Orga wi srefi now gi den dusun yari di e kon
„Den . . . sa tiri den dusun yari nanga en leki kownu.” — OPENBARING 20:6.
1. San sa de baka moro leki dusun yari na situwâsi na grontapu?
SAN! Wi e bedul taki na libismafamiri baka moro leki dusun yari, sa de ete na grontapu? Na dati wi e bedul trutru! Èn san de moro, na dati na heri libismafamiri sa de dan volmaakti na skin, ati nanga yeye — leki a fosi man nanga uma na a bigin di libisma ben kon na libi tapu na grontapu disi. Iya, baka dusun yari libisma sa de na a prenki èn na a fasi fa a Gado fu en de, a sma di sa meki ala sani kon bun baka (Genesis 1:26-30). Den sa nyanbun dorodoro fu a libi na ini wan „dyari fu Eden”, wan paradeysi fu prisiri, tapu wan grontapu di kon krin èn di no sa abi tumusi furu sma psa marki di e libi na tapu (Genesis 2:15). Ala disi sa de na kon tru fu na fosi prakseri di na Mekiman ben abi nanga na grontapu èn den sma di ben sa libi a tapu. Na tumusi moy wroko disi sa meki a kon kisi reti leki wan sma di de kotrow na en lobi pramisi fu blesi na heri libismafamiri awinsi ala gens mag de.
2. Fa sma di ben libi so wan 19 yarihondro psa kba ben kisi wan luku fa na volmaakti libisma sa de?
2 Na blesi wroko disi sa de leki wan kownu-ati gi na Dusun Yari Tiri fu Gado nanga yepi fu en glori Manpikin, di moro leki 19 yarihondro psa kba ben psa 331/2 yari na grontapu leki wan volmaakti libisma. Fu na fasi di a ben sori na a ten dati leki libisma, wi e leysi: „Na Wortu ben tron skin èn a ben libi na wi mindri, èn wi ben si en glori, wan glori so leki di fu wan enkri koboru manpikin fu wan tta; èn a ben furu nanga no frudini bunfasi nanga waarheid” (Yohanes 1:14). So bun na ini Krestes na pipri Israèl na ini na ten dati ben si fa wan volmaakti libisma de (Lukas 3:23, 38). Iya, 19 yarihondro psa kba son sma ben si fa na libismafamiri di sa tyari kon de volmaakti sa de na ini na grontapu paradeysi di o kon.
3, 4. (a) Olanga Yehovah tiri ini anu fu Yeyses Krestes nanga den 144.000 sa de trutru? (b) Sortu wortu e kobroyki gi na pisiten dati, èn fa disi kon a fesi na ini den titel fu bepaalde Wachttoren publikâsi?
3 Den ben taki kba a fesi fu na langa fu Yehovah Kownukondre tiri na ini na anu fu Yeyses Krestes nanga en 144.000 glori disipri taki a sa de dusun yari. Fu na Dusun Yari Tiri dati na grani apostru Yohanes ben skrifi: „Mi ben si kownusturu, èn yu ben abi sma di ben go sdon na tapu den, èn den ben kisi makti fu hori krutu. Iya, mi ben si den sili fu den di den ben kiri nanga aksi fu na kotoygi ede di den ben gi fu Yeyses èn fu na taki di den ben taki fu Gado èn den di no ben anbegi na busimeti nanga en prenki èn di no ben kisi na marki tapu den fesi-ede nanga tapu den anu. Èn den ben kon na libi èn ben tiri leki kownu nanga Krestes wan dusun yari langa. (Den tra dedewan no ben kon na libi te leki den dusun yari ben kon na wan kba.) Disi na a fosi opobaka. Koloku èn santa ibriwan sma de di abi prati na a fosi opobaka; tapu den disi na di fu tu dede no abi makti, ma den sa de pristri fu Gado èn fu Krestes èn sa tiri den dusun yari nanga en leki kownu.” — Openbaring 20:4-6.
4 Fu di dusun yari na wan millennium, meki na pisiten dati den e kari tu na Milennium ofu, na Dusun Yari Tiri fu Krestes. Den sma di e teki na beybri leri disi èn di e leri sma en, den e kari sontron millenniumsma ofu chiliastsma, akruderi na Griki wortu fu „dusun”. Na wan moy sani fu si taki den pisi fu Studies in the Scriptures (Stuka ini na Beybri, di fositen na Watch Tower Bible and Tract Society ben tyari kon na doro) den ben kari biginbigin Millenial Dawn (Na Musudey fu na Millennium). Èn na singibuku di fositen den Internationaal Beybri ondrosukuman ben e kobroyki ben abi na nen Hymns of the Millennial Dawn.
5. Na ini sortu toestand Satan nanga den ogri yeye sa de ini na ten fu na Dusun Yari Tiri fu Krestes?
5 Den wortu „dusun yari” di kobroyki na ini Openbaring 20:4, no de na agersi fasi ma e sori tapu dusun sonyari. Na ini na ten fu na Millennium dati Satan Ddibri nanga en ogri yeye ipi sa trowe go na ini a peti di no abi gron bika leti bifo na apostru Yohanes ben taki fu Krestes Dusun Yari Tiri a ben taki: „Mi ben si wan engel saka komoto fu heymel nanga na sroto fu na peti di no abi gron nanga wan bigi keti na ini en anu. Èn a ben grabu na draak, na fosi sneki, di de Ddibri nanga Satan, èn ben tay en fu dusun yari. Èn a ben fringi en go na ini a peti di no abi gron èn a ben sroto èn tapu dati na tapusey fu en, so taki a no ben sa kori den nâsi te leki den dusun yarl ben kon na wan kba. Baka den sani disi a musu lusu fu wan syatu ten .” — Openbaring 20:1-3.
6. (a) Sortu datum son lomsu-katolik sma ben poti gi na kba fu Krestes Dusun Yari Tiri? (b) Efu san katolik sma taki de tru, olanga na syatu ten ben de di Satan kon fri fu na peti di no abi gron?
6 Son lomsu katolik sma ben taki taki na Dusunyari Tiri fu Yeyses Krestes ben kon na wan kba na ini 17799 di Fransi legre ben wini Rome èn den ben puru na pawsu leki tiriman fu Rome, èn ben tyari en leki strafuman go na Fransikondre, pe a ben dede. Den katolik kerki fesiman ben taki taki Satan nanga en ogri yeye na a ten dati ben lusu komoto fu „a peti di no abi gron”, fu bigin du fu wan „syatu ten” na wroko fu den fu kori sma (Openbaring 20:1-3, katolik Douay Version). Efu dati ben de tru, dan disi ben sa wani taki taki „na syatu ten” go kba 190 yari doro sondro taki na kba fu en de fu kon.
7. San a beybri e sori fu na ten èn na fasi fu na Dusun Yari Tiri fu Yeyses Krestes?
7 Ma leki fa Beybri taki dan na tru Dusun Yari Tiri fu Yeyses Krestes ddon na ini na ten di e kon ete. Na ini na disiten kontru fu beybri profeytitori e kon na krin taki a de bun krosibey. Na ini na ten fu na tru Millennium Satan nanga en ogri yeye trutru sa de na ini na peti di no abi gron èn Yeyses Krestes nanga en 144.000 konpe erfgenaam sa tiri tapu na herl libismafamiri sondro taki na organisâsi fu Ddibri sa moksi en srefi na ini. Na têgo blesi gi na heri libismafamiri di bay kon fri leki wan kontru fu Yehovah frubontu nanga en „mati” Abraham, sa bigin nanga na „bigi ipi” di sa psa libilibi na „bigi banawtu” di no abi en speri èn di sa tyari na gadolowsu seti fu sani disi kon na wan kba. Dan a sa go tapu den milyardmilyard sma di dede èn di bay kon fri nanga yepi fu „na brudu fu na Pikin Skapu”, Yeyses Krestes (Yakobus 2:21-23; Openbaring 7:1-17; Genesis 12:3; 22:15-18; Mateyus 24:21, 22). Fu disi kan de so dan den sa wiki den fu na dedesribi na ini den memre grebi kon kisi libi na grontapu. — Yohanes 5:28, 29.
Wan kresten organisâsi
8. Fu sortu organisâsi na buku The New Creation e fruteri fu en, ma sortu organisatoris wroko a no ben si a fesi?
8 Na ini na kontru fu na prakseri fu Gado dan wan nyun organisâsi ben sori en srefi someni yarihondro bifo den blesi dati kon. Fu na organisâsi dati wi e leysi : „Efu wan sma de na ini wanfasi nanga Krestes, dan a de wan nyun mekisani.” „No besnijdenis èn no na no besnijdenis na wan sani, ma wan nyun mekisani [wan nyun sma, Statenvertaling] na wan sani” (2 Korente sma 5:17; Galasiya sma 6:15). Na ini 1904 kba na buku The New Creation ben poti prakseri na tapu na nyun organisâsi disi di ben du kon na ini na fosi yarihondro G.T. (Studies in the Scriptures, Deel VI, Studie V, di abi leki nen „The Organization of the New Creation” [Na orga fu na nyun mekisani]). Fu na fasi fa a buku dati ben si na kba fu na ten fu den heyden na ini 1914, meki a no ben si na kofarlek organisatoris wroko di ben musu du baka na Fosi Grontapufeti di ben lan na libisma historiya. — Lukas 21:24, SV.
9. Sortu okasi na fikapisi fu na nyun mekisani ben grabu?
9 Na hori a libi fu na fikapisi fu na yeye nyun mekisani te na a kba fu na Fosi Grontapufeti èn na tan na libi fu den na ini skin na grontapu ini a yari 1919 baka na feti, ben kon leki wan fruwondru sani. Ma den toestand di ben sa de ini na ten fu na Millennium, no ben bigin ete. A de krin taki moro wroko na grontapu ben de fu du so bun gi na fikapisi fu na nyun mekisani bifo na heymel howpu fu den ben sa kon tru ini na abi fu wan prati nanga Yeyses Krestes na a wroko di den musu du ini na Millenium. Fu dati-ede a ben de tranga fanowdu taki a fikapisi ben sa kon kisi nyun libi èn ben sa mu su orga nyun baka. Nanga wan bribi di no e seki èn nanga a lostu fu du a wroko di ben poti a den fesi meki den ben teki na okasi.
10. Sortu aksi e kon ini a tori fu den milyunmilyun sma di leki fa na fruwakti de sa psa libilibi go na ini na nyun seti fu sani?
10 Na fruwakti fu na salfu fikapisi ben de, taki bun furu sma fu na libismafamiri ben sa psa libilibi na kba fu na gadolowsu seti dya na grontapu èn ben sa go na ini na Dusun Yari Tiri fu Yeyses Krestes. Disi ben de spesrutu so, baka di ini na yari 1918 fu na feti, na publiki taki „milyunmilyun sma di e libi now noyti sa dede” ben hori na ini Los Angeles (Californiya, VS). Den ben musu orga den milyunmilyun sma disi di ben o psa Armageddon libi libi? (Openbaring 16:14-16). Den ben sa abi makandra nanga na fikapisi wan prati na a kownukondre preykiwroko bifo den ben tyari go na ini na Millennium fu tron wan pisi fu na nyun grontapu? (2 Petrus 3:13) Den aksi disi ben sa musu kisi wan piki ini fa sani ben o waka baka na feti.
11. (a) San ben sa musu psa nanga den tra skapu, di makandra nanga na fikapisi ben sa tron wan ipi? (b) Fu san-ede na difrenti na ini howpu no ben de wan reyde fu pratifasi na mindri na fikapisi nanga den tra skapu?
11 Den tra wortu fu na tumusi bun Hèrder, Yeyses Krestes, ben kon fu dati-ede na fesi: „Mi abi tra skapu ete, di no de fu na koy disi; den dati tu mi musu tyari kon, èn den sa yere mi sten, èn den sa tron wan ipi, wan hèrder” (Yohanes 10:16). Efu na salfu fikapisi fu sensi 1919 ben sa musu orga gi na wroko baka na feti èn efu den tra skapu bakaten ben musu tron wán ipi nanga na fikapisi na ini na koy disi, san ben sa musu psa dan? We, den ben sa musu orga so srefi tu den tra skapu disi ini wanfasi nanga na fikapisi dati. Taki den tra skapu ben abi wan tra howpu namku fu libi na ini wan grontapu paradeysi fu prisiri — no ben de wan reyde fu pratifasi a mindri den nanga na fikapisi. Den alamala ben waka na baka soso na wan hèrder, èn den tu grupu no ben sa prati fu makandra te leki na salfu fika pisi ben sa kisi glori na ini na Kownukondre.
12. (a) San de moro prenspari leki na frulusu fu libisma? (b) Oten èn fu san-ede a ben de moro prenspari fu preyki na Kownukondre?
12 Na kisi di libisma ben sa kisi frulusu fu sondu nanga dede, na kba fu na basi di Satan e basi grontapu èn na tyari fu na libismafamiri di e gi yesi kon de volmaakti na ini na paradeysi di sa kon baka na a heri grontapu, de spesrutu marki fu Yehovah lobi prakseri. Ma wan moro prenspari sani de gi na heri universum. San na dati? A de na poti reti fu na universele soevereiniteit fu Yehovah Gado nanga na santa di en santa nen musu kon santa. Fa a ben de wan sani di fiti taki na a di fu tu congres fu den Internationaal Beybri-ondrosukuman na ini 1922 na ini Cedar Point (Ohio VS) krakti ben poti na tapu na meki bekenti fu Yehovah Kownukondre ini anu fu na Kownu di e tiri, Yeyses Krestes. Fu di den ten fu den heyden ben kon na wan kba na 1914, meki na yoysti ten ben doro fu gi yesi na Yeyses profeytitori: „Na bun nyunsu disi fu na kownukondre sa preyki na a heri grontapu pe libisma e libi leki wan kotoygi gi ala nâsi èn dan na kba sa kon” (Mateyus 24:14). Na Kownukondre, di sa poti Yehovah universele soevereiniteit reti, èn di sa santa en nen, ben opo na ini 1914 na ini heymel èn Yeyses Krestes ben tiri na mindri fu en feyanti. Disi ben de na switi bun nyunsu di ben musu preyki nanga ala wrokosani di ben de fu meki na Kownu nanga en Kownukondre bekenti!
13. Fu san-ede Gado ben sorgu gi na wroko fu na Kownukondrepreyki èn fu san-ede?
13 Yehovah na wan Sma di e orga sani na heymel nanga grontapu bika en na a Moro Heywan, na Moro Maktiwan. A ben sorgu taki dya na grontapu na wroko di ben de ini na preyki na ala nâsi fu na kownukondre bifo wan kba fu na seti fu sani disi kon, orga finifini. Den memre fu na fikapisi fu salfuwan di ben de ete na libl ben smeltri kon na wan na ini wan internationaal orga fu du en wani. Den ben musu meki bekenti gi na grontapu taki fu di Satan ben strey nanga Yehovah universele soevereiniteit, na de trutru èn na retifasi fu na soevereiniteit dati ben musu poti reti fu têgo.
Organisâsi bifo na Millennium kon
14. (a) Bifo wi gewoon teri sortu orga ben tron na grontapu pisi fu Yehovah universele organisâsi? (b) Fa David ben sori taki a ben de wan bigi orgaman?
14 Ini wan pisiten fu 15 yarihondro bifo wi gewoon teri Yehovah Gado ben abi wan organisâsi na grontapu di yu ben kan si. A ben kobroyki en profeyti Moses leki na Mindriman fu orga na nâsi Israèl bakadi a ben kon fri fu Egipti, na fosi grontapu makti fu na beybri historiya. Na ondro na Wet fu Moses Israèl ben tron na pisi fu Yehovah universele organisâsi di yu kan si. Wan tumusi bun orgaman a mindri na pipri disi fu Gado di a ben teki puru ben de na herder-kownu David, di wi e leysi fu en: „David ben orga den [den Leyfi sma di ben dini na ini Yehovah santa presi] na ini grupu, di kari na a nen fu Gerson, Kehat nanga Merari, den manpikin fu Leyfi.” „A ben orga den [den pristri] fu di a ben meki den hari lòt bika yu ben abi santa beambte èn beambte fu Gado na ini a geslaktilin fu Eyliyasar nanga ini di fu Itamar.” — 1 Kronieken 23:3, 6; 24:1, 5, The New English Bible.
15. (a) Na sortu fasi den Israèl sma ben hari komoto fu Egipti? (b) Suma ben teki a bosroyti fu gwe libi Egipti, èn ben tan nanga den Israèl sma?
15 Hondrohondro yari bifo na ten fu David, di den Israèl sma ben hari komoto fu Egipti, den no ben du disi fu di den lon esi-esi gwe, ma den ben hari gwe tapu wan ordefasi. Ini disi ben kon na krin taki na mindriman fu den, Moses, ben orga ala sani bun. Wan bigi ipi no-Israèl sma ben hari gwe nanga den èn ben teki a bosroyti fu tron wan pisi fu na pipri fu na Gado di e du wondru, Yehovah, di ben de moro makti leki ala gado fu Egipti. Aladi furu muylekhèyt ben de toku na ’bigi moksi konpani’ disi ben de ete wan pisiten baka dati na ini na gran sabana fu Sinayi di e gi frede na Yehovah pipri di den ben sori bun wani gi (Exodus 12:37-51; Numeri 11:4). A ben de krin taki na moksi ipi dati ben go makandra nanga den Israèl sma na ini na Pramisi Kondre ondro a tiri fu na man di ben teki a presi fu Moses, Yosuwa bika Gado ben poti taki sani ben musu seti drape gi den sortu freymde sma disi di ben kon libi a den mindri.
16. (a) Suma na bigi moksi konpani ben prenki? (b) San den disi musu du fu psa libilibi na kba fu na seti disi?
16 Na bigi moksi konpani dati di ben hari komoto fu na Egipti di Farao ben tiri, ben prenki wan bigi ipi ini na di fu twenti yarihondro. Den no de yeye Israèl sma ma de tra skapu fu na Tumusi Bun Hèrder, Yeyses Krestes. Makandra nanga na salfu fikapisi den e luku go na fesi fu kon fri krinkrin fu na agersi Egipti, na grontapu seti fu sani di na Moro Bigi Farao, Satan Ddibri, de na Gado fu en (Yohanes 10:16; 2 Korente sma 4:4; Openbaring 7:9). Ma san den musu du fu pa libilibi na owru grontapu fu Satan èn fu go na ini na pramisi nyun grontapu ondro na moro Bigi Yosuwa, Yeyses Krestes? (2 Petrus 3:13). Den musu tan ini lin nanga den organisatoris seti di na mama pisi fu Yeovah organisâsi di wi kan si, na salfu fika pisi, ben poti.
17. Fa den memre fu na bigi ipi e handri na ini na bruya grontapu disi, èn den e luku go na san?
17 Spesrutu sensi na mindri fu na di fu fo yari tin fu na di fu twenti yarihondro den e tyari na bigi ipi tra skapu kon na ini na wan ipi di orga ondro na wan glori Hèrder, na kownu di e tiri, Yeyses Krestes. Na ini wan grontapu di aladi na orga fu den Verenigde Nâsi de, toku moro nanga moro e kon bruya, dan den memre fu na bigi ipi disi e hori baka gi na salfu fikapisi nanga den heri ati èn e sori na a fasi disi taki den abi na krakti fu Yehovah santa yeye di e tyari sani kon na wan. Nanga wan fasti bosroyti den e tan na ini wan tranga organisâsi makandra nanga na fikapisi, aladi den e luku na fesi go na spesrutu diniwroko na grontapu ini na ten fu na Dusun Yari Tiri fu Yeyses Krestes.
San na den prakseri fu yu?
◻ San na beybri e sori fu na ten èn na fasi fu na Dusun Yari Tiri fu Yeyses Krestes?
◻ San de moro prenspari leki na frulusu fu libisma?
◻ Sortu organisâsi ben tron bifo wi gewoon teri na grontapu pisi fu Yehovah universele organisâsi?
◻ Fa den sma di na bigi moksi konpani e prenki o psa libilibi go ini na Dusun Yari Tiri?