Libi wan balansi libi di de eenvoudig
„Luku bun . . . fa yu e waka, no leki lawman ma leki koniman . . . fu di den dey de ogri.” — EFESIYA SMA 5:15, 16.
1, 2. San de na ini na ten disi wan tru tru tyalansi, èn nanga san wi ben sa kan teki dati geri?
A DE wan tyalansi fu poti sani baka makandra di yu wani musu du fosi, fu seti frantwortu èn ini wan reydelek marki gi ten nanga krakti na den prenspari pisi fu na libi. A de so srefi tu wan tyalansi fu tan farawe fu den kriboy sey èn fu kibri stanfastefasi na ini frustan nanga firi. — Efesiya sma 5:17; 1 Timoteyus 4:8; 1 Petrus 1:13.
2 Na tyalansi disi wi kan teki gersi nanga di fu wan man di e pruberi fu waka tapu wan deni ttey di hey. Na lasi fu en balansi ben sa de wan ranpu gi en. Na so a lasi fu balansi na yeye fasi de wan ranpu gi wi. Wan man di e waka tapu ttey seyker no sa lay en srefi nanga ala sortu afersi. A abi soso den fanowdu sani na en. Fu kibri wi yeye balansi. Wi musu libi fu dati-ede wan eenvoudig libi sondro hebi. — Hebrew sma 12:1, 2.
3. San wi musu du fu libi wan eenvoudig libi?
3 Efu wi wani libi wan eenvoudig libi, dan wi sa musu bumuy soso nanga den sani di de fanowdu fu sorgu na ini wan reydelek fasi gi wi srefi. Abrasey fu san en disipri ben musu suku — Gado Kownukondre nanga en regtfardikifasi — Yeyses ben poti ’den sani di den nâsi e feti faya faya na den baka’ (Mateyus 6:32, 33). Yeyses ben frumane wi so bun fu no tyari wan heri ipi fu den sani disi kon makandra. Fu san-ede? Fu di den kan meki a libi fu wi kon moro frekti èn kan tyari wi go tapu wan lasi pasi (Lukas 12:16-21; 18:25). Disi na bun ray, awinsi wi abi gudu ofu de pôti, efu wi kisi leri ofu no.
Fu san-ede yoysti now a de so prenspari
4. Fu san-ede a de yoysti now so tumusi prenspari fu libi wan balansi libi di de eenvoudig?
4 Fu libi wan balansi libi di de eenvoudig de spesrutu now prenspari fu di Satan nanga en ogri yeye skotu go te na a kontren fu na grontapu èn abi na prakseri fu lay wi nanga ala sortu hebi èn fu puru wi prakseri fu na dini fu Gado (Openbaring 12:7-12, 17). Noyti fu dati-ede na beybri kobòt ben de moro fiti: „Luku bun fa unu e waka, no leki lawman, ma leki koniman, e bay yoysti ten gi unu srefi, fu di den dey ogri” (Efesiya sma 5:15, 16). Iya, wi e libi na ini Satan pori grontapu, no na ini Gado nyun grontapu. Fu dati-ede meki wi no kan gi wi srefi pasi fu de tevrede. — 2 Korente sma 4:4; 2 Petrus 3:7, 13.
5. Fa futuboy fu Gado na ini owruten gi wi wan tumusi moy eksenpre?
5 Futuboy fu Gado di ben libi na ini owru ten na ini a grontapu disi di Satan e tiri, ben gi wi wan tumusi moy eksenpre. Den „ben meki bekènti na publiki taki den ben de freymde sma nanga wakaman na ini na kondre”. Fu dati-ede den ben suku „wan moro betre presi. . .. dati wani taki wan di de fu heymel” (Hebrew sma 11:13-16). A kotrowfasi fu den ben de gi na heymel kownukondre fu Gado, neleki fa dati musu de na wi. Na fu a reyde disi meki na apostru Petrus ben kari kresten sma „tra kondre sma èn wakaman” (1 Petrus 2:11; Filipisma 3:20). Te yu luku en bun Yeyses ben taki taki en tru bakaman „no de wan pisi fu na grontapu”. Disi e wani taki so leki na apostru Paulus ben taki taki kresten sma no ’ben sa musu meki kobroyki dorodoro fu na grontapu’. — Yohanes 17:16; 1 Korente sma 7:31.
6. (a) San wi no mag frigiti noyti, èn nanga san wi kan teki wi situwâsi gersi? (b) Tapu sortu warskow eksenpre wi alamala musu poti prakseri?
6 Wi no musu frigiti noyti fu dati-ede taki a grontapu disi di de fu Satan, de kofarlek gebied fu libi na ini. Wan fowtu stap kan wani taki ranpu (1 Yohanes 5:19; 1 Petrus 5:8). A situwâsi fu wi wi ben sa kan teki gersi nanga wan sma di e waka psa wan firigron pe dinamit de na ini. Te na apostru Paulus e teki wan warskow eksenpre gi kresten dan a e fruteri fu den Israèl sma di ben de so fara fu go na ini na Pramisi Kondre. Furu fu den ben lasi na yeye balansi fu den, ben kon na ini hurudu èn Gado ben kiri den. „A sma di e denki fu dati-ede fu tanapu”, Paulus e taki, „musu luku bun taki a no fadon [e lasi en yeye balansi].” — 1 Korente sma 10:12.
Fu san-ede a de wan kibri
7. Tapu sortu punt wi musu ondrosuku wi srefi, san ben sa de wan koni sani?
7 Wan balansi libi di de eenvoudig sa kibri yu fu di a e gi yu moro ten nanga krakti fu du yeye afersi. Aksi yu srefi fu dati-ede bun: Mi de bezig fu meki mi libi kon moro eenvoudig, ofu mi e meki a kon moro frekti? Sortu sani e kon na ini mi libi tru tru tapu na fosi presi? Son sma e taki taki den abi pikinso ten fu stuka na beybri èn fu abi wan prati na a velddienst. Ma fu san-ede dati de so? Kande a de seyker so, taki den no e libi wan balansi libi di de eenvoudig. Fu san-ede yu no ben sa teki na ten di yu e gi na ontspanning so leki na fu telefisi èn gersi dati nanga a ten di yu e gi fu dini Yehovah tapu wan fu den kontren fu kresten aktiviteit? Na kobroyki fu a ten fu yu de ini balansi? Efu yu e meki yu libi kon eenvoudig, yu e kisi dan ten gi den moro prenspari sani pe yu abi na ini fu abi wan moro bigi prati na a moro prenspari yeye kotiwroko. — Filipi sma 3:9, 10; Mateyus 9:37.
8. Fa wan sma e sori taki a e poti prakseri tapu Yeyses frumane fu suku na Kownukondre fosi, èn san e sori na prensparifasi fu buweygi go na a sey fu fesi?
8 Te yu luku en bun dan den yeye aktiviteit fu yu e sori efu yu e libi wan balansi libi di de eenvoudig. Kresten sma di e poti prakseri tapu Yeyses frumane fu suku a kownukondre fosi, e tan go moy a fesi na ini doronomo beybristuka, fisiti fu konmakandra nanga velddienst. So wan buweygi go na fesi de wan kofarlek kibri fu no fadon. Wan sma kan teki en gersi nanga a rey fu baysigri. Den sma di wan dey ben pruberi fu hori den srefi na ini balansi tapu wan baysigri di praktis ben kon stòp, sabi fu warderi na prensparifasi fu wan buweygi go na fesi. So dati de tu so langa yu de na ini wan bun tenpo e tan go na fesi ini wan routine fu yeye aktiviteit, yu e kibri yu srefi fu lasi yu balansi èn fadon. — Filipi sma 3:16.
9. (a) San na wan bun frumane gi wi alamala? (b) Sortu aksi wi ben sa kan aksi wi srefi te wi wegi-go wegi-kon fu du wan bepaalde wroko ofu sani?
9 Toku a de fanowdu fu de na ay èn fu tan prakseri taki na poti na wan sey fu ala sortu fu hebi e gi wi moro ten fu stuka, fu sreka gi konmakandra èn, na yepi fu tra sma. „Ala tron te mi kon na ini na tesi fu bay wan sani san mi no abi fanowdu ofu fu teki wroko di mi no abi fanowdu,” wan kresten bisnisman ben taki, „mi stòp mi srefi nanga na frumane: hori en eenvoudig. Son tron mi musu seki mi srefi steyfi.” Disi no de wan bun frumane gi wi alamala? Te yu teki wan bepaalde sani na ini prakseri fu du, kande fu bow wan pisi na a oso fu yu ofu wan tra sani, aksi yu srefi dan: Disi o yepi na yeyefasi fu mi nanga mi osofamiri ofu a o tapu dati? Mi abi ala sani tru tru fanowdu di sma fu a grontapu e feti faya faya na den baka, ofu mi ben kan libi sondro den sani disi?
10. Fa den denki fu wan „sma na skinfasi” de abrasey fu di fu wan ’sma na yeyefasi’?
10 Ma wan sma ben sa kan taki: ’So wan sortu offer fu yu srefi de tru tru fanowdu? A de wan sani di Gado e aksi taki wi libi wan balansi libi di de eenvoudig?’ Now, Paulus ben taki fu „den sani fu wan sma” èn „den sani fu Gado” èn ben taki: „Wan sma na skinfasi no e teki den sani di de fu a yeye fu Gado, bika den de gi en wan law sani; èn a no kan kon sabi den fu di yu musu ondrosuku den na yeyefasi. Ma a sma na yeyefasi e ondrosuku ala sani” (1 Korente sma 2:11, 14, 15). Yu ben sa kan tron makriki „wan, sma na skinfasi” fu di yu e suku fu kisi sani di no de fanowdu na skinfasi. Dan a gersi taki na offer di wan sma e offer en srefi de leki wan sani di de psa marki èn wan sani fu lafu. Ma dati de wan luku fu wan „sma na skinfasi”, no di fu wan ’sma na yeyefasi’.
11. San ben sa de gi Noa wan libilin di no de ini balansi?
11 Wan sma na yeyefasi na wan sma di e luku sani nanga den ay fu bribi. A e si sani fu a sey fu Gado. Luku pikinso Noa. A ben sa de ini balansi efu a ben sa gi en ten fu na bow fu wan moro bigi èn betre oso èn fu kisi moro gudu na skinfasi baka di a ben kon sabi fu a prakseri fu Gado fu way a grontapu puru nanga na yepi fu wan frudu? Kweti kweti! Na arki ben de en tru tru seykerfasi. Gi Noa na libi fu wan balansi libi di de eenvoudig ben wani taki taki a ben poti en heri prakseri tapu a bow fu na ark èn „fu de wan preykiman fu regfardikifasi”, ala di na spotu ’fu sma na skinfasi’ di no e bribi ben de (2 Petrus 2:5; Mateyus 24:37-39). Na netso a de gi wi, di kon sabi taki na kba fu a grontapu disi de fu kon, taki na wan enkri balansi fasi fu libi de fu poti wi prakseri tapu a du fu Gado wani nanga a meki bekènti fu na bun nyunsu, awinsi dati kande e tyari kon nanga en taki wi e poti wan so kari normaal libi a wan sey so leki furu sma e prakseri. — 1 Yohanes 2:17.
Yeyses ben gi wi leri fa fu du
12. (a) Nanga san wi musu stòp so leki Yeyses ben taki èn san wi musu du na ini na presi fu dati? (b) Fu san-ede na kenki fu marki disi de fanowdu?
12 Na ini en Bergipreyki Yeyses ben gi tumusi moy ray ini na tori fu wan balansi libi di de eenvoudig. A ben taki: „Stòp fu tyari warti sani konmakandra na grontapu pe moto nanga frustu e pori den èn pe fufuruman e broko oso èn e fufuru.” Yeyses ben taki fu „stòp”, fu di den sma leki fa a gwenti de e go doro ’fu tyari sani na skinfasi kon makandra’ gi den srefi. Ma wan sma di e tron wan disipri fu Yeyses, no kan du disi moro. A libi fu en musu abi wan tra marki, so leki e kon na krin na ini na kobòt di Yeyses ben meki kon tapu disi: „Tyari moro furu warti sani kon makandra na in heymel, pe moto no frustu e pori den, èn pe fufuruman no e broko oso èn e fufuru.” Te Yeyses ben fruteri na reyde fu san-ede a de fanowdu fu feti na baka wan tra marki, a ben taki: „Bika pe yu warti sani de, na drape yu ati sa de so srefi tu.” — Mateyus 6:19-21
13. Sortu overtoygi yu musu abi efu yu wani tyari warti sani konmakandra na ini heymel?
13 Den warti sani fu yu de san yu e si tru tru leki prenspari. Sani na skinfasi de tru tru na warti sani fu yu? Ofu a de na meki kon santa fu Yehovah nen nanga en pramisi payman? Fu gi yu libi na ini a tyari kon makandra fu warti sani na ini heymel na presi fu na grontapu, yu musu abi na overtoygi bun bun fu na Kownukondre taki a de wan tru tru sani. Na nyun grontapu musu de so wan tru sani gi yu taki yu e si en kba na fesi yu yeye ay èn yu e si yu srefi drape kba e wroko na a kon tru fu den prakseri fu Gado gi na grontapu. Neleki Moses na, so yu musu ’si na Wan di no de fu si’ èn abi na fasti overtoygi taki „a e tron na Sma di e pay na sma di e suku en seryusu”. — Hebrew sma 11:6, 27.
14. San sa de den bakapisi efu wi poti wi ati tapu sani na skinfasi?
14 Ma efu now yu ati, di abi so srefi na ini en den lostu nanga firi fu lobi fu yu, de now a tapu warti sani na skinfasi? Na beybri e taki: „Na lobi gi moni na wan rutu fu ala sortu ogri sani, èn fu di den poti a muyti fu den tapu a lobi dati, meki son sma lasi pasi gwe fu na bribi fu di den boro den srefi nanga furu pen.” Feti na baka sani na skinfasi di moni kan bay, no e gi no wan tru tru satisfaksi di e tan (1 Timoteyus 6:10; Preykiman 5:10). Ma a sani di de moro ogri de taki lobi gi moni nanga sani na skinfasi e du ogri na a matifasi fu yu nanga Gado, di e fruwakti taki wi e dini en nanga „wan ati di no prati”. — 1 Kronieken 28:9.
15. (a) Sortu eksenpre Yeyses ben gi fu na ay? (b) Fa wan sma e hori en ay soyfri, te yu luku en na skinfasi èn na yeyefasi? (c) Efu wi ay de soyfri, fa wi yeye e prenki sa de dan leki di fu den dri apostru fu Yeyses?
15 Fu yepi wi fu no kon na ini na trapu fu na lobi fu gudu meki Yeyses ben gi wi tu agersitori. Fosi a ben taki: „Na lanpu fu na skin na a ay. Efu yu ay de fu dati-ede soyfri, dan yu heri skin sa de krin, ma efu yu ay de ogri, dan yu heri skin sa de dungru” (Mateyus 6:22, 23). Na skinfasi wan „soyfri” ay na wan ay di seti srapu èn e seni krin prenki go na a yeye. Man ay di no seti srapu, e gi bruya èn dungru dungru prenki. Na tapu wan srefi sortu fasi wan yeye ay di poti „soyfri” ofu srapu, e tyari wan krin prenki fu Gado Kownukondre kon abra, no wan dungru dungru wan, di no de wan srapu prenki, so taki nyun grontapu e gersi wan anansitori. Te yu yeye ay seti srapu, dan Gado pramisi nyun grontapu sa de netso tru gi yu leki a Kownukondre ben de gi den apostru di ben kisi na grani fu si wan sani kba fu en na ini wan wondru fisyun pe Yeyses skin ben kenki. — Mateyus 16:28-17:9; Yohanes 1:14; 2 Petrus 1:16-19.
16. Fa Yeyses ben sori na ini wan di fu tu agersitori na fanowdu fu gi yu srefi na soso wán marki?
16 Yeyses ben gi wan di fu tu agersitori: „No wan sma kan dini tu meystri leki srafu, bika ofu a no sa wani si a wan na ay èn lobi a trawan, ofu a sa tay hori na a wan èn wisiwasi na trawan.” Te Yeyses e meki kon bun a krin san na a tori, a e poti krakti agen tapu na fanowdu fu gi wi srefi krin krin na wán marki: „Yu no kan dini Gado nanga Gudu leki srafu” (Mateyus 6:24). Dati no kan. Fu dati-ede Yeyses e go moro fara: „Fu dati-ede mi e taygi unu: No broko-ede moro langa fu yu sili, ini na tori fu san yu sa nyan ofu san yu sa dringi, ofu fu yu skin, ini na tori fu san yu sa weri . . . Bika ala den sani disi den nâsi e feti faya faya na den baka. Bika yu heymel Tta sabi taki yu abi ala den sani disi fanowdu.” — Mateyus 6: 25-32.
17. (a) San ben de na tori na ini den ordru fu Yeyses di e go fu sani na skinfasi? (b) Tapu san Yeyses ben poti krakti dya, èn san a wani taki fu libi wan balansi libi di de eenvoudig?
17 Yeyses no ben meyne taki en bakaman ben musu libi na sorgu fu fanowdu sani na skinfasi, taki fa a go a go ofu taki den ben kan lesi èn ben kan weygri fu wroko fu sorgu den srefi nanga den osofamiri (1 Timoteyus 5:8). Nôno, ma a tori de taki den sani disi di den nâsi e feti so faya a den baka, no go teki na fosi presi. Na presi fu dati Yeyses ben frumane: „Tan suku fosi na kownukondre nanga en regtfardikifasi, èn ala den tra sani disi yu sa kisi a tapu” (Mateyus 6:33). Yeyses ben taki dya so bun fu san wan sma musu poti na ini en libi leki marki èn ben poti krakti na tapu na sosofasi fu feti na baka sani na skinfasi. Fu libi wan balansi libi di de eenvoudig wani, taki taki soso wi musu seti wi ay srapu tapu den kownukondre afersi èn poti ala tra sani na a di fu tu presi.
Eksenpre fu Yeyses nanga trawan
18. Fa Yeyses gi wi na yoysti eksenpre?
18 Di Paulus ben gi kresten sma tranga ’fu poti na wan sey ibri hebi nanga na sondu [mankeri ofu lasi fu bribi] di e frekti wi makriki’ a ben gi na deki-ati: ’Meki wi waka nanga horidoro na streylon di de a wi fesi, aladi wi e hori wi ay bun tapu na Moro prenspari Wrokoman èn Meki-kon-bun-dorodoro-man fu wi bribi, Yeyses’ (Hebrew sma 12:1, 2). Yeyses ben gi en srefi so na den kownukondre afersi wwan taki a ben kan taki fu en situwâsi: „Den krabudagu abi olo, èn den fowru fu heymel sribipresi, ma na Manpikin fu libisma no abi wan presi fu poti en ede” (Mateyus 8:20). Na a srefi ten Yeyses no ben de wan asceet sma (wan sma di poti en srefi aparti fu tra sma nanga prisiri ini a dini fu Gado èn e pina en skin). Den Buku e meki wi si taki a ben sabi fu nyanbun fu tumusi bun nnyan nanga a ben sabi fu warderi tumusi bun krosi, ma en moro prenspari marki na ini a libi ben de fu klari den diniwroko. So bun, Yeyses ben libi wan balansi libi di de eenvoudig. — Lukas 5:29; Yohanes 19:23, 24.
19, 20. (a) Sortu eksenpre Paulus ben gi fu sani na skinfasi? (b) Sortu leri furu sma na ini na ten disi ben leri, èn fa den e denki fu na fasi di a libi fu den ben go?
19 Na apostru Paulus so srefi tu ben abi na yoysti sani di a ben wani du na a fosi presi. A ben tyari kon na krin: „Mi no e si mi sili leki wan warti sani neleki a ben sa de diri gi mi, efu mi ben mag klari na pasi fu mi èn na diniwroko di mi ben kisi fu Masra fu gi kotoygi fini fini fu na bun nyunsu” (Tori fu den apostru 20:24). Iya, fu du na diniwroko di ben psa ala tra sani ini prensparifasi, meki Paulus ben de tevrede nanga soso den fanowdu sani, ma te wawan tron a ben abi psa marki, a ben man fu nyanbun fu dati. A ben skrifi: „Na ini ala sani èn na ini ala omstandigheid mi ben leri na kibritori fu ala tu: fu nyan mi bere furu èn fu abi angri, fu abi psa marki èn fu abi mankeri fu sani”. — Filipi sma 4:12.
20 Letterlijk tin dusun dusun sma na ini na ten disi ben leri na srefi les disi. Furu fu den na furuten bedinari fu Yehovah Kotoygi pe yu abi na ini zendeling, pionier, opziener di e waka lontu luku gemeente èn den sma di e dini tapu na internationaal edekantoro nanga den bijkantoro fu na organisâsi. Baka furu yari fu furuten diniwroko a moro bigi pisi fu den e taki: „Efu mi ben musu du en ete wan tron, mi ben sa du en baka precies so”
Den blesi di yu kan nyanbun fu den
21, 22. (a) Sortu payman wi e kisi now kba te wi e libi wan balansi libi di de eenvoudig? (b) Sortu blesi na ini na ten di e kon wi kan nyanbun fu den?
21 Aladi na libi fu wan balansi libi di de eenvoudig e tyari nanga en fu offer sani, toku den blesi nanga prisiri de sani di no abi den speri. Yu sa abi moro ten gi na meki kon a fesi fu den kownukondre afersi èn abi moro okasi fu feni sma di abi belanstelling èn fu leri den den prakseri fu Gado. Tru satisfaksi, nanga tevredefasi sa de na porsi fu yu, èn so srefi tu vrede fu yeye èn na seykerfasi taki yu e prisi Yehovah Gado. Dati na wan payman di srefi now kba yu kan kisi. — Filipi sma 4:6, 7.
22 Ma den blesi di e kon sa de furu èn furu moro bigi, so taki ala disiten ofrandi no sa de noti te yu sa teki den gersi nanga dati. Yehovah blesi abi na ini en „libi te ten di no abi marki.” Iya, dati kan de na blesi fu yu — têgo libi na ini koloku na ini Yehovah nyun grontapu. libi wan balansi libi di de eenvoudig èn no meki sani fu na grontapu disi meki yu lasi yu balansi. No frigiti noyti taki Gado sa gi yu den begi fu yu ati. — Psalm 21:3, 4; 37:4; 133:3.
Aksi fu luku san wi ben leri
◻ Sortu eksenpre nanga agersitori yu ben si di kan yepi yu fu libi wan balansi libi di de eenvoudig?
◻ Fa a sa kibri wi efu wi e libi wan balansi libi di de eenvoudig?
◻ San a sa wani taki gi wi te wi yeye ay de soyfri?
◻ Fa Yeyses ben leri wi fu libi wan eenvoudig libi?
◻ San na den blesi fu na libi fu wan balansi libi di de eenvoudig?