A de so, taki hèl faya?

„NA WAN seyker ten na ini den yari fu 1960 hèl ben lasi gwe”. Na so na Ingrisl skrifiman David Lodge ben taki na ini en buku Souls and Bodies, èn den wortu fu en e tyari a srefi denki fu furu lomsu nanga anitri lni den tintin yari baka na Di Fu Tu Grontapufeti kon na fesi. Fu wan pisiten, furu fu den moro prenspari kerki ben swaki srefi den fasti leri fu den fu wan hèl fu faya ini den muyti fu den fu fiti den srefi na den nyunten denki.

Na prakseri, taki libisma e kisi strafu baka dede, ben de spesrutu gi furu sma wan sani san den no e teki, bika na frustan di sma ben frustan san na sondu, ben kon de srefi frafra na ini na denki fu den. Di den ben abi wan aksi-takimakandra nanga kardinaal Ratzinger fu Rome na ini 1984, a ben taki: „Na grontapu nanga en hey kulturu e poti en srefi tapu omstandigheid di e tyari lekti kon èn tapu na gi fu pardon ini na muyti fu teki puru na firi fu fowtu ofu fu sondu fu libisma, . . . yoysti na trufasi dati di bribi ini hèl nanga vagevuur abi fu du nanga en.”

A kan, fu wan sma bribi now taki sondu de trutru, sondro fu teki na leri taki wan sma e kisi strafu baka dede ini vagevuur nanga hèl? Wan disiten buku, Abrégé de la foi catholique, (Wan syatu takimakandra fu na katolik bribi) di ben bigin nanga wan wortu a fesi fu na Fransi kardinaal Decourtray, ben poti nanga ala fri fasi na aksi: „A de fanowdu fu bribi na ini hèl?” Na piki: „A no kan fu way komoto gi na frede afersi fu hèl.” Na buku Vatican Council II — More Postconciliar Documents (1982) ben tyari „na credo (bribi fruklari) fu na pipri fu Gado” kon na fesi pe tanapu: „Wi e bribi taki . . . den wan di ben teki na wan bun fasi na lobi nanga sari-atifisi fu Gado sa go na ini têgo libi. Den wan di ben weygri disi na a kba sa sungu go na ini na faya di noyti e dede”.

So bun, aladi ala muyti du na teyologis sey fu sori na tra sey fu na tori, toku a hèlfaya te nanga now de wan fu den prenspari fasti leri fu katolik kerki. Toku A New Dictionary of Christians Theology (1983) e taki fu na „syen” nanga „problema” di na leri fu têgo strafu ini hèl ben tyari kon na mindri furu memre fu na krestenhèyt. Den abi muyti nanga disi fu tyari na leri disi kon ini akruderi nanga na bribi fu wan Gado fu lobi. Den e aksi den srefi: ’Wan faya hèl de trutru wan kresten nanga beybri leri? Efu a node so, pe a komoto dan?’

[Prenki na tapu bladzijde 3]

Bourges Cathedral, France