Falsi relisi e prey leki na huru
1. Fa furu sma ben si hurudu?
LEKI fa son sma e taki dan na moro owru wroko de di fu wan huru, motyo ofu publiki uma. Ini algemeen gebroyki fu wortu den wortu disi wani taki a srefi èn abi fu du nanga wan yayo uma di e seri en skin na mansma. Ma toku a wroko disi ben de wan dey wan wroko di sma ben si leki wan grani!
2, 3. Fa na rol di uma pristri ben e prey na ini na owru Babylon de wan bigi kontrari nanga san ben tanapu na ini Yehovah wèt gi Israël fu man nanga uma huru?
2 Te professor S.H. Hooke, wan sabiman tapu a kontren fu beybri archeologie e taki fu a pristriwroko fu a owru Babylon, a ben taki: „Na pristriwroko no ben de wwan gi mansma, ma umasma ben de wan pisi fu den wrokoman fu den bigi tempel. A ben de leki wan grani fu de fu na orde fu den umapristri, èn wi kon fu sabi taki difrenti kownu ben gi den umapikin fu du na wroko fu pristri . . .. A moro prenspari wroko fu den ben de fu dini leki santa huru tapu den bigi fesa di ben e kon ten na ten . . .. Na tempel fu Isytar [Na uma gado fu meki froktu kon én fu feti] a no de fu taki ben abi wan kefarlek bigi grupu fu den sortu uma disi.”
3 Disi ben de krinkrin kontrari nanga na anbegi di na nâsi Israël ben musu gi na Gado. Na Wèt ben taki krin: „No wan fu den umapikin fu Israël mag tron wan tempel huru, èn ooktu no wan fu den manpikin fu Israël mag tron wan tempel huruman [fu di den e du matisma ofu tantaman wroko]. Unu no mag tyari wan huru-payman èn no wan daguprijs kon na ini na oso fu Yehovah yu Gado gi no wan enki pramisi, bika dati de wan tegu sani gi Yehovah. yu Gado” (Deuteronomium 23:17, 18). Wan huru-payman ben de sobun wan sani di no ben kan teki leki wan bijdrage gi Yehovah santa presi. Srefi hurudu sondro wan enkri relisi bodoy ben de wan syen sani. Den Israëlsma ben kisi leki komando: „No pori yu umapikin fu di yu e meki a tron wan huru, so taki a kondre no du hurudu, èn a kondre trutru e kon furu nanga lusu gwenti.” Den wèt kontrari hurudu nanga tantaman wroko, yayo du di den ben kari „wan tegu sani”, ben de wan kibri gi na nâsi na ini yeye èn na ini skinfasi. — Leviticus 19:29; 20:13.
Yeye hurudu de moro ogri srefi
4. San na a moro ogri fasi fu hurudu?
4 Efu yu luku en na sey fu Gado, dan wan fasi fu hurudu de di de more ogri srefi — yeye hurudu, te wan sma e taki taki a e anbegi na tru Gado, ma te yu e luku en bun a e gi na anbegi èn a lobi na tra gado. Na owru Yerusalem ben go ete wan stap moro fara ini en hurudu. A ben gi presenti na den nâsi di ben du yeye hurudu nanga en, so taki a ben doti na tru anbegi. — Ezechiël 16:34.
5, 6. Suma na ini na di fu twenti yarihondro disi e du hurudu, èn sortu aksi disi e tyari kon a fesi?
5 Srefi na ini na di fu twenti yarihondro disi a de so taki yeye hurudu de wan gewoon sani na ini na relisi seti na a heri grontapu. Na kristenheid de a more prenspari pisi fu na seti dati — wan seti di a beybri e kari „Babylon a Bigiwan, na mma fu den huru èn fu den tegu sani fu na grontapu”. — Openbaring 17:5.
6 Ma fa a sa waka te fu kba nanga Babylon na Bigiwan? Èn fa na bakapisi sa wroko tapu yu èn tapu yu lobiwan? Efu Gado ben krutu huru na ini na owru Israël, san a sa du dan nanga na disiten yeye hurudu? Den artikel di e kon now sa go ondrosuku den aksi disi nanga trawan di abi fu du nanga den?