Geregtegheid gi ala sma fu na sey fu na krutuman di Gado poti
„Bika na Tata ben firi lobi gi na Manpikin èn . . . ben gi na heri Krutu na a Manpikin.” — YOHANNES 5:20, 22.
1. Fa yu e kon -tanapu a fesi den sortu aksi disi leki son sma na ini na fosi yari hondro?
O PRENSPARI géregtegheid de gi yu? O krakti yu ben sa span yu srefi fu kan de seyker taki ini tru geregtegheid sma sa handri nanga yu, iya, taki yu srefi sa de a libi te na pe na grontapu geregtegheid o de? Yu de fruplekti na yu srefi fu denki fu den aksi disi, so leki ooktu son prenspari man nanga uma na ini Athene ben du disi.
2, 3. (a) Sortu taki go taki kon ben waka fesi na kari fu sori berow di Paulus ben taygi den arkiman fu Athene? (b) Fu san-ede berow ben sa de wan vreemde sani ini na yesi fu den arkiman dati?
2 Den ben arki na wan taki di ben de wan sani fu memre èn di na kristen apostel Paulus ben hori ini na barinen krutubangi fu na Areópagus. Fosi a ben taki go taki kon fu na de fu wán Gado, na Mekiman, di wi alamala abi fu taki en tangl fu wi libi. Disi ben tyari na lôgika bosroyti kon taki wi musu gi frantiwortu na a Gado disi. Di a ben doro na a punt disi, Paulus ben fruklari: „Gado te yu e luku en leti ben luku psa den ten fu so wan no sabi fu sani [fu libisma di ben e anbegi kruktu gado popki], ma e taygi den sma now taki den alamala musu abi na ala pe berow. — Tori fu den apostel 17:30.
3 Fu taki leki dan berow ben sa de wan fruwondru tori gi den arkiman. Fa so? Den Grikisma fu owruten ben sabi fu berow na ini na fasi fu konsensi fonfon fu wan sani san wan sma ben du ofu taki. So leki wan wortubuku e tyari kon na krin dan „noyti a wortu ben de wan reyde fu abi a prakseri fu wan kenki ini na heri morele instelling, wan dipi kenki fu na pasi fu libi, wan dray fu wan sma libi pe na heri libifasi de ini na tori”.
4. Sortu lôgika ben hori baka gi den wortu fu Paulus di e go fu berow?
4 Toku yu kan si sondro degedege fu san-ede so wan dipi berow fiti. Go luku na lôgika fu Paulus pikinso. Ala sma musu taki Gado tangi fu a libi fu den, fu dati-ede den alamala musu gi Gado frantiwortu. A de fu dati-ede wan sani di de yoysti èn regtvaardiki taki Gado e fruwakti fu den taki den e suku en, taki den e pruberi fu kisi sabi fu en. Efu den Athenesma no ben sabi en gronprakseri èn en wani, dan sma ben musu fruteri den fu dati èn moro fara abi berow fu tyari a libi fu den kon ini akruderi nanga dati. Disi no ben sa anga fu na omstandigheid ofu a ben de a yoysti ten fu du dati. Fu san-ede disi de so e kon na krin fu na krakti heymarki di Paulus ben doro ini na taki fu en: „Bika a ben poti wan dey pe a abi a prakseri fu krutu na grontapu pe libisma e libi a tapu na ini regtvaardiki fasi nanga yepi fu wan man di a ben poti, èn a ben gi alasma wan dyaranti fu di a ben wiki en puru fu dede.” — Tori fu den apostel 17:31.
5. Fa den arkiman ben du nanga na taki fu Paulus èn fu san-ede?
5 Na vers dati, di wani taki so furu sani èn di abi someni overtoygi, nanga leti wi musu ondrosuku finifini, bika a e gi howpu tapu volmaakti geregtegheid na ini wi ten. Luku pikinso den wortu: „A ben poti wan dey”, „fu krutu na grontapu pe libisma e libi a tapu”, „na ini regtvaardiki fasi”, „nanga yepi fu wan man di A ben poti”, gi wan „dyaranti”, „a ben wiki en puru fu dede”. Den wortu dati fu „ben wiki en puru fu dede”, ben meki wan faya takimakandra kon na mindri den arkiman fu Paulus. So leki vers 32-34 e sori, dan son wan ben go meki spotu. Trawan gwe libi na takimakandra. Ma wantu ben kisi berow èn ben tron bribisma. Ma meki wi sori taki wi de moro koni leki a moro bigi pisi fu den arkiman na ini Athene, bika disi de tumsi prenspari efu wi e angri fu tru geregtegheid. Fu kan frustan vers 31 dorodoro, meki wi musu luku pikinso na den wortu: A abi na prakseri fu krutu na grontapu pe libisma e libi na tapu.” Suma na a „sma”, èn sortu markitiki a e gebroyki, spesrutu na ini na tori fu geregtegheid?
6. Fa wi kan kisi sabi fu na Sma di ben poti wan dey fu krutu na grontapu?
6 We, ini Tori fu den apostel 17:30 e kon na krin suma Paulus ben e taki — na srefi Gado di e taygi ala sma taki den musu abi berow, wi Giman fu libi, na Mekiman. A no de fu taki taki wi kan kon sabi furu sani fu Gado nanga yepi fu den sani di a meki. Ma en markitiki fu geregtegheid spesrutu e kon krin na fesi fu wan tra fonten, na beybri, di di abi a tori fu en bumuy nnga man leki Moses èn pe den wèt fu Gado skrifi gi Israël.
Sortu krutu èn geregtegheid
7. Sortu kotoygi Moses ben gi fu Yehovah nanga geregtegheid?
7 Yu sabi kande taki Moses tintin yeri langa ben de ini krosbey kontakti nanga Yehovah Gado, so krosbey srefi taki Gado ben taki taki a ben taki nanga Moses „mofo nanga mofo” (Numeri 12:8). Moses sabi fa Gado ben du nanga en èn ooktu fa Gado ben du nanga tra sma èn nanga heri nâsi. Na a kba fu en libi Moses ben taki fu den korostu wortu disi: „Na Stonbergi, volmaakti na ini en wroko, bika ala en pasi na geregtegheid. Wan Gado fu getrowfasi di kruktudu no de na en; regtvaardiki èn opregti a de.” — Deuteronomium 32:4.
8. Fu san-ede wi musu poti prakseri tapu san Elíhu ben taki fu na afersi fu geregtegheid?
8 Luku ooktu na kotoygi fu Elíhu, wan man di sma ben sabi fu en koni nanga inzicht. Yu kan de seyker taki a no ben de wan sma di ben meki bosroiti esi-esi. Na presi fu dati, na wan bepaalde okasi a ben sdon moro leki wan wiki e arki na den furu mofotaki fu ala tu partey. Na sortu bosroiti Elíhu ben kon now na ini na tori fu Gado tapu a gron fu en eygi ondrofeni èn stuka fu den pasi fu Gado? A ben fruklari: „Fu dati-ede, unu sma di de nanga ati, unu arki mi. Na wan sani di de fara fu Gado fu handri na wan kruktu fasi, èn fu na Almaktiwan handri onregtvaardiki! Bika na a fasi fa na sma fu grontapu e handri na so a sa pay en, èn akruderi nanga a pasi fu na man a sa meki a kon tapu en. Iya, fu tru, Gado srefi no e handn na wan kruktu fasi, na Almaktikiwan srefi no e boygi na reti.” — Yob 34:10-12.
9, 10. Fu san-ede den markitiki fu Gado gi libisma krutuman e gi wi tranga? (Leviticus 19:15)
9 Yu srefi now e taki wan no dey: Disi no no de wan volmaakti fasi fa den e taki fu wan krutuman di wi ben sa wani sote, dati wani taki taki a e handri nanga ibri wan sma akruderi den du ofu libifasi fu en, sondro partèy fasi ofu sondro fu boygi a reti? Efu yu ben du kon na fesi wan libisma krutuman, yu no ben sa firi lekti efu a ben de so wan sma?
10 Na ini a beybri den a kari Yehovah „na Krutuman fu na heri grontapu” (Genesis 18:25). Ma son tron a ben gebroyki libisma krutuman. San a ben fruwakti fu den krutuman fu Israël di ben teki presi gi en? Na ini Deuteronomium 16:19, wi e leysi fu den ordru fu Gado, di e fruteri fu a wroko fu krutuman: „Yu no musu boygi na reti. Yu no musu teki sma partèy, èn yu no musu teki tyuku, bika tyuku e breni na ay fu den koniwan en e dray den wortu fu den regtvaardiki wan. Geregtegheid — geregtegheid yu musu feti na en baka, so taki yu mag tan na libi.” Modern popki fu Uma Yustisiya mag prenki en nanga furu howpu fu di den tay en ay tapu leki wan marki fu no teki partèy gi sma, ma yu e si taki Gado e go moro fara. Te yu luku en bun a ben aksi fu libisma krutuman di ben sa teki presi fu en èn di ben musu luku dati libisma libi akruderi en wèti taki den sori so wan fasi fu no teki partèy.
11. Na sortu bosroyti wi kan kon tapu a gron fu na takimakandra fu den beybri sani disi di e go fu geregtegheid?
11 Den finifini tori disi fu a fasi fa Gado e luku sani ini a tori fu geregtegheid abi langalanga fu du nanga a heymarki fu a taki fu Paulus. Na ini Tori fu den apostel 17:31 Paulus ben fruklari taki Gado „ben poti wan dey pe a abi na prakseri fu krutu na grontapu pe libisma e libi a tapu na ini regtvaardiki fasi”. Dati de now precies san wi kan fruwakti fu Gado — getegtegheid, regtvaardiki fasi nanga no partèy fasi. Toku son sma ben sa kan bruya fu di leki fa vers 31 teki Gado ben sa gebroyki „wan man” fu krutu ala libisma. Suma na „a man” dati èn sortu dyaranti wi abi taki a sa hori en srefi na den hey markitiki fu na Gado fu geregtegheid?
12, 13. Fa wi sabi sortu „man” Gado sa gebroyki gi na krutuwroko?
12 Tori fu den apostel 17:18 e fruteri wi taki Paulus ben meki „na bun nyunsu fu Yeyses nanga a opobaka” bekenti. Na a kba fu en taki den arkiman fu en ben sabi so bun taki Paulus ben bedul Yeyses Krestes di a ben taki taki Gado ’ben sa krutu grontapu pe libisma e libi a tapu na ini regtvaardiki fasi nanga yepi fu wan man di a ben potièn taki Gado ben wiki en komopo fu dede’.
13 Yeyses erken taki Gado ben teki en leki wan krutuman di ben miti na markitiki fu Gado. Ini Yohannes 5:22 a ben taki: „Bika a Tata no e krutu no wan sma kwetikweti, ma a ben libi na heri krutu abra na a Manpikin.” Baka di Yeyses ben taki fu wan opobaka di ben o kon fu den sma di ben de na ini den memregrebi, a ben taki moro fara: „Mi no kan du noti fu mi srefi; leki fa mi e yere, mi e krutu, èn a krutu di mi e tyari kon de regtvaardiki, bika mi no e suku mi eygi wani, ma na wani fu en di ben seni mi kon.” — Yohannes 5:30; Psalm 72:2-7.
14. Sortu behandeling wi kan fruwakti fu Yeyses?
14 O bun na dyaranti disi e kruderi nanga san wi ben leysi na ini Tori fu den apostel 17:31! Drape Paulus ben gi a dyaranti ooktu taki na Manpikin „ben sa krutu na heri grontapu pe libisma e libi na tapu na ini regtvaardiki fasi”. Disi seyker no e wiki na prakseri fu wan geregtegheid di de tranga, di no kan boygi ofu di de sondro firi? Regtvaardiki krutu wani taki moro furu taki na sari-ati fasi nanga frustan fu sani e tènpèr na geregtegheid. No meki wi luku psa san e kon now. Ala di Yeyses de now na ini heymel, toku a ben de wan libisma wan dey. A kan abi so bun firi gi tra sma. Na ini Hebrewsma 4:15, 16 Paulus e taki fu na tori disi te a e taki fu Yeyses leki heypristri.
15. Na sortu fasi Yeyses de tra fasi leki libisma krutuman?
15 Go prakseri pikinso, te yu e leysi Hebrewsma 4:15, 16 fa wi musu firi prisiri taki wi abi Yeyses leki krutuman: „Bika wi abi leki heypristri [èn krutuman] no wan sma di no kan firi nanga wi swakifasi. Ma wan sma di net leki wi na ini ala fasi ben kisi tesi ma sondro sondu. Fu dati-ede meki wi waka go nanga fri fu taki na a troon fu a no frudini bunfasi, so taki wi kan kisi sari-ati fasi èn feni no frudini bunfasi leki yepi tapu a yoysti ten.” Fu den tyari yu na ini na ten disi go na ini wan zaal fu krutu na fesi na krutusturu de nofotron wan skreki sani. Ma nanga Krestes leki Krutuman wi ’kan go nanga fri fu taki so taki wi kan feni sari-ati fasi, no frudini bun fasi èn yepi tapu na yoysti ten’. Ma ini a tori fu ten yu abi furu reyde fu aksi: ’Oten Yeyses sa krutu na libisma famiri na ini regtvaardiki fasi?’
„Wan dey” fu krutu — Oten?
16, 17. Fa wi sabi taki na krutuwroko komoto fu heymel e feni presi now?
16 Go prakseri taki Paulus ben taki taki Gado ’ben poti wan dey’ fu krutu a grontapu nanga yepi fu wan Krutuman di a ben poti. Srefi bifo na ’krutudey’ dati doro, Yeyses e du ini na ten disi, iya now, wan tumsi prenspari krutuwroko. Fu san-ede yu kan taki dati? No so langa bifo den ben kisi Yeyses èn na wan onregtvaardiki fasi den ben krutu taki a musu dede, a ben taki wan historiya profeyti tori di abi fu du nanga wi ten. A skrifi na ini Mateus kapitel 24. Yeyses ben taki fu den sani di ben o psa na grontapu èn di ben o marki na ten di den e kari „na bosroyti fu na seti fu sani”. Den feti, mankeri fu nyanyan, gronseki nanga tra banawtu di ben sori den srefi na a heri grontapu fu sensi na fosi Grontapu feti, e sori taki Yeyses profeyti tori e kon tru now èn taki heri esi ’na kba sa kon’ (Mateus 24:3-14). Yehovah Kotoygi e tyari disi kon na krin tintin yari kba nanga yepi fu na beybri. Efu yu wani abi moro buwèysi tapu a gron di mekl Yehovah Kotoygi sabi taki wi e libi na ini den lasti dey fu na onregtvaardiki seti disi, dan den kan gi yu dati.
17 Ma ondrosuku now pikinso na di fu tu pisi fu Mateus kapitel 25, di de wan pisi fu Yeyses profeytitori di e go fu den lasti dey. Mateus 25:31, 32 abi fu du nanga wi ten: „Te na Manpikin fu libisma ben sa kon na ini en glori, èn ala èngel nanga en, dan a sa teki presi tapu en glori troon [na ini hemel]. Èn ala nâsi sa tyari kon makandra na en fesl, èn a sa prati den fu makandra, neleki wan herder e prati den skapu fu den bokoboko.” Luku pikinso go moro fara na a pisi pe Yeyses fruteri fu na fasi fa na fu krutu wroko fu en sa kon na wan kba. Vers 46: „Èn disi [den sma di gersi bokoboko] sa go na ini na têgo koti puru, ma den regtvaardikiwan [den skapu] na ini na têgo libi.
18. San na krutuwroko na ini wi ten sa tyari kon?
18 Wi e libi so bun na ini wan krutu ten pe wan bosroyti o fadon. Den sma di ini na ten disi ’ben suku Gado èn trutru ben dini en’ leki „skapu”, di den e feni bun, den sa psa libilibi na kba fu na disiten seti èn go na ini na nyun grontapu di sa kon a baka. Dan 2 Petrus 3:13 sa kon de wan tru sani: „Nyun heymel nanga nyun grontapu de di wi e fruwakti so leki a ben pramisi èn na drape regtvaardiki fasi sa de.” Dati sa de „na dey” pe na wortu fu Paulus na ini Tori fu den apostel 17:31 sa kon tru dorodoro, na ten pe na grontapu sa kisi krutu na ini regtvaardiki fasi.
19, 20. Na krakti fu na Krutu dey di e kon sa go te na sortu sma?
19 Ma na Krutu dey dati sa abi krakti tapu furu moro leki soso tapu den „skapu” di tan na libi èn di den sa krutu taki den de warti kba fu go na ini na nyun grontapu. Go prakseri taki Yeyses baka di a ben taki taki en Tata ben gi en na krutu, ben taki fu wan opobaka di ben o kon. Ooktu na apostel Petrus ben taki na ini Tori fu den apostel 10:42, taki Yeyses Krestes „de na sma di Gado ben poti leki Krutuman fu den libiwan èn den dedewan”.”
20 Fu dati-ede na ’dey dati di ben poti’ èn di Tori fu den apostel 17:31 ben taki fu en èn pe Gado nanga yepi fu Yeyses Krestes sa krutu „na grontapu pe libisma e libi na tapu na ini regtvaardiki fasi” sa de wan pisiten pe den dedewan sa opo baka. Fa dati sa de wan prisiri fu si fa na makti fu Gado e kobroyki fu wini dede, di ben kiri libisma nofotron tapu wan onregtvaardiki fasi. Tiri fu kondre ofu legre di ben kon feti ben kiri son sma na wan onregtvaardiki fasi, so leki disi ben psa ooktu nanga Yeyses. Trawan ben lasi den libi di sani di ben psa somaar so leki bigi winti, gron seki, faya di bron sani sondro fu sabi dati a fesi èn den sortu rampu dati. — Preykiman 9:11.
Krutudu fu a ten di psa sa kon reti baka
21. Fa fositen onregtvaardiki fasi sa puru na ini na nyun grontapu?
21 Go denki pikinso taki yu kan de kotoygi taki den lobiwan fu wi e kon baka na libi! Furu sma na so fasi sa kisi na fosi okasi fu den ’fu suku Gado èn feni en trutru’ èn sa abi dan na fruwakti tapu na „têgo libi”, di kan de na payman gi „den skapu”. Son wan fu den sma di ben opobaka fu dede, èn ooktu sma di ben tan a libi fu na onregtvaardiki seti disi, ben de fonfon tiki fu sani di gersi onregtvaardiki fasi so leki mankeri di wan sma koboru nanga en, breni, dofu ofu problema nanga taki. Den sortu sani dati sa de ete na ini wan ’nyun grontapu pe regtvaardiki fasi sa de’? Yehovah ben kobroyki Yesaya fu taki difrenti profeytitori di ini na ten fu na krutudey di e kon tapu wan moro bigi fasi sa kon tru trutru. Luku pikinso sa wi kan fruwakti: „Na ini na ten dati den ay sa opo fu den breniwan èn srefi den yesi fu den dofuwan sa opo. Èn ini na ten dati na malengriwan sa kren net leki wan diya, èn na tongo fu na babawwan sa bari wan prisiri bbari.” — Yesaya 35:5, 6.
22. Fu san-ede Yesaya kapitel 65 e gi tranga na ini na tori fu geregtegheid?
22 Fa a de nanga den tra onregtvaardiki sani di e tyari now someni pina kon? Na ini Yesaya kapitel 65 kofarliki moy piki de di e gi tranga. Te ye teki Yesaya 65:17 gersi nanga 2 Petrus 3:13 dan wi kan si taki ooktu na kapitel disi e sori go na a ten pe „nyun heymel nanga nyun grontapu” sa de — wan regtvaardiki nyun seti. Ma toku a aksi e kon: San sa tapu wantu gadolowsu sma fu pori na vrede nanga geregtegheid? Moro fara Yesaya 65 e puru san ben kan gersi wan problema.
23. Sortu baka pisi na Krutu dey sa abi kande gi son sma?
23 So langa na Krutu dey disi e go doro, dan Yeyses sa go moro fara fu krutu aparti sma fu bepaal efu den de bun fu kisi têgo libi. Nanga son sma disi no sa de so. Baka te den ben kisi nofo ten, kande so wan sani fu „hondro yari” — fu suku Gado, dan son sma sa sori taki den e weygri fu du regtvaardiki fasi. Nanga reti den sa lasi na libi ini na nyun grontapu so leki wi kan si na ini Yesaya 65:20: „Fu a sey fu na sondari, awinsi a owru wan hondro yari kba, a sa begi fu ogri kon tapu en.” Den sma di na a fasi disi e krutu taki den no warti fu na libi, sa de pikinso sma. Wi abi ala reyde fu fruwakti taki wi — èn a moro bigi pisi fu trawan — sa feni en wan switi sani fu leri èn fu du regtvaardiki fasi. — Yesaya 26:9.
24. Fa a sa de nanga ekonomiya onregtvaardiki fasi?
24 Disi wani taki taki no wan onregtvaardiki fasi, srefi no wan ekonomiya onregtvaardiki fasi, sa de moro? Leti so! Yesaya 65:21-23 e sori disi: „Den sa bow oso seyker èn libi na ini, èn den sa prani droyfi dyari seyker èn nyan na froktu fu den. Den no sa bow èn wan tra sma go libi na ini, den no sa prani èn wan tra sma nyan fu en. Bika leki den dey fu wan bon den dey fu mi pipli sa de èn na wroko fu den eygi anu den sma di mi ben teki puru sa kobroyki dorodoro. Den no sa wroko fu noti èn den no sa meki pikin nanga problema, bika den sa de na bakapikin di de fu den blèsiwan gi Yehovah, èn den bakapikin fu den nanga den.” Fa disi de wan bigi kenki te yu sa luku a ten disi! Fa a de wan blèsi!
25. San na yu howpu èn yu faste bosroyti di de na ini a tori fu geregtegheid fu na sey fu a Krutuman di Gado poti?
25 Fu dati-ede meki ala sma di e angri fu kisi geregtegheid di sa tan, kan abi deki-ati. A geregtegheid disi e kon seyker èn dyonsrode. Now, na ini na syatu ten di de ete na ini na krutu ten disi, a de na ten fu moksi yu srefi nanga Yehovah Kotoygi fu suku Gado èn fu feni en trutru, nanga têgo blèsi na yu fesi.
Wantu aksi fu luku san unu ben leri
◻ Sortu buweysi wi abi taki Gado e hori en srefi na wan markitiki fu geregtegheid?
◻ Sortu ròl Yeyses sa du ini na Krutu dey di e kon?
◻ Fu san-ede wi e libi ini wan muylek ten ini na tori fu na krutu fu Gado?
◻ Fa kruktudu sa kon bun na ini na nyun grontapu?
[Sma di abi a reti fu a prenki na tapu bladzijde 31]
Pictorial Archive (Near Eastern History) Est.