Tan de orga fu psa libilibi go na ini na Millennium

„Den sa tron wán ipi, wán hèrder.” — YOHANES 10:16.

1. San dusun yari de gi na Gado di e libi fu têgo?

YEHOVAH na a Mekiman fu ten gi a libismafamiri. Èn gi en, na Gado di no e dede èn di de fu têgo ala ten, dusun yari de leki wan dey di e psa esi-esi ofu srefi leki soso wan pisiten te wi de na ay na ini wan fu den neti fu wi. — Psalm 90:4; 2 Petrus 3:8.

2. Sortu pisiten Yehovah poti na wan sey fu blesi na heri libismafamiri?

² Gado poti wan agersi dey fu dusun yari di na ini na ten dati a sa blesi ala famiri fu na grontapu (Genesis 12:3; 22:17, 18; Tori fu den apostru 17:31). Na ini disi den sma de tu di dede now èn den sma di de na libi ete. Fa Gado sa du disi? We, nanga yepi fu en kownukondre na ini anu fu Yeyses Krestes, na „siri” fu En agersi uma! — Genesis 3:15.

3. (a) Fa na baka-iri fu na Siri fu Gado uma ben masi, ma fa na soro dati ben kon bun baka? (b) San Yeyses Krestes sa du na a kba fu na Dusun Yari Tiri nanga na agersi sneki?

³ Na agersi baka-iri fu na Siri fu Gado uma (ofu heymel organisâsi) ben maskaderi di Yeyses Krestes ben dede wan pina dede èn ben de dededede ini pisi fu dri dey na ini a yari 33 fu wi gewoon teri. Ma na a di fu dri dey na Almakti Gado, na Bigi Gilibiman, ben dresi na soro dati fu di a ben wiki opo en loyaal Manpikin go kisi libi fu no dede moro na ini na yeye kondre (1 Petrus 3:18). Fu di Yeyses no sa dede noyti moro, meki a de ini wan posisi fu tiri dusun yari langa leki Kownu tapu na libismafamiri èn fu „maskaderi” na ede fu na agersi sneki fu di a sa masi en fu têgo na a kba fu na Dusun Yari Tiri. Fa disi sa de wan blsi gi na kotrow libismafamiri di kon bun baka!

4. Sortu programa Gado e meki go doro a mindri en pipri?

⁴ A mindri Yehovah pipri alape na grontapu bun furu sani ben orga na ini na ten fu na „bosroiti fu na seti fu sani” fu sensi den ten fu den heyden ben kon na wan kba na ini 1914 (Mateyus 24:3; Lukas 21:24, SV). Na programa disi fu orga sani bifo na kon fu na Millennium, e du ini wanfasi nanga a wani èn ondro tiri fu na Bigi Orgaman, Yehovah Gado. En uma, en heymel organisâsi di yu kan teki gersi nanga wan trow-uma, ben gi libi na ini 1914 na en pramisi kownukondre na ini anu fu Yeyses Krestes, so leki na kontru fu beybri profeytitori e sori.

5. Na kon koboru fu sortu sani ben taki a fesi na ini Openbaring 12:5, èn oten disi ben tyari kon na krin fu na fosi tron na ini The Watchtower?

⁵ Na so fasi den wortu di e kon now fu Openbaring 12:5 e kon tru na wan glori fasi: „A ben meki wan pikin, wan manpikin, di sa wey ala nâsi nanga wan isri tiki. Èn en manpikin den ben hari puru gwe na Gado nanga en kownusturu.” Na kon koboru fu Yehovah Kownukondre di Krestes sa tiri, èn di na nyun pikin di Gado uma meki e prenki, ben tyari kon a krin fu na fosi tron na ini The Watchtower fu 1 maart 1925. Na kon koboru fu na Mesiyas Kownukondre disi na ini heymel ini 1914 kenki fu na kon koboru fu na „nâsi” fu den pikin fu Siyon na grontapu ini 1919. — Yesaya 66:7, 8.

6. (a) Na kobortu fu na Kownukondre ben aksi fu sortu wroko du, di Yeyses ben taki a fesi fu en? (b) San Yehovah pipri ben musu du fu du na wroko disi, èn sortu front den de now?

⁶ Na kon koboru fu Yehovah kownukondre di nanga yepi fu dati a sa poti en reti soevereiniteit abra na heri universum kon reti — ay boy, dati de wan sani di nanga leti musu meki bekenti na a heri grontapu! Iya, na ten ben doro gi na kontru fu Yeyses wortu fu den buweysi fu en „denoya di yu no kan si”: „Na bun nyunsu disi fu na kownukondre sa preyki na a heri grontapu pe libisma e libi leki wan kotoygi gi ala nâsi èn dan na kba sa kon” (Mateyus 24:3, 14). Fu wan internationaal preykiwroko na a heri grontapu sa musu feni presi na ini wanfasi dan fu tru a ben aksi fu orga na pisi fu Yehovah organisâsi di yu kan si nanga ay. Na Watch Tower Bible and Tract Society so leki na presidenti fu a ten dati J.F. Rutherford ben teki presi fu en, ben firi taki disi ben musu psa. Fu dati-ede fu sensi na yari 1919 baka na feti meki na orga fu den loyaal horibakaman fu na Genootschap leki wan nâsi di kon bun ben go doro nanga wan fasti bosroyti, èn disi ben psa nanga begi di ben aksi na tiri nanga blesi fu na Moro Bigi Orgaman, Yehovah Gado. Aladi na Di Fu Tu Grontapufeti ben de èn aladi bita gens fu na sey fu den fascis sma, na nâzi buweygi ondro Hitler nanga na Katolik Action ben de, toku Yehovah Kotoygi ben de leki wan man kontrari na feyanti grontapu.

7. (a) Soso te Yehovah pipri de na ini sortu matifasi nanga makandra, den kan fruwakti fu psa libilibi na bigi banawtu? (b) Fa den sma fu na Frudu di ben tan a libi ben psa na Frudu di ben de na a heri grontapu, èn suma den e prenki?

⁷ Soso Yehovah Kotoygi, den di de fu na salfu fikapisi nanga fu na „bigi ipi”, leki wan wanfasi organisâsi ondro na tiri fu na Moro Bigi Orgaman abi wan beybri howpu fu psa libilibi na kba di de fu kon na a seti fu sani di Satan Ddibri e basi (Openbaring 7:9-17; 2 Korente sma 4:4). Na den na den sma di de na „skin” di leki fa Yeyses taki sa kibri psa na moro ogri banawtu na ini a heri libisma historiya. Leki fa a ben de na ini den dey fu Noa, Yeyses taki, na so a sa de na ini den dey te En o sori en srefi. Na ini na ark, di ben kon klari baka furu yari fu muyti fu orga sani, dan soso ayti libisma sili ben psa libilibi na grontapu frudu. Den ben psa libilibi leki wan wanfasi osofamiri grupu (Mateyus 24:22, 37-39; Lukas 17:26-30). Na uma fu Noa e kruderi nanga na trowmisi fu Krestes, èn en manpikin nanga den uma fu en pikin e kruderi nanga Yeyses disiten „tra skapu”, di gro kon tron wan bigi ipi di dey fu dey e kon moro bigi nomo, èn di now wi no sabi o bigi a sa de te fu kba (Yohanes 10:16). Fu go libi-libi na ini na Millennium na ondro na Moro Bigi Noa, Yeyses Krestes, dan wi musu tan de orga nanga a salfu fikapisi, den wan di den „teki puru” èn di den dey fu na „bigi banawtu” sa syatu fu den ede. — Mateyus 24:21, 22.

Psa libilibi go na ini na Millennium

8. Sortu agersitori Yeyses ben gi leki na bosroyti fu en profeytitori di ben go fu en denoya, èn fa 1 yuni 1935 ben de wan prenspari dey fu na frustan di den ben kon frustan san a wani taki?

⁸ Leki fa na Evangelium fu Mateyus e taki dan Yeyses ben tapu en profeytitori fu na marki fu en denoya nanga wan agersitori. Na agersitori disi, di sma e kari moro furu na agersitori fu den skapu nanga den bokoboko, abi fu du nanga sani fu now, na ini na bosroyti fu na seti fu sani disi, di bigin na a kba fu den ten fu den heyden na ini 1914 (Mateyus 25:31-46). Satra 1 yuni 1935 ben de wan prenspari dey fu di na a ten dati den ben kon frustan suma na den skapu fu na agersitori disi taki den ben de sma fu na bigi ipi. Na a dey dati 840 sma ben teki dopu leki wan sinbôl fu na gi di den ben gi den srefi abra na Yehovah Gado nanga yepi fu Yeyses Krestes tapu wan kongres fu Yehovah Kotoygi na ini Washington D.C. (VS). Moro furu fu den ben du disi fu di den teki wan bosroyti wantewante di den yere wan lezing di J.F. Rutherford ben hori fu Openbaring 7:9-17. A ben de a winsi fu den fu go de sma fu na bigi ipi tra skapu fu na Tumusi Bun Hèrder, fu abi na okasi fu psa libilibi na bigi banawtu di e kon krosibey èn fu psa na kba fu na seti fu sani go na ini na Dusun Yari Tiri fu na Hèrder-Kownu, Yeyses Krestes. Te fu kba den e kisi têgo libi tapu wan paradeysi grontapu. — Mateyus 25:46; Lukas 23:43.

9. Fu san-ede den skapu e kisi na kari fu ’kisi na Kownu-kondre di ben sreka gi den’ èn fa den de na ini na moro bun posisi fu du bun na den brada fu na Kownu?

⁹ Fu san-ede den sma disi di yu kan teki gersi nanga skapu ben kisi na kari ’fu kon teki na kownukondre di sensi na a poti fu na fondamenti fu grontapu ben sreka gi den’? Na Kownu e taygi den taki na reyde fu disi de taki den ben du den „brada” fu en bun, èn nanga dati ben du disi gi en. Nanga na wortu „brada” na Kownu e sori tapu na fikapisi fu en yeye brada di ini na bosroyti fu a seti fu sani de ete na grontapu. Fu di den tron wán ipi nanga den brada disi fu na Hèrder-Kownu, Yeyses krestes, dan den sa de ini wan matifasi so tranga leki a kan nanga na fikapisi èn na so wan fasi de na ini na moro bun posisi fu du den bun. Srefi na a sey fu yepi na skinfasi den ben sa yepi den brada fu Yeyses fu preyki na boskopu fu na Kownukondre di opo na a heri grontapu bifo na kba ben sa kon. Nanga disi na ini prakseri den skapu sa tan de orga nanga na fikapisi leki na wan ipi fu na wan Hèrder,

10. San a wani taki gi den skapu fu ’kisi na kownukondre di sensi na poti fu na fondamenti fu grontapu ben sreka gi den’?

¹⁰ Taki den skapu disi ’e kisi a kownukondre di sreka gi den’, no wani taki taki den sa tiri dusun yari langa nanga Yeyses Krestes nanga en brada na ini heymel. Na a tra sey den skapu e kisi na grontapu kontren fu na Kownukondre leti na na bigin fu na Millennium. Fu di den de den bakapikin fu Adam nanga Eyfa, meki na grontapu kontren disi, di na kownukondre fu Gado na ini anu fu Krestes sa go tiri a tapu, sreka gi den „sensi na poti fu na fondamenti fu na grontapu” fu na libismafamiri di bay kon fri. Boyti fu dati, den skapu e kisi wan grontapu kontren ofu grondgebied ondro Gado Kownukondre fu di den tron grontapu pikin fu na Kownu di e tron den „Têgo Tta”. — Yesaya 9:6, 7.

11. Fa den skapu ben sori taki den teki a sey fu na kownukondre èn sortu blesi den e kisi fu dati?

¹¹ Kontrari den agersi bokoboko dan den sma di yu kan teki gersi nanga skapu e sori sondro degedege taki den de na a sey fu na Kownukondre. Fa den e du disi? Nanga wroko, no soso nanga wortu. Fu di na Kownu de na ini heymel èn a no de fu si, meki den no kan du na en na bun fu hori baka gi en Kownukondre. Fu dati-ede den e du bun na en yeye brada di de ete na grontapu. Aladi so wan du bun e tyari ogri-ati gens nanga frufolgu fu na sey fu den bokobbko kon, toku na Kownu e taygi den skapu taki ’na blesi fu en Tta de a tapu den’.

12. Suma den skapu di tan a libi sa bari wan switikon gi, èn sortu prakseri sma fu na fikapisi ben abi ini a tori disi?

¹² Na bigi ipi fu sma di e du bun na den yeye brada fu na Kownu èn di yu kan teki gersi nanga skapu, sa kisi blesi nanga na prisiri grani fu psa libi libi go na ini na Millennium. Na a yoysti ten den sa abi wan prati na ini fu bari wan switikon gi den dedewan di de na ini den memregrebi (Yohanes 5:28, 29; 11:23-25). A mindri den yu sa abi so srefi tu den famiri-edeman nanga profeyti di ben nyan pina furu fu na bun fu na poti reti fu Yehovah Soevereiniteit, so taki den „mag kisi wan moro betre opobaka”, kande wan fruku opobaka (Hebrew sma 11:35). A mindri den sortu man nanga uma disi fu bribi di sa wiki opo baka fu dede, èn di Hebrew sma kapitiri 11 e kari wantu fu den na nen, yu sa abi Yohanes na Dopuman (Mateyus 11:11). Son sma fu na salfu fikapisi abi na prakseri taki den sa psa libi libi na kba èn sa de a libi drape fu bari wan switikon gi den kotrow sma disi di wiki opo baka fu dede èn di bifo Penkstri fu na yari 33 G.T. ben dede. Den salfuwan sa kisi na grani disi?

13. Fu san-ede a no ben sa de fanowdu gi a fikapisi fu sa bari wan switikon gi den dedewan di sa wiki opo baka na grontapu èn fu sorgu gi den?

¹³ Disi no a fu de nomonomo so. Nofo sma fu na bigi ipi di psa na bigi banawtu libilibi sa de drape fu sorgu na situwâsi èn fu yepi den wan di opo baka fu dede kon sabi sani fu na „nyun grontapu” ondro na „nyun heymel” (2 Petrus 3:13). Nownow kba den e orga na bigi ipi gi disi. Fu di leki fa den bericht e sori taki moro mendri leki 9.000 yeye brada fu Krestes de na grontapu, meki den sma di o tan na libi na den mindri sa de pikinso tumusi ini nomru fu sorgu gi ala na wroko di musu sreka sani a fesi èn di e du a fesi na algemene opobaka (Eseykièl 39:8-16). Dyaso baka den sma fu na bigi ipi di a nomru fu den di e go ini milyunmilyun sma, sa kan du bun wroko. Èn sondro degedege na grani dati poti gwe gi den.

14. (a) Furu sma fu na bigi ipi e kisi skoro gi sortu sani, èn fu san-ede wan nomru fu den musu teki frantiwortu now a tapu den? (b) Sortu sani o psa dyonsrode, èn sortu wroko e wakti den skapu?

¹⁴ Furu sma fu na bigi ipi e kisi now kba skoro ini gemeente frantiwortu èn nanga yepi fu bowprograma di e du ondro na tiri fu Gado organisâsi na a heri grontapu. Èn a de wan sani di e gi deki-ati fu si taki moro lepi man na yeyefasi fu na bigi ipi den gi wroko fu teki moro bigi frantiwortu na tapu den ini na organisâsi di Yehovah e meki du wroko now a grontapu. Den sma di tan abra fu den salfuwan e kon grani èn no man so bun moro fu tyari na lay fu frantiwortu. Den brada disi fu na Kownu e prisiri nanga na lobi yepi fu orga fu sani, di bekwaam owruman nanga dinari na ini diniwroko di abi yeyefasi èn di de fu den tra skapu man fu gi. Heri esi den sa puru Babilon na Bigiwan fu grontapu. Dan, so leki Openbaring 19:1-8 e sori, na trow fu na Pikin Skapu nanga ala 144.000 fu na trowmisi sa feni presi na ini heymel, èn den tra skapu di e dini leki wan nyun grontapu ondro den njun heymel, sa teki presi gi na Kownu ini na du fu na tumusi bigi wroko fu meki sani kon bun baka èn di sa go doro te leki na heri grontapu tron wan paradeysi pe libisma e libi na tapu èn di de leki wan preyse gi Yehovah. — Yesaya 65:17; teki gersi nanga Yesaya 51:4-6,

15. Sortu fruwakti na bigi ipi abi gi na Millennium?

¹⁵ Na ini na ten fu na Dusun Yari Tiri fu Krestes, te den dedewan di bay fri fu na libismafamiri wiki opo baka fu dede, dan na bigi ipi di ben tan na libi sa prisiri na ini kofarlek moy èn bigi grani. Den sa tron dan manpikin nanga umapikin fu na Kownu. A kan taki den sortu manpikin dati a mindri den sa kisi na posisi fu granman, so leki den manpikin fu kownu David ben de granman tu di ben abi difrenti frantiwortu.a Disi e meki wi denki na Psalm 45, di ben meki nanga Yehovah „Kownu” di ben kisi salfu na prakseri.

16. Psalm e taki te yu luku en bun nanga suma, èn fa yu kan buweysi dati?

¹⁶ Na sortu kownu Psalm 45 e poti pakseri? Na no wan tra sma moro leki Yeyses Krestes! Na ini Hebrew sma 1:9 den e sori dati fu di den e teki Psalm 45:7 poti drape, pe tanapu: „Yu lobi regtfardifasi èn yu no kan si na ay. Fu dati-ede meki Gado, yu Gado, salfu yu nanga oli fu tumusi bigi prisiri, moro leki yu patna.” Psalm 45:16 e taki trutru nanga na glori Yeyses Krestes: „Na ini na presi fu yu fositen tta yu manpikin sa sori taki den de, di yu sa poti leki granman na a heri grontapu.”

17. Na belangstelling fu na Kownu, Yeyses Krestes, e go spesrutu na san èn na suma?

¹⁷ Nanga reti meki Yeyses abi moro belangstelling ini a ten di e kon leki Kownu di e tiri leki ini en grontapu libi di psa. A no de fu taki taki a no e frigiti a ten dati di psa èn a no e frigiti en fositen tta di ben de libisma èn di ben abi fu du nanga Yehovah pramisi fu na siri fu Abraham. Ma now en moro prenspari belangstelling e go na a wantewante tamara so leki disi de na ini na prakseri fu na Sma di poti en Kownu, Yehovah Gado. Yeyses belangstelling no e go someni na en grontapu fositen tta ma moro furu na en grontapu pikin, spesrutu na den manpikin a mindri den di bun nofo fu kisi na ondro na tiri fu en na posisi fu granman.

18. Fa bepaalde poti-abra fu Psalm 45:16 e meki kon na krin taki Yeyses abi moro belangstelling gi manpikin di de granman leki gi en grontapu fositen tta?

¹⁸ Difrenti beybri-vertaling e meki kon na krin taki Yeyses abi moro belangstellng na ini manpikin di de granman leki na ini fositen tta. Dyaso e kon now fa wan tu fu den vertaling disi e poti Psalm 45:16 abra: „Na ini na presi fu yu tta yu manpikin sa kon, yu sa poti den leki granman na ini na heri kondre” (vers. 17, Leidse Vertaling). „Tapu a presi fu Yu tta yu manpikin sa tanapu, èn yu sa poti den leki granman tapu a heri kondre” (vers 17, Nieuwe Vertaling van het Nederlands Bijbelgenootschap). „Ini na presi fu yu tta manpikin e kon koboru gi yu; yu sa poti den leki granman tapu na heri grontapu.” — Psalm 44:17, Bakratongo Professorenbijbel.

19. Sortu gemeente frantiwortu de now tapu bepaalde man di de fu na bigi ipi, èn gi sortu posisi na Kownu, Yeyses Krestes, kan poti den na ini na ten fu na Dusun Yari Tiri?

¹⁹ Leki bigi prisiri gi wi dan yu abi granman ini na ten di e kon na wi mindri. Yu e feni den a mindri den tra skapu di e arki na sten fu na Tumusi Bun Hèrder, Yeyses Krestes. Spesrutu sensi 1935, di Openbaring 7:9-17 ben tyari kon na krin tapu na kongres fu Yehovah Kotoygi di ben hori na ini Washington D.C. (VS) den ben e arki na a sten. Na ini na ten disi dusundusun sma fu na bigi ipi tra skapu e dini leki owruman, ofu opziener, ini den moro leki 57.670 gameente, fu Yehovah Kotoygi na ini 212 kondre na a grontapu. Fu di den man disi tan de nanga na fikapisi fu Yeyses yeye brada di de ete na grontapu, meki den e feni den bun na ini a ten fu na Dusun Yari Tiri fu na Kownu, Yeyses Krestes tapu na pramisi nyun grontapu, fu den teki den krinkrin leki grontapu manikin fu en (2 Petrus 3:13). Na a fasi disi meki den kan poti den leki granman fu du diniwroko na ini na nyun grontapu.

20. (a) Fa na Kownu sa de nanga den sma disi di a poti na wroko na grontapu? (b) Suma sa bari na bigi ipi wan switikon èn sortu okasi den sma disi, di dray kon baka sa abi?

²⁰ Na Kownu, Yeyses Krestes, sa erken nanga ala prisiri den nyun granman disi di den ben poti a wroko, precies so leki a e erken now taki kotrow tra skapu na ini den disiten gemeente fu Yehovah Kotoygi e hori ay tapu a wroko. Ala sma fu na bigi ipi tra skapu — den umasma nanga den mansma — sa abi na bigi grani fu bari wan switikon gi ala den sma di sa opo baka fu dede te den yere a sten fu Yeyses èn di sa kisi na okasi fu libi fu têgo na ini libisma volmaaktifasi tapu wan grontapu di kon krin èn di kenki kon tron wan paradeysi na a heri grontapu (Yohanes 5:28, 29). Gi den sma disi di abi a bun ede fu kisi wan opobaka fu dede yu sa abi so srefi tu den fositen tta fu Yeyses Krestes di bay kon fri, man fu bribi di ben de klariklari fu sori te na ini dede na gi di den gi den srefi na ini na dini fu Gado ini na howpu fu kisi „wan moro betre opobaka” (Hebrew sma 11:35). Ma fu opo den go kisi volmaakti libisma libi ini na ten fu na Dusun Yari Tiri fu na Frulusuman-Kownu Yeyses Krestes, de soso wan bigin. Ma te den tan de orga na ondro tiri fu Yehovah Gado sondro fu kan broko na orga dati na ini a ten fu na lasti tesi di na libismafamiri di kon bun baka sa ondrofeni na a kba fu na Millennium, dan den sa sori taki den de warti leki na grontapu pisi fu Yehovah universele organisâsi fu kisi a reti fu libi fu têgo na ini na paradeysi. — Mateyus 25:31-46; Openbaring 20:1—21:1.

[Futuwortu]

San yu ben sa piki?

◻ Sortu pisiten Yehovah ben poti na wan sey fu blesi na heri libismafamiri?

◻ Soso te wi tan na ini sortu matifasi wi kan psa na bigi banawtu libilibi?

◻ San a wani taki taki den skapu ’sa kisi na kownukondre di sensi na poti fu na fondamenti fu grontapu ben sreka gi den’?

◻ Sortu grani na bigi ipi sa kisi ini na ten fu na Millennium?