Na suma wi kan luku go fu kisi tru geregtegheid?
„Na Krutuman fu na heri grontapu no sa du reti?” — GENESIS 18:25.
1, 2. Fa furu sma e du nanga na kruktudu di de ala presi?
A KAN DE SEYKER so taki yu sabi bunbun taki kruktudu de ala pe. Fa yu e du yu srefi tapu na mankeri fu tru geregtegheid di de na a heri grontapu?
2 Son sma e du tapu a kruktudu di de na so wan fasi taki den e degedege taki wan regtvaardiki Gado de. Kande den e taki srefi taki den de „agnostis”. Kande yu ben yere na wortu disi wan dey. A abi fu du nanga wan sma di e denki „taki ibri fosi sani (so leki Gado) sma no sabi èn kande a de seyker so teki sma no sa kon sabi en”. Na bioloog Thomas H. Huxley, wan fesiman fu na evolutie leri fu Darwin di ben libi na lnl na di fu tina neygi yarihondio ben gebroyki leki fosi wan na wortu „agnostis” na ini na bodoy dati.a
3, 4. San na a bakagron fu na wortu „agnostis”?
3 Ma fu pe Huxley ben teki na wortu „agnostisl”? Te yu e luku en bun a ben teki a wortu disi fu wan wortu di wan sabiman fu wèt fu na fosi yarihondro, na apostel Paulus ben gebroyki na ini wan tra bodoy. A kon fu wan fu den moro barinen taki di a ben hori oyti wan ten. Na taki disi de now wan sani di abi a belangstelling fu sma, bika a e gi wi wan bun fondamenti fu kon sabi fa èn oten geregtegheid gi ala sma sa de èn, san de moro, fa wi srefi kan nyan bun fu en.
4 Na wortu „agnostis” („wan sani di sma no sabi”) ben kon fu san Paulus ben taki fu wan altari nanga den wortu „gi wan Gado di sma no sabi”. Na syatu taki dati, datra Lukas ben skrifi poti na ini na di fu tina seybi kapitel na ini na historiya buku Tori fu den apostel. Fosi na kapitel e meki wi si fa Paulus ben du kon na ini Athene. Na ini na faki (tapu blz. 10, 11) yu kan leysi den fosi wortu èn ooktu na tekst fu na heri taki di Lukas skrifi.
5. Na ini sortu setting Paulus ben hori en taki gi den Athenesma? (Meki wan sma leysi Tori fu den apostel 17:16-31).
5 Na taki fu Paulus trutru de krakti èn e frudini wi heri prakseri. Wi, di e libi now a mindri fu bigi onregtvaardiki fasi, kan leri furu fu dati. Luku fu bigin pikinso na setting, di yu kan leysi fu en na ini Tori fu den apostel 17:16-21. Den Athenesma ben firi den srefi hey taki den ben libi na ini wan barinen presi fu leriman, pe Socrates, Plato nanga Aristoteles ben gi leri. Athene ben de ooktu wan foto fu kerki sani. Ala pe lontu Paulus ben kan si gadopopki — fu na fetigado Ares ofu Mars; fu Zeus; fu Aesculapius, na gado fu a koni fu dresi sma; fu na hogri se gado Poseidon; fu Dionysus, Athena, Eros nanga trawan.
6. Fa na presi pe yu e libi ben sa kan teki gersi nanga san Paulus ben miti na ini Athene?
6 Ma efu Paulus ben kon now wan dey fu si yu, foto ofu kontren? Dan kande a ben sa kisi fu si bun furu gadopopki ofu popki fu kerki srefi ini na kontren fu na krestenheyti. Na wan tra presi a ben kan si moro ete. Wán reisgids e taki: „Den gado fu Indiya hori den srefi na wan patna kontrari den Griki ’brada’ fu den di no e du dati, èn wantu bun bigi fruwondru krakti sma e taki den uma fu den abi . . . sondro fu taki sani psa marki. . . yu abi milyumilyun gado di abi fu du nanga ala fasi fulibi nanga sani di de fu si na ini na natuur.”
7. Sortu gado den Griki gado fu owru ten ben de?
7 Furu Griki gado den ben prenki leki den no e denki bradi èn di ben de tumsi yayo. Te libisma di e dede ini na ten disi ben sa gi densrefi abra na den sortu libi en waka disi, dan na ini moro furu kondre disi ben sa tyari syen kon gi den, iya, den ben sa si so wan sortu libi nanga waka leki wan ogri sani. Yu abi fu dati-ede ala reyde fu aksi yu srefi sortu geregtegheid den Griki sma na ini a ten dati ben sa kan fruwakti fu den sortu gado disi. Toku Paulus ben si taki den Athenesma ben gi densrefi abra spesrutu na den gado dati. Furu nanga regtvaardiki overtoygi a ben bigin tyari den heywaarheid fu na tru kresten bribi kan na krin.
Wan grupu sma di ben arki en di ben de wan tyalansi
8. (a) Sortu denkl nanga fasi fu si sani ben de aparti na den epikuriyasma? (b) San den stowisensma ben bribi?
8 Son dyu nanga Griki sma ben arki nanga belangstelling ma fa den prenspari epikuriya nanga stowisen filosoof ben sa du? So leki yu sa si, dan den ben abi prakseri di ini furu kontren ben kruderi nanga den algemeen denki na ini na ten disi, di son wan fu den den e leri srefi na yonguwan na ini skoro. Den epikuriyaman ben tanapu a tapu fu abi wan libifasi pe wan sma kan kisi someni prisiri leki a kan fu dati, spesrutu prisiri gi na yeye. Na leri fu den fu ’nyan èn dringi bika tamara wi e dede’, ben abi a marki fu no abi moreel gronprakseri nanga bunfasi srefi srefi. (1 Korintesma 15:32). Den no en bribi taki den Gado ben meki na universum; na a tra sey den ben abi a denki taki a libi du kon fu en srefi na ini wan universum di de leki wan masyin. Boyti fu dati, den gado no ben abi belangstelling gi libisma. Ma fa a ben de nanga den stowisensma? Den ben poti krakti na tapu logika èn ben bribi taki materi nanga krakti ben de elementi gronprakseri na ini na universum. Den stowisensma ben poti na ini den prakseri wan gado di no de wan sma, na presi fu bribi ini wan Gado di de leki wan Sma. Den ben abi a prakseri tu taki den afersi fu libisma na a lòt e tyari den.
9. Fu san-ede a situwâsi fu Paulus ben de wan tyalansi fu preyki?
9 Fa den sortu filosoof disi ben du tapu na publiki leri fu Paulus? Gridi fu sabi sani makandra nanga na asrantifasi fu feti baka koni, ben de na a ten dati na marki fu den Athenasma, èn den filosoofman dati ben bigin taki-go taki-kon nanga Paulus. Te fu kaba den ben tyari en go na a Areópagus. Fu di na Areópagus ben de moro hey leki na wwoyoplen fu Athene ma moro lagi leki na Acropolis di ben hey go na tapu, meki a ben de tapu wan pikinston bergi di den ben kari nanga na nen fu a gado Mars ofu Ares, fu dati na nen fu pikin bergi fu Mars ofu Areópagus. Na ini owru ten wan krutu ofu ray fu man ben kon makandra. A de heri bun taki Paulus ben tyari go na wan krutu di kande ben e hori krutu tapu wan presi pe yu kan luku go tapu na fruwondru Acropolis nanga en barinen Parthenon èn tra tènpli nanga stonpopki. Son sma e denki na apostel ben de ini kefar fu di a tyari fu nyun gado kon na fesi no mag na a Romen wèt. Ma srefi efu den ben tyari Paulus soso go na a Areópagus fu tyari san a e bribi kon na fesi ofu fu sori taki a ben abi befuktu fu du wroko leki leriman, a ben tanapu na fesi wan kefarlek bigi grupu fu arkiman. A ben sa man fu tyari na tumsi prenspari boskopu disi kon na krin sondro taki den sma ben sa tapu den srefi fu dati?
10. Fa Paulus ben gebroyki taktik fu bigin taki den sani di a ben abi fu taki?
10 Luku na ini Tori fu den apostel 17:22, 23 pikinso nanga omeni taktik nanga koni Paulus ben e bigin. Di a ben èrkèn fa den Athenesma ben lobi fu anbegi gado èn omeni gadopopki den ben abi, dan son wan fu den arkiman fu en kande ben si dati kande leki wan prèise. Na presi fu a ben fadon go tapu a skin fu a dini fu furu gado, Paulus ben poti prakseri tapu wan altari di a ben si èn di ben de gi „Wan Gado di sma no sabi”. Buwèysi materiaal fu na historiya e sori taki fu tru den sortu altari dati ben de, san e tranga wi frutrow na ini a tori di Lukas ben skrifi. Paulus ben gebroyki na altari disi leki a punt pe a bigin fu taki, Den Athenesma ben poti bigi warde na sabi nanga lôgika. Ma toku ete den ben piki taki wan gado ben de di den ’no ben sabi’ (Griki: a.gno’stos). A ben de fu dati-ede wan logika sani soso taki den ben musu gi Paulus pasi fu fruklari en gi den. Tapu na taki-go taki-kon dati no wan sma ben man fu taki wan sani, a no so?
A de wan sani di kan fu leri sabi Gado?
11. Na sortu fasi Paulus ben tyeri den arkiman fu en go so fara fu go prakseri fu na tru Gado?
11 We, sortu Gado na „a Gado disi di sma no sabi” ben de? „Na Gado” ben meki na grontupu èn ala sani san de na ini. No wan sma no ben man taki taki a no de so taki na universum de, taki dan prani èn meti de, taki wi leki libisma de. Na krakti èn na frustan, iya, na koni di sori na ini ala den sani disi ben sori a tapu taki a de wan froktu fu wan koni èn makti Mekiman èn no ben du kon somar. Te yu luku en leti, dan a buwèysi fu Paulus te nanga a ten fu wi bun srefisisrefi ete. — Openbaring 4:11; 10:6.
12, 13. Sortu disiten buwèysi materiaal e hori baka gi na punt di Paulus ben tyari kon na prakseri?
12 No so langa psa kba na Ingrisi astronoom Sir Bernard Lovell ben skrifi na ini en buku In the Centre of Immensities fu na kefarlek bigi dangra fu den moro furu senpel form fu libi na grontapu. Ooktu a ben taki o bigi kande seyker a ben de, so taki a sortu libi disi ben sa du kon somar. En bosroyti ben de: „Taki seyker a tyans fu wan sani di ben psa somar e meki wan fu den moro pikin proteïne molecule ben du kon de kefarlek pikin. Ini sey fu den grens di nanga yepi fu den omstandigheid fu ten nanga ruimte di wi e si, dan na tyans dati te yu luku en bun de noti.”
13 Ofu luku na tra kriboy sey pikinso — wi universum. Astronoomman e meki gebroyki fu elektroniya sani di den feni fu stuka na bigin fu en. San den ben kon feni? Na ini God and the Astronomers Robert Jastrow ben skrifi: „Now wi e si fa na astronomiya buwèysi materiaal e tyari wi go na a beybri luku tapu a bigin fu na grontapu.” „Gi na wetenschapman di ala ten ben hori en srefi tranga na en bribi na ini a krakti fu na frustan, na heri tori e kon na wan kba na ini wan dren. A ben kren den bergi fu no sabi sani èn now a de tapu a punt fu wini moro hey penti. Te a e hensi en srefi abra na kriboy ston, dan wan lo theoloogman [sma di e bribi taki Gado meki sani] di de drape kba someni yarihondro, e bari en wan odi.” — Teki gersi nanga Psalm 19:1.
14. Sortu lôgika ben hori baka gi na fruklari fu Paulus taki Gado no e libi na ini tènpel di libisma meki?
14 A so fasi wi kan si o soyfri a kòmentaar fu Paulus na ini Tori fu den apostel 17:24 ben de, di e tyari wi go na a tra prakseri fu en, di tanapu na ini vers 25. Na almakti Gado di „ben meki grontapu èn ala sani di de na ini”, de seyker moro bigi leki na universum fu stof (Hebrewsma 3:4). A no ben sa de reydelek so bun fu denki taki a man fu libi soso na ini tènpel, spesrutu ini tènpel di libisma ben bow, di na fesi fu ala sma e piki taki a ben de a gado fu den ’di sma no sabi’. Fa disi ben de wan krakti buwèysi fu hori na fesi fu filosoofman di kande yoiysti tapu a momenti dati ben iti wan ay go tapu den furu tènpel di ben de leti tapusey fu den! — 1 Kownu 8:27; Yesaya 66:1.
15. (a) Fu san-ede den prakseri fu den arkiman fu Paulus ben go na Athena? (b) Sortu bosroyti musu teki te yu taki Gado de na Giman?
15 Kande seyker a ben de so taki den arkiman fu Paulus tapu na Acropolis ben gi grani na wan fu den popki fu den umagado fu den, Athena, di ben kibri den. Na Athena di ben kisi grani na ini na Parthenon ben de fu ivoor nanga gowtu. Wan tra popki fu Athene ben hey moro leki twenti meyter èn komoto fu den sipi tapu se yu ben kan si en. Èn sma e taki taki na gadopopki di sma sabi leki Athena Poliasi ben fadon komoto fu heymel; ala ten baka den sma ben tyari wan nyun langa krosi gi en, di den ben meki nanga anu. Ma efu na Gado di den sma disi no ben sabi ben de na Moro hey wan en ben meki na universum fu san-ede sma ben musu sorgu en nanga sani di den sma kande ben wani tyari gi en? En e gi san wi abi fanowdu: wi „libi”, na „bro di wi abi fanowdu” fu hori a libi èn „ala sani” makandra nanga na son nanga alen nanga den fatu gron pe na nyanyan fu wi e gro (Tori fu den apostel 14:15-17; Mateus 5:45). En de na Giman, libisma na den kisiman. A de seyker so taki na Giman no e anga fu den kisiman.
Komoto fu wan sma — ala sma kon
16. San Paulus ben taki fu a bigin fu libisma?
16 Dan Paulus ben tyari na ini Tori fu den apostel 17:26 wan waarheid kon na krin pe furu sma musu go denki fu en, spesrutu now di ini na ten disi someni kruktudu mindri den ras de fu si. A ben taki taki na Mekiman „komopo fu wan sma ben meki ibri nâsi fu sma fu libi na tapu na heri fesi fu na grontapu”. Na prakseri taki na libisma ras ben de wan wanfasi ofu bradafasi (nanga ala sani san abi fu du nanga geregtegheid), ben de wan sani di ben gi den sma dati stof fu go prakseri, bika den Athenesma ben taki taki den abi wan spesrutu bigin, di ben meki den de tra fasi fu na libisma famiri. Ma Paulus ben bribi na Genesistori fu na fosi libisma, Adam, di wi alamala komoto fu en (Romeinisma 5:12; 1 Korintesma 15:45-49). Ma yu ben aksi yu srefi kan de efu so wan denki kan tan tanapu na ini wi modern wetenschappelijk ten.
17. (a) Fa disiten buwèysi materiaal e sori seyker go ini na srefi sey di Paulus ben sori a tapu? (b) San disi abi fu du nanga geregtegheid?
17 Leki fa na evolutietheorie taki dan libisma ben evolueer na ini difrenti kontren èn tron difrenti sortu. Ma bigin fu a yari di psa a koranti Newsweek ben poti na wetenschappelek rubriek na tori „Na ondrosuku fu kon sabi moro fu Adam nanga Eva”. A ben poti prakseri tapu sabi di sma feni no so langa psa kba tapu a kontren fu genetika. Ala di so leki kan fruwakti, taki a no ala koniman e agri nanga dati, toku a sani di e bigin sori en srefi e sori tapu na bosroyti taki ala sma ben abi wan gemeenschappelek genetika fositen ppa nanga mma. Fu di wi alamala so bun, so leki na beybri ben taki langa ten psa kba, de brada, dan geregtegheid no musu de gi ala sma? Wi alamala no ben musu abi leti fu den handri wi sondro partèy fasi, awinsi sortu skinkloru ofu sortu wiwiri ofu tra skinmarki wi abi? (Genesis 11:1; Tori fu den apostel 10:34, 35) Wi musu kon sabi te now ete fa èn oten geregtegheid sa kon gi na libisma famiri.
18. Sortu fondamenti ben de gi san Paulus ben taki fu na bumuy fu Gado nanga libisma?
18 We, ini vers 26 Paulus ben sori a tapu taki wi kan fruwakti fu na Mekiman taki a abi wan wani ofu regtvaardiki prakseri ini na tori fu na libisma famiri. Na apostel ben sabi taki Gado ini en bumuy nanga na nâsi Israël ben poti pe den ben sa libi èn fa tra nâsi ben sa kan handri nanga den (Exodus 23: 31, 32; Numeri 34:1-12; Deuteronomium 32:49-52). A no de fu taki taki den arkiman fu Paulus nanga na heymemre di den ben abi, kande na a fosi presi ben tyari a komentar fu en kon tapu den srefi. Ma te yu luku en bun dan, efu den ben frustan dati now ofu no Yehovah Gado na profeytifasi ben fruteri a wani fu en fu na ten ofu na pisiten ini na historiya pe Griki kondre ben sa de na di fu feyfi bigi grontapu makti (Daniël 7:6; 8:5-8, 21; 11:2, 3). Fu di en de a Sma di srefi kan du nanga nâsi leki fa A wani, dan a no de reydelek dati wi musu abi na lostu fu leri sabi en?
19. Fu san-ede na buwèysi fu Paulus na ini Tori fu den apostel 17:27 de reydelek?
19 A no de so taki Gado no ben libi unu na ini don ini na tori fu en srefi, so taki wi ben sa musu firifiri na ini dungru. A ben gi den Athenesma èn wi wan fondamenti fu leri sabi en. Na ini Romeini 1:20 Paulus ben skrifi bakaten: „Den eygifasi fu Gado di wi no kan si de krin fu si fu sensi a meki fu na grontapu, fudi yu kan si den nanga yepi fu den sani di ben meki, iya, en tégo krakti nanga Gadofasi. Fu dati-ede meki Gado trutru no de so fara fu wi efu wi wani feni èn wani leri sabi En.” — Tori fu den apostel 17:27.
20. Fa wi kan taki taki nanga yepi fu Gado wi labi libi èn e buwèygi èn de?
20 Warderi musu buwèygi-wi fu du dati, so leki Tori fu den apostel 17:28 e sori. Gado ben gi wi libi. Te yu luku en bun dan wi abi moro leki soso libi ini na fasi fa wan bon abi libi. Wi, èn ooktu a moro bigi pisi fu den meti, abi a moro hey form fu libi fu di wi man fu buwèygi wi srefi èn puru wi srefi go na wan tra presi. Wi no breyti nanga dati? Ma Paulus e tyari na afersi go wan stap moro fara ete. Wi kan de leki sma di abi frustan èn di abi wan persoonlekheid. Den edetonton di Gado ben gi wi e meki wi man fu denki fu frustan abstracte gronprakseri (so leki tru geregtegheid) èn fu abi howpu — iya, fu luku go na a ten te Gado wani sa psa dorodoro. So leki yu kan frustan, dan Paulus ben musu frustan taki disi ben de wan sani di den epikuriya nanga stowisen filosoof ben sa teki muylek. Fu yepi den, dan a ben teki den wortu fu wan Griki puwemaman di den ben sabi én den ben respeki, wan puwemaman di ooktu ben taki: „Bika wi de ooktu fu en bakapikin.”
21. Sortu krakti a musu abi tapu wi taki wi de bakapikin fu Gado?
21 Efu sma si taki wi de na bakapikin ofu sani di na Moro hey Gado meki, dan a fiti nomo taki den luku na en fu kisi tiri ini a fasi fa den musu libi. Wi musu fruwondru fu na fri fu taki fu Paulus sondro fu frede, di a ben tanapu pikinmoro ini na kowrupe fu na Acropolis. Nanga deki-ati a ben taki go taki kon taki wi Mekiman seyker de moro bigi leki na popki fu gowtu ofu ivoor ini na Parthenon. Den alamala di e teki na fasi fa Paulus e tyari sani kon na krin, musu agri ooktu taki Gado no abi noti gemeen nanga wan fu den gadopopki di libisma e anbegi na ini a ten disi. — Yesaya 40:18-26.
22. Fa berow e kon ini na prenki te wi wani abi prati na ini geregtegheid?
22 Disi no de soso wan techniki punti taki wan sma nanga en frustan kan teki wan sani ala di a e go doro nanga en libifasi sondro fu kenki. Paulus ben meki disi kon na krin na ini vers 30: „Gado te yu luku en bun ben luku psa den ten fu so wan no sabi sani [pe sma ben si Gado leki wan nyofi kruktugado ofu e denki taki na anbegi fu Gado Gado ben sa teki via so wan kruktugado], ma a e taygi den sma now taki den alamala musu abi na ala pe berow.” Te Paulus so bun e wroko go na en krakti bosroyti, a e tyari wan fruwondru punt kon na fesi — berow! Te wi e luku na Gado so bun fu kisi tru geregtegheid, dan disi wani taki taki wi sa musu abi berow. San den e aksi wi fu dati? Èn fa Gado sa gi geregteghèid na alasma?
[Futuwortu]
a So leki furu sma na ini na ten disi, na so Huxley ben si den onregtvaardiki fasi fu na krestenhèyti. Na ini wan buku fu agnosticisme a ben skrifi: „Efu wi ben kan si . . . fa den skwala fu hoygrifasi nanga hogri-ati fasi, den ley, den trowe fu brudu, na libi a wan sey fu ibri fruplekti di na libisma fasi e aksi, di fu na presi disi ben lon psa tapu na bedi fu den kristen nâsi, dan den moro takru prakseri di wi ben abi fu Hèl, ben sa de noti na sey na fisyun dati.”
Yu kan piki disi?
◻ Sortu kerki situwâsi Paulus ben miti na ini Athene, èn fa yu abi now so wan srefi sortu situwâsi?
◻ Ini sortu fasi Gado de moro bigi leki ala falsi gado di sma ben anbegi ini na Athene ini na ten fu Paulus?
◻ Sortu fondamenti sani fu na fasi fa Gado ben meki na libisma ras, wani taki taki geregtegheid musu de gi alasma?
◻ Fa sma musu du nanga na sabi fu na bigi di Gado bigi?
[Faki na tapu bladzijde 10, 11]
Geregtegheid gi ala sma — Tori fu den apostel kapitel 17
„16 Ala di Paulus now ben wakti tapu den na ini Athene, na yeye fu en ben trobi en di a ben si taki a foto ben furu nanga kruktugado popki. 17 Fu dati-ede meki a ben go na ini na dyu kerki fu taki-go taki-kon nanga den dyu èn den tra sma di ben e anbegi Gado, èn ibri dey tapu na wwoyopresi nanga den sma di ben de toevallig drape. 18 Ma wantu sma fu den epikuriya nanga stowisen filosoofman ben go strey nanga en, èn son wan ben taki: ’San na taki-taki mofo man disi ben sa wani fu fruteri?’ Trawan: ’A gersi taki a de wan preykiman fu freemde gado.’ Disi ben de fu di a ben meki na bun nyunsu fu Yeyses bekenti. 19 Den ben grabu en fu dati-ede èn ben tyari en go na a Areópagus èn ben taki: ’Wi ben sa kan kon sabi san na nyun leri disi de di yu e taki fu en? 20 Bika yu e tyari wan tu sani kon na fesi di de freymd ini wi yesi. Nanga ala prisiri wi ben sa wani kon sabi sote san den sani disi wani taki.’ 21 Now a ben de so, taki ala Athenesma nanga den dorosey sma di e libi drape, ben psa den fri ten nanga noti moro leki nanga a fruteri fu ofu a arki na wan nyun sani. 22 Paulus dan opo tanapu a mindri tapu na Areópagus èn ben taki:
’Un man fu Athene, mi e si taki na ini ala sani moro leki tra sma unu gersi taki unu gi unu srefi abra na a frede fu den gado. 23 Di fu eksenpre mi ben waka lontu èn ben luku fini fini den sani di unu e anbegi, mi ben feni ooktu wan altari nanga den wortu: „Gi wan Gado di sma no sabi”. A sani di fu dati-ede sondro fu unu sabi e anbegi, na dati mi e meki bekenti gi unu. 24 Na Gado di ben meki grontapu èn ala sani di de na ini, en de Masra fu heymèl nanga grontapu, no e libi na ini tènpli idi anu meki 25 èn libi-sma anu no e sorgu en tu, net leki a abi wan sani fanowdu, fu di en srefi gi libi nanga bro èn ala sani na ala sma. 26 Èn a ben meki komoto fu wán sma ibri nâsi fu sma fu libi tapu na heri fesi fu na grontapu, èn a ben poti den faste ten èn den faste skotu fu den libipresi fu den sma, 27 so taki den ben sa suku Gado, efu kande den ben sa kan feni en èn feni en trutru, ala di te yu luku en bun a no de fara fu ibriwan fu wi. 28 Bika nanga en wi abi libi èn wi e buwèygi wi èn wi de, so leki ooktu son wan fu den puwemaman a mindri unu ben taki: „Bika wi de ooktu en bakapikin.”
29 Fu di wi fu dati-ede de a baka pikin fu Gado, dan wi no mu prakseri taki na persoon fu Gado gersi gowtu ofu solfru ofu ston, wan sani di nanga na koni fu libisma èn na frustan fu libisma den ben koti leki popki. 30 Èn Gado te yu luku en leti ben luku psa den ten fu so wan no sabi fu sani, ma e taygi den sma now taki den alamala musu abi na ala pe berow. 31 Bika a ben poti wan dey pe a abi na prakseri fu krutu na grontapu pe libisma e libi na tapu na ini regtvaardiki fasi nanga yepi fu wan man di a ben poti èn a ben gi alasma wan dyaranti fu di a ben wiki en puru fu dede.’”
[Faki na tapu bladzijde 12]
Den ben meki na universum
Na ini 1980 dr. John A. O’Keefe fu na NASA (na Amerkan National Aeronautics and Space Administratiton): „Mi e agri nanga na fasi fa Jasrtows e luku sani taki na modern astronomiya ben feni bun buwèysi materiaal di wi kan frutrow taki na universum ben meki so wan tina feyfi te twenti milyard yari psa kba.” „Mi e feni en wan sani di e grabu yu srefisrefi fu si fa na buwèysi materiaal fu na Schepping . . . de so krin fu leysi na ini ala sani di de lontu wi: den ston, na heymel, den radiyo golf, èn fu den moro fondamenti wèt fu na natuurkundu.”
[Faki na tapu bladzijde 16]
„Na ondrosuku fu kon sabi moro fu Adam nanga Eva”
Na ondro na ede disi wan artikel na ini Newsweek ben fruklari disi: „Na koniman Richard Leakey di e diki gron fu suku sani ben fruklari na ini 1977: ’No wan aparti centraal punt de pe na disiten libisma ben gebore.’ Ma now den genetisisma e firi fu denkt wan heri tra sani . . . ’Efu a de yoysti, èn drape mi wani strey fu en, dan na prakseri disi de tumsi prenspari’, Stephen Jay Gould e taki, na paleontholoog nanga skrifiman fu wetenschappelek tori fu na Harvard-universiteit. ’A e meki wi frustan taki ala libisma, awinsi difrenti de ini fa den tan a dorosey, fu tru de memre fu wan enkri wanlasi di ben abi en bigin no so langa psa kba tapu wán presi. Wan sortu biologisch bradafasi de di e go moro dipi leki wi ben frustan wanten.’” — 1 yanuari 1988.