sma di e libi wan pori fasi fu libi e tyari furu ati pen èn muillekheid kon tapu densrefi. Fu kisi a yoisti fasi fu si sani dan den mu wiki èn kon na den frustan tapu wan retvaardikifasi. Den no ka tak-go-tak-kon na wan yoisti èn gesontu fasi efu den ’no abi sabi fu Gado’.
14. Suma no sa kisi den blesi fu Gado kownukondre, ma san Paulus ben èrkèn fu na fosten libi fu son sma?
14 A fesi kaba na ini en brifi gi den Korintesma na apostel Paulus ben meki kon na krin dati huruduman, sutaduman, dinari fu kruktudu, homoseksueelman, fufuruman, gridiman, drunguman, skempiman nanga bidrigiman — alamala sma di ben de furu na ini Korinte — no ben sa tron wan pisi fu Gado kownukondre. A ben taki morofara: „Toku sonwan fu unu ben de dati. Ma den wasi yu kon krin, ma yu ben kon santa.” Dati na a fasi disi den ben wasi kon krin ben sori na krakti fu a Wortu fu Gado èn na ferfusu-ofrandi (1 Korinte 6:9-11). Drai gobaka na a doti libi fu a owru grontapu ben sa de na heimarki fu lawfasi!
15. Sortu krakti wortu Petrus ben geboriki fu skrifi fu na positsi fu den sma di e drai gobaka na doti fasi fu libi fu na grontapu disi?
15 Petrus ben taki: „Efu den ben go baka na ini densrefi sani èn den ben wini den, bakadi den ben kisi soifri sabi fu na Masra èn Ferlusuman Yesus Kristus èn den ben lon komoto gi den dotifasi fu na grontapu, dan den lasti toestand seiker de moro ogri gi den leki na fosiwan. Sani ben miti den leki fa na tru odo e taki: ’Na dagu drai gobaka na en eigi braak èn na pikin agu di den ben wasi lolo na ini na tokotoko’” (2 Petrus 2:20, 22). Dati na krakti wortu! Ma sontron krakti wortu de fanowdu fu meki wan sma frustan na seryusufasi fu na rai di gi. Na warskow disi di ben gi na kristensma na ini na fosi yarhondro fiti moro srefi ete gi wi ini a ten disi.
Wi e koti san wi e sai
16. Tapu sortu fasi wan sma ’e koti san a e sai’ te a e libi wan libi fu no hori ensrefi na wet?
16 Kristensma e si alape lontu den den buwijsi dati na hurudu, èn pori libifasi fu na grontapu no de bun, ya e tyari dede kon (Romeini 1:18-32). Go prakseri pikinso sortu ati-pen nanga pina e kon soso kaba tapu a kontren fu seksualiteit te respeki no e sori gi Gado wet di abi fu du nanga moraliteit: na panya fu osofamiri, tan nanga bere sondro fu trow, a puru fu bere, nanga tranga go didon na wan uma, na fowtu gebroiki tapu seks kontren fu pikin, syenpresi siki, fu kari soso wantu sani. Dan yu abi gesontu problema di e kon te na skin e kisi slag fu na nyan èn dringi pasamarki èn na gebroiki fu drugs. Gi pasi na big’ai e tyari nofotron fufuru nanga a du fu bidrigifasi kon. Pikinmoro nowan pasa fu a wet fu Gado de di no abi na wan ofu tra skin hogri ofu hogri fu a firi gi na sma di pasa a wet. A de so leki fa na apostel Paulus ben fermane kristensma: „no meki den kori yu. Gado no e meki sma spotu en. Bika san wan sma e sai, dati a sa koti; bika wan sma di e sai nanga en meti na prakseri, sa koti pori fu en meti.” — Galasia 6:7, 8.
17. Fu san-ede wan kristen mu meki reide fu ati pusu en fu libi akruderi den regtvaardiki markitiki fu Gado?
17 Ma fa na bijbel na a tra sei e gi wan krakti reide fu hori yu srefi na den markitiki fu Gado. O tru a de san a Wortu fu Gado e taki: „Wan man fu getrow du sa kisi furu blesi”! (Odo 28:20). Den sma di e tegu fu na syenfasi fu na grontapu disi e tan farawe fu den takru bakapisi fu wan pori libi. Den e nyanbun fu wan soifri matifasi nanga den brada èn sisa fu den èn nanga a Gado fu den, Yehovah. Boiti fu dati, den abi na moro bigi howpu fu kisi na prijs fu tego libi ini Gado nyun grontapu. Now di wi doro bunfara kaba na ini na ten fu na kaba fu na seti fu sani disi, dan den sma di de fu den „tra skapu” abi srefi na speciaal howpu dati den sa psa na „bigi benawtu” èn no a fu dede kwetkweti. Den abi wan bribi sondro kondisi dati efu den dede a fesi dati, Gado e pramisi fu gi ala sma di de ini den memre grebi wan opobaka (Yohannes 5:28, 29; 10:16; Openbaring 7:14). Fu san-ede wan sma, te yu teki ala den sani disi ini prakseri, ben sa wani srefi gi wan esi-esi prakseri fu go bumui na ini den tegu sani fu na grontapu disi? — Romeini 6:19-23; 1 Petrus 4:1-3.
18. (a) Fa Yehovah sa sori na ini na „bigi benawtu” en krutu teige „goddelowsusma”? (b) Fa Yehovah e taki na ini en lasti wortu di skrifi na ini a bijbel fu wan krutu?
18 Na bijbel e meki wi si krin dati wi e libi na ini na lasti pisi fu san a buku dati e kari „na bosroiti fu a seti fu sani” (Mattéus 24:3). Soleki Petrus ben taki, „dan den hemel nanga na grontapu fu noya kibri poti gi na faya èn den e kibri den gi na dei fu a krutu èn fu na pori fu den goddelowsusma” (2 Petrus 3:7). Te na dei disi fu gi frantwortu di sma fruwakti langa kaba e kon, dan na sani disi di sma e taki dati libisma kan handri onafhankelek fu Gado èn dati en hurudu èn tranga fasi fu libi de gewoon wan bakapisi fu Evolutie sa lasi gwe (Kolosse 3:5, 6). Arki fa Gado srefi na ini den lasti wortu di skrifi ini a bijbel e ferteri tapu san a e kon gi den sma di e dini en èn tapu san a e kon gi den sma di no e du dati! „Luku! Mi e kon es’esi, èn a paiman di mi e gi, mi abi na mi, fu pai ibriwan sma akruderi en wroko. . . . Koloku den sma de di e wasi den langa krosi sodati den e kisi a reti fu go na den bon fu libi èn den mag go ini na foto pasa en portu. Na dorosey den dagu de èn den di e du afkodrei èn den huruman èn den kiriman èn den dinari fu kruktu gado èn ibriwan sma di lobi lei èn di e du en.” — Openbaring 22:12-15.
19. San mu de na fasti bosroiti fu wi efu wi go prakseri san o psa?
19 Teki na fasti bosroiti, aladi na grontapu disi na moreel sei kon moro hogri, fu prisiri Yehovah fudi yu e du san krin, èn regtvaardiki. Dan span yusrefi fu kisi na prijs fu libi. Weigri fu sani soigi yu go na ini na „lagi swampu fu lusufasi fu libi” fu na grontapu pe yu sa feni dede. Yu kan wini na strei teige wan porifasi fu denki te yu tegu nanga yu heri ati gi na syenpasi fu na grontapu!
San yu ben sa piki?
◻ Fu san-ede na kefar de dati wi sa kon abi fu du nanga na syen fasi fu na grontapu disi?
◻ Fu san-ede wi mu luku heri bun ini na teki di wi e teki amusement?
◻ Sortu tak-go-tak-kon di de wan rampu kan abi makriki krakti na tapu wi efu wi abi demakandra nanga disi ten Epicurésma?
◻ San na a krutu fu Yehovah tapu den di sondro fu abi berow e drai densrefi go na a syen pasi fu na grontapu disi?
◻ Sortu blesi e wakti den di e hori densrefi fri fu fasi fu libi fu na grontapu disi di wi mu trowe?
[Prenki na tapu bladzijde 6]
Te dienstknegti fu Gado e tegu srefsrefi gi na syen pasi fu na grontapu disi, dan dati sa yepi den fu go na ini na nyun grontapu fu regtvardikifasi
[Prenki na tapu bladzijde 8]
Na syen amusement fu na grontapu kan de wan trapu gi wan kristen di no e luku bun