Den fruwakti fu na paradeysi abi krakti ete aladi libisma ben tranga yesi

1. Pe na fosi man nanga uma de fu si baka wan pisiten, èn na ini sortu kontren?

TEN lon psa. Na fosi man nanga uma no de moro langa nanga sososkin sondro wan firi fu fowtu. Den weri krosi — langa krosi fu metibuba. Den de net na dorosey fu na mofodoro fu na volmaakti dyari fu Eden. Den tanapu nanga den baka go na a dyari. Den e luku na san de a den fesi. Den e si soso gron di no wroko. A de krin taki a blesi fu Gado no de a tapu. A fesi fu den maka nanga branti maka de fu si. A no disi de na grontapu di den ben musu poti na den ondro? Iya. ma na fosi man nanga uma no de drape now nanga na prakseri fu bradi na dyari fu Eden abra na kondre disi pe prakseri no ben poti ete a tapu.

2. Fu san-ede na man nanga uma no e pruberi fu go baka na ini na paradeysidyari?

² Fu san-ede den no e puru den ay fu na prenki disi di de heri tra fasi èn e go baka na ini na paradeysi dyari? Dati moro makriki fu taki leki fu du, bika luku pikinso san de drape a den baka na a mofodoro fu na dyari. Mekisani di noyti ete den ben si, so srefi tu no na ini na dyari, cherub, èn nanga na kotisey di e prenki fu wan feti-owru di e dray lontu nomo. Na man nanga uma noyti ben kan psa libilibi fu go baka na ini na dyari! — Genesis 3:24.

3. San ben psa taki den omstandigheid fu na fosi paar ben kenki so bigi?

³ San ben psa? Disi no ben de so wan tumusi muyliki kibritori taki a musu poti na sabidensi dusun dusun yari na fesi wan raytori. A de makriki fu tyari kon a krin. Den wondru fruwakti di na fosi man nanga uma na a trowdey fu den ben poti a den fesi fu na wroko di Gado ben gi den, den ben sa kisi efu den ben sa gi yesi na den heymel Tta te na ini na moro pikin afersi. Na gi di den ben o gi yesi na wan volmaakti fasi ben sa kon tapu tesi nanga wan senpel trefu fu nnyan: den no ben mag nyan fu na froktu fu „na bon fu sabi bun nanga ogri” (Genesis 2:16, 17). Efu den ben du dati kontrari den weti fu Gado, dan den ben sa dede seyker seyker. Dati Adam leki na profeyti fu Gado ben fruteri en uma, na moro yongu libisma mekisani. Ma tapu wan fruwondru fasi na na.chasj’ dati, a sneki dati, ben taki taki a waarheid di Gado ben fruteri Adam no ben de so di Gado ben warskow en fu no nyan fu na „bon fu sabi bun nanga ogri”. Na sneki ben meki a uma kon bribi taki na psa fu Gado weti èn no nyan fu na froktu di den no ben mag nyan ben sa meki den tron leki Gado èn ben sa meki den no abi fu anga fu Gado efu a ben o kon tapu na taki san na bun èn ogri. — Genesis 3:1-5.

A no de wan anansitori

4, 5. Fa na apostru e meki wi si taki a tori pe den e fruteri fa na sneki kori na uma no ben de wan anansitori?

⁴ Na wan sani di no de fu bribi? A e piki leki wan anansitori di no abi en gron tapu tru tori èn fu dati-ede meki den nyunten bigisma di kisi frulekti no kan teki en? Nôno, no gi wan skrifiman di te now ete sma e leysi en furu, wan skrifiman di yu kan frutrow, wan spesrutu apostru di den teki puru, di ben abi grontapu kon na apostru Paulus ben skrifi: „Mi e frede taki tapu wan ofu tra fasi, so leki a sneki nanga en triki ben kori Efa, yu yeye ben sa kon pori èn ben sa drifi komoto fu na opregtifasi èn na krinfasi di fiti Krestes.” — 2 Korente sma 11:3.

⁵ Paulus seyker no ben sa sori tapu wan anansitori, èn kobroyki so wan sani di no ben de tru fu taki fu a punt di a ben wani tyari kon a krin gi den Korente sma dati di ben sabi bun bun den anansitori fu na heyden Griki relisi. Fu di a ben teki wan pisi fu den Hebrew skrifi fu a beybri di ben skrifi na ondro krakti fu santa yeye. di a ben kari „a Wortu fu Gado”, na apostru Paulus ben sori taki ’na sneki nanga en triki ben kori Efa’ (1 Tesalonika sma 2:13). En na ini wan brifi gi wan kresten opziener di ben abi na wroko fu leri sma na „patron fu na gosuntu wortu”, na apostru Paulus ben taki: „Den ben meki Adam fosi, èn baka dati den ben meki Efa. Adam den no ben bidrigi tu, ma na a uma den ben bidrigi krin krin èn a ben kon ini sondu.” — 2 Timoteyus 1:13; 1 Timoteyus 2:13, 14.

6. (a) Fa na sondu di Adam sondu na Gado ben kenki fu di fu na uma? (b) Fu san-ede wi kan de seyker taki na uma no ben go denki somaar wan tori fu wan sneki?

⁶ Taki na sneki ben bidrigi na uma, de wan tru tori, no wan anansitori, netso seyker leki den bakapisi fu na trangayesi nyan fu en fu na froktu di a no ben mag nyan, de tru tru tori fu na historiya. Baka di a ben sondu na Gado na a fasi dati, a ben tyari en trowmasra go so fara fu nyan so srefi tu fu dati, ma ini a tori fu en yu no ben kan taki taki den ben bidrigi en krin krin tu (Genesis 3:6). A tori fu na fasi fa a ben gi frantiwortu na Gado baka dati, e taki: „Moro fara libisma ben taki: ’Na uma di yu ben gi mi fu de na mi, en ben gi mi na froktu fu na bon èn fu dati-ede mi nyan.’ Tapu dati Yehovah Gado ben taygi na uma: ’San yu ben du now?’ Tapu dati na uma ben piki: ’Na sneki — na en ben bidrigi mi èn fu dati-ede mi ben nyan’” (Genesis 3:12, 13). Na uma no ben de drape e fruteri wan tori de en srefi ben meki fu na na.cha’sj’ dati, na sneki dati, èn Yehovah Gado no ben si san a ben taki leki wan sani di en srefi go denki, wan anansitori. Ini na fasi fa a ben du nanga na sneki dati, e kon a krin taki a sneki ben de wan wrokosani ini na bidrigi fu na uma so taki a ben sondu na En, na en Gado èn Mekiman. A ben sa de ondro na wartifasi fu Gado fu opo du wan sani nanga soso wan sneki fu wan anansitori.

7. (a) Fa na beybri tori e fruteri fa Gado ben krutu na sneki? (b) Fa na sneki di ben kori na fosi uma kan kori wi tu? (Go pikinso tapu den futuwortu)

⁷ Na ini a tori di e taki fa Gado leki krutuman opo du wan sani nanga na sneki dati ini na dyari fu Eden na tori e taki: „Now Yehovah Gado taygi na sneki: ’Fu di yu du disi, meki yu de na frufruktuwan na mindri ala osometi èn a mindri ala busimeti fu na firi. Tapu yu bere yu sa go èn yu sa nyan doti ala den dey fu yu libi. En mi sa poti feyantifasi a mindri yu nanga na uma èn mindri yu siri nanga en siri. En sa maskaderi yu na ini na ede èn yu sa maskaderi en na ini a baka-iri’” (Genesis 3:14, 15). Ibri krutubangi di wroko nanga frustan e wroko nanga tru tori èn e suku den tru tru buweysi ma no e hori en srefi bezig nanga anansitori. Yehovah Gado no ben meki en srefi tron wan lawman fu di a ben leysi en strafu leki Krutuman gi wan sneki fu wan anansitori, ma a ben taki wan krutu tapu wan tru tru mekisani di ben de èn di ben tyari a fowtu. A no ben sa de wan lafu sani ma wan sari sani efu na srefi sneki dati ben sa meki wi bribi taki noyti a ben de, taki a ben de soso wan anansitori, taki a no ben abi no wan fowtu na ini no wan ogri na grontapu.a

8. Sortu strafu Gado ben leysi gi na uma, èn sortu bakapisi dati ben abi gi en umapikin nanga umapikin-pikin?

⁸ Te na tori fu na trow-uma fu a man e behandel san na uma ben taki, san ben abi fu du nanga na sneki leki wan tru tori, a e taki: „Gi na uma a ben taki: ’Mi sa meki na pen te yu de nanga bere kon de moro bigi; nanga pen fu meki yu sa meki pikin èn yu tranga lostu sa go na yu man èn a sa basi yu.’” (Genesis 3:16). Den sortu wortu disi no ben teki poti na ini a blesi fu Gado tapu a trow fu en nanga Adam, di Gado ben taygi den: „Meki pikin èn kon furu grontapu” (Genesis 1:28). Na blesi wroko dati gi na volmaakti libismapaar ben sori taki na uma bun furu tron ben sa kisi bere ma a no ben taki taki disi ben sa go nanga pen fu meki di den psa marki, ala di noti ben taki tu fu dwengi di en masra ben o dwengi en. Na srafu disi di baka di na uma ben sondu ben leysi gi en, ben sa abi krakti fu geslakti go miti geslakti tapu en umapikin nanga baka-umapikin.

Na wet fu Gado poti na hey nanga na strafu tapu Adam

9, 10. (a) Sortu warskow Gado ben gi langa langa na Adam, èn san ben sa de den bakapisi efu Gado ben hori na so wan strafu? (b) Sortu fonisi Gado ben leysi gi Adam?

⁹ Ma na sortu omstandigheid di kenki na uma ben sa musu teki prati nanga en man di a ben tyari go so fara fu moksi en srefi ini na sondu di a ben sondu? Na a man disi Gado ben taki langa langa: „Fu na sey fu na bon fu sabi bun nanga ogri, yu no mag nyan fu dati, bika na a dey di yu sa nyan, fu dati, seyker yu sa dede” (Genesis 2:17). Gado, na Krutuman ben sa hori tranga na so wan sortu definitief fonisi aladi Adam ben nyan soso wan pisi froktu? Go prakseri pikinso san na tyari kon fu so wan strafu ben wani taki! A ben sa tyari wan kba kon na a span fruwakti di Adam nanga Efa ben abi tapu na trowdey fu den, na fruwakti fu furu na heri grontapu nanga den bakapikin fu den, nanga wan volmaakti libisma ras di ini vrede ben sa libi ala ten na ini wan têgo yonguyari na ini wan paradeysi grontapu, ini vrede matifasi nanga a Gado èn heymel Tta fu den! A de seyker so, taki Gado toku no ben sa pori en moy prakseri di a ben abi nanga a libismafamiri èn pori na grontapu tanpe fu libisma fu di a ben o tyari na dedestrafu kon soyfri na tapu na fosi libisma ppa nanga mma fu na heri libismafamiri! Ma arki na a fonisi fu Gado so leki disi skrifi krin na ini a beybri tori:

¹⁰ „En a ben taygi Adam: ’Fu di yu arki na a sten fu yu uma èn ben go nyan fu na bon di mi ben komanderi yu taki: „Yu no mag nyan fu dati” meki na grontapu fu yu ede kon fruku. Nanga pen yu musu nyan den froktu fu en ala den dey fu yu libi. En maka nanga brantimaka a sa meki, èn yu sa nyan na prani fu na firigron. Na ini na sweti fu yu fesi yu sa nyan brede, te leki yu dray go baka na a gron, bika fu drape den ben teki yu puru. Bika doti yu de èn na doti yu sa dray go baka.’” — Genesis 3:17-19.

11. Sortu tru tori fu a gi yesi e sori taki Adam ben frudini na fonisi fu Gado?

¹¹ Na strafu dati ben wani taki taki na dedestrafu ben sa tyari kon tapu na man, awinsi sortu bakapisi dati ben abi gi na prakseri fu Gado fu abi wan paradeysi grontapu, furu nanga volmaakti man nanga uma, di ini lobi èn na ini vrede ben e libi nanga makandra èn fu têgo ben e wroko na grontapu paradeysidyari èn ben e sorgu gi dati. Na man ben arki na sten fu en uma na presi fu na sten fu Gado di ben taygi en no fu nyan fu na ’bon fu sabi bun nanga ogri’ di a ben tapu den fu nyan. En efu en srefi no ben arki na sten fu en Gado èn Mekiman, a ben sa leri en pikin konsequent fu du disi dan? A ben sa sori na ini positief fasi tapu en eygi eksenpre te a ben leri den fu yesi Yohovah Gado? — Teki gersi nanga 1 Samuel 15:22.

12, 13. (a) Fa na sondu fu Adam ben o abi krakti tapu den pikin fu en? (b) Fu san-ede Adam no ben frudini en fu libi fu têgo na ini a paradeysi oso srefi pe na grontapu tu?

¹² Adam pikin ben sa kan hori den srefi volmaakti na Gado weti so leki wan dey en srefi ben kan du disi na ini en libisma volmaaktifasi? A no ben sa tyari kon abra tapu en pikin en swakifasi èn en firi fu trangayesi Gado sten èn fu arki na wan tra sten, fu di den erfelijkheidswet ben e wroko? Den historiya tru tori e gi piki tapu den aksi disi.

¹³ So wan man di, soso fu wan libisma mekisani ede ben dray baka gi Gado ini a gi yesi na wan volmaakti fasi leki wan sori fu volmaakti lobi gi Gado, ben sa frudini en fu libi têgo na ini na paradeysi ofu srefi na sortu presi tu na grontapu? A ben sa de srefi wan sani sondro kofar fu meki a libi fu têgo na grontapu dan dati ben sa hey Gado wet èn meki en absoluut geregtigheyt kon krin na fesi ofu a ben sa de a leri fu tra sma fu wisiwasi a wet fu Gado èn sori taki a Wortu fu Gado ben de wan sani di yu no kan bow a tapu?

Yagi puru fu na dyari fu Eden

14. Fa na beybri tori e fruteri fu na opo di Gado opo du sani nanga Adam nanga en uma?

¹⁴ Na beybri tori e fruteri wi fa Gado ben bosroyti na ini na afersi disi: „En Yehovah Gado ben go abra fu meki gi Adam nanga en uma langa krosi fu buba èn fu tapu den skin. Moro fara Yehovah Gado ben taki: ’Luku, libisma tron leki wan fu wi ini na sabi fu bun nanga ogri, èn now, so taki a no langa en anu èn tru tru teki so srefi fu na froktu fu na bon fu libi èn nyan èn libi te ten di no abi marki — ’ Tapu dati Yehovah ben poti en a dorosey fu na dyari fu Eden fu wroko na gron pe den ben teki en puru èn na so fasi a ben yagi libisma puru èn a ben poti den cherub na owstu sey fu na dyari fu Eden nanga na brenki kotisey fu wan feti-owru di ben dray lontu doronomo fu waki na pasi di e go na a bon fu libi.” — Genesis 3:21-24.

15. (a) Fa Gado ben sori taki a ben bori na syenfiri na prakseri di Adam nanga Efa ben abi na sososkinfasi fu de (b) Fa den ben yagi na fosi paar komoto fu na dyari fu Eden? (c) Nanga sortu omstandigheid di kenki Adam nanga en uma dorosey fu na dyari fu Eden ben kon tanapu na fesi?

¹⁵ Na Krutuman, Gado, ben sori taki a ben frustan na firi fu syen di Adam nanga en uma ben abi leki sondari now fu a sososkinfasi fu den. Tapu wan fasi di no e tyari kon na krin, a ben sorgu gi langa krosi fu buba gi den, di ben kon ini na presi fu den pangi fu figa wwiri di den ben nay kon makandra èn di den ben meki gi den srefi (Genesis 3:7). Den krosi fu buba ben sa hori moro langa èn gi moro kibri kontrari den maka nanga brantimaka èn tra ogri sani doro sey fu na dyari fu Eden. Fu di baka di den ben sondu den ben abi wan takru konsensi, meki den ben pruberi fu kibri den srefi gi na ay fu Gado a mindri den bon fu na dyari fu Eden (Genesis 3:8). Now, baka di strafu leysi gi den, Gado ben yagi den komoto fu na dyari nanga yepi fu na wan ofu tra fasi fu druk fu na sey fu Gado. Den ben yagi den go na owstusey èn esi-esi a baka dati den ben de na dorosey fu na dyari èn ben komoto fu ala ten fu drape. A wroko fu den no ben sa de moro langa ini a meki kon moro bigi fu na dyari èn bradi den paradeysi omstandigheid fu en go te na den uku fu grontapu. Fu sensi a ten dati den ben sa nyan brede di ben meki fu den prani fu na firigron, ma a no ben sa hori na libisma libi fu den a libi fu têgo. Den ben koti den puru fu na „bon fu libi”. Baka wan pisiten — o langa? — den ben musu dede!

Na fosi prakseri fu Yehovah no poti na wan sey sondro fu doro en marki

16. San Gado ben poti a prakseri fu du èn fu san-ede?

¹⁶ Gado ben teki now na bosroyti fu pori now na grontapu makandra nanga na munkenki nanga son nanga den stari na ini wan bigi grontapu faya, fu di den tu mekisani disi fu doti ben sondu na en? Efu a ben sa du so wan sani, dan dati no ben sa wani taki en glori prakseri ben poti a wan sey sondro fu doro a marki, èn ala disi fu san wan na.cnasj’ ben bigin nanga en? Na wan sneki soso ben kan pori heri a prakseri fu Gado? A ben tyari en prakseri kon na krin gi Adam nanga Efa na a dey fu a trow fu den, di a ben blesi den èn ben fruteri san en wani ben de nanga den: Fu furu na heri grontapu nanga wan volmaakti libisma ras, so taki na heri grontapu ben sa de a den ondro èn ben sa sori na volmaakti fasi fu na dyari fu Eden, ala di na heri libismafamiri ben sa abi ala lagi mekisani na grontapu èn na ini den watra fu grontapu na wan vredefasi a den ondro. Wan tumusi moy prenki fu a ten di e kon fu a prakseri fu Gado na ini en toestand pe a kon klari, di en srefi ben sreka sani ini a ten fu siksi mekidey di a ben wroko èn di ben teki dusun dusun yari! Na prakseri disi di de fu preyse ben musu tan noe wan sani di no ben sa kon tru soso fu wan sneki nanga na porifasi fu na fosi libismapaar ede? Kweti kweti! — Teki gersi nanga Yesaya 46:9-11.

17. San ben de a fasti bosroyti fu Gado fu du nanga a di fu seybi dey,èn fa na dey disi sa kon na wan kba so bun?

¹⁷ A ben de te now ete na rostu dey, na di fu seybi dey fu Yehovah Gado. A ben abi na prakseri fu blesi na dey dati èn a ben santa en. A no ben sa meki noti meki a tron wan frufruktu dey, èn ibri fruku di ben sa kon leki wan bakapisi fu wan takru plan fu suma tu tapu a dey dati fu rostu, a ben sa puru a pasi èn kenki en kon tron wan blesi. so taki na dey dati te fu kba ben sa de man blesiwan. Na a kba fu en na heri grontapu ben sa de wan santa presi, ala di a wani fu Gado ben sa du dya na grontapu so leki na ini heymel, èn disi wan volmaakti libisma ras ben sa du. — Teki gersi nanga Mateyus 6:10.

18, 19. (a) Fu san-ede bakapikin di e nyan pina fu na fosi sondu libismapaar kan teki deki-ati? (b) San wi sa taki na ini den tra artikel fu Na Wachttoren?

¹⁸ Gado no ben firi bruya. A no ben libi a prakseri fu en. A ben teki a bosroyti fu regtfardiki en srefi leki na Sma di yu kan bow doro doro tapu en èn di e meki en prakseri kon tru dorodoro, nanga ala grani gi en srefi (Yesaya 45:18). Den onvolmaakti bakapikin di e nyan pina fu na fosi libismapaar di ben sondu kan abi deki-ati èn luku na fesi taki Gado ben sa du kotrow en fosi prakseri leki têgo blesi gi den. Dusun dusun yari fu en rostu dey psa kba èn na lasti pisi fu na dey, di sa abi en spesrutu blesi, musu de krosibey. Na „neti” fu en rostu dey e doro en kba now, èn neleki fa a ben de nanga ala den siksi mekidey di ben waka na fesi, na „mmanten”, musu kon. Te na „mmanten” disi doro en volmaaktifasi èn e meki na glori kon tru fu Gado prakseri di no e kenki, kon de fu si gi ala sma di e luku, dan a sa kan skrifi na ini na tori: ’En a ben tron neti èn a ben tron mmanten, wan di fu seybi dey.’ Tru tru wan fruwakti fu tan pî!

¹⁹ Ala disi na wan spesrutu span sani fu go denki! Èn ini den tra artikel fu Na Wachttoren moro sa taki fu den tumusi moy paradeysi fruwakti di ddon na a fesi fu libisma di e gi yesi, gi den di lobi Gado weti.

[Futuwortu]

San yu ben sa piki?

◻ Fu san-ede na fosi libismapaar ben lasi den paradeysi oso?

◻ Fa wi sabi taki a bidrigi di den ben bidrigi Efa nanga yepi fu wan sneki no ben de wan anansitori?

◻ Sortu strafu Gado ben leysi gi na uma?

◻ Sortu strafu Gado ben leysi gi Adam, èn fu san-ede disi ben hey a wet fu Gado?

◻ Fu san-ede Gado no ben firi bruya ini a tori fu en prakseri fu furu grontapu nanga volmaakti libisma na ini wan paradeysi?