Waktitoren LIBRARY TAPU INTERNET
Waktitoren
LIBRARY TAPU INTERNET
Sranantongo
  • BIJBEL
  • BUKU
  • KONMAKANDRA
  • w90 1/8 blz. 28-32
  • Wroko na wan loyaalfasi makandra nanga Yehovah

Felem no de na a pisi disi.

Sorry, wan sani no go bun di wi pruberi fu drai a felem.

  • Wroko na wan loyaalfasi makandra nanga Yehovah
  • A Waktitoren—A e taki fu Yehovah Kownukondre 1990
  • Edeprakseri
  • A srefi sortu tori
  • Gi suma wi e wroko?
  • Gensman de na wroko
  • Wroko di no e pai
  • Du „bun wroko” na ini a ten disi
  • Na wroko di abi na moro bigi waarde
  • Wroko makandra nanga na gemeente
  • ’Wroko tranga èn span wisrefi’
    A Waktitoren—A e taki fu Yehovah Kownukondre 1981
  • Wi e prisiri fu di wi e wroko makandra nanga Gado
    A Waktitoren—A e taki fu Yehovah Kownukondre (Studie-Waktitoren) 2016
  • Du yu wroko nanga prisiri
    San yu kan du fu meki Gado tan lobi yu
  • A presenti foe Gado foe wroko gi en dienstknekti
    A Waktitoren—A e taki fu Yehovah Kownukondre 1982
Moro sani
A Waktitoren—A e taki fu Yehovah Kownukondre 1990
w90 1/8 blz. 28-32

Wroko na wan loyaalfasi makandra nanga Yehovah

„Ow Gado, yu ben leri mi fu sensi mi yongu yari, èn te nanga now mi e tan fruteri fu den wondruwroko fu yu.” — PSALM 71:17.

1. Fu san-ede wi kan taki taki wroko na wan presenti fu Yehovah?

WROKO na wan fu den presenti fu Gado gi libisma. Gi wi fosi papa nanga mama, Adam nanga Eifa, Yehovah ben taki: „Furu na grontapu èn poti en na unu ondro.” Na wroko dati di den ben kisi fu du ben de wan tyalensi, ma a ben de wan wroko di den ben man fu du heri bun. Na muiti na skin èn yeye fasi di disi ben aksi, ben sa meki den prisiri fu libi kon moro bigi èn psa ala san den meti ben ondrofeni, di ben libi nanga den na tapu a grontapu oso fu den. — Genesis 1:28.

2, 3. (a) San wroko ben tron gi furu sma na ini a ten disi, èn fu san-ede? (b) Sortu okasi fu du wan spesrutu wroko wi musu go luku now?

2 Srefi na ini wi onvolmaakti situwâsi, dan ’tranga wroko’ di abi „bun” bakapisi de „na presenti fu Gado”, so leki na koni man Salomow ben skrifi (Preikiman 3:13). Libisma te now ete abi fanowdu fu kobroiki na man di a man du sani na yeye èn na skin fasi. Fu no abi wroko fu du, e gi broko-saka. Toku a de so, taki a no ala wroko bun ofu abi waarde. Gi furu sma wroko alatron de na srefi sani, a e kon fu na fanowdu fu sorgu gi wan pisi brede.

3 Toku wan wroko de di e pai trutru èn ala sma e kisi na kari fu abi wan prati na ini. Ma den sma di e teki prati na ini, musu wini furu gensman nanga problema. Fu san-ede a de prenspari fu wi kon kisi koni gi na wroko disi? Fa wi kan du dati? Bifo wi e gi piki na tapu den aksi disi, meki wi luku fosi san e kon now:

Gi suma wi e wroko?

4. Sortu wroko ben tyari prisiri nanga satisfaksi kon gi Yeises?

4 Yeises Krestes ben taki: „Mi nyanyan de fu mi du na wani fu na wan di ben seni mi kon èn fu klari en wroko” (Yohanes 4:34). Fu ben wroko na wan loyaal fasi gi Yehovah, ben tyari bigi prisiri nanga satisfaksi kon gi Yeises. A ben gi en wan marki na ini na libi, èn na a kba fu en dri-nanga-afuyari diniwroko, a ben kan taigi en hemel Tata trutru: „Mi ben gi yu glori na grontapu, fu di mi ben klari na wroko di yu ben gi mi fu du” (Yohanes 17:4). So leki nyanyan na skin fasi e sorgu fu yu tan na libi, na so a de tu nanga wroko di e du na yeye fasi. Na wan tra okasi Yeises ben poti tranga na tapu disi, di a ben frumane: „No wroko fu na nyanyan di e pori, ma fu na nyanyan di e tan fu na têgo libi” (Yohanes 6:27). Na a tra sei wroko di no abi froktu na yeye fasi, e tyari bruya nanga dede kon.

5. Suma ben gens na bun wroko di Yeises ben du, èn fu san-ede?

5 „Mi Tata ben tan wroko te now ete, èn mi e tan wroko.” Yeises ben taki den wortu disi gi den dyu, di ben sori tapu fowtu fu en fu di na tapu na sabbat a ben dresi wan man di ben siki 38 yari langa (Yohanes 5:5-17). Ala di Yeises ben e du na wroko fu Yehovah, toku kerki gensman ben weigri fu erken na sani dati èn ben du ala san den ben kan fu stóp en. Fu san-ede? Fu di den ben komoto fu den tata, Satan Didibri, na wan di alaten ben gens na wroko fu Yehovah (Yohanes 8:44). Fu di Satan kan ’kenki en srefi na ini wan engel fu leti’, èn e kobroiki „ibri onregtfardiki bidrigifasi”, meki wi fanowdu na koni fu si san fu du na yeye fasi èn wan krin denki fu kon sabi den wroko fu en fu san den de. Noso wi sa kan kon frustan kande taki wi e wroko kontrari Yehovah. — 2 Korente sma 11:14; 2 Tesalonika sma 2:9, 10.

Gensman de na wroko

6. Fu san-ede sma di fadon komoto na bribi de „bidrigi wrokoman”? Gi wan eksenpre.

6 Sonwan, so leki bepaalde sma di fadon komoto na bribi na ini a ten disi, na wan no-loyaal fasi e wroko leki den wrokosani fu Satan fu pori na bribi fu den memre di nyunyun kon tai nanga na kresten gemeente (2 Korente sma 11:13). Na presi fu den kobroiki kowôn na beibri leki na fondamenti fu tru leri, den e poti den srefi na tapu fu pruberi fu tyari na Nyun Grontapu Vertaling fu den Santa Buku (Bakratongo) kon na ini wan takru leti, neleki taki Yehovah Kotoigi e anga krinkrin na dati fu horibaka gi a leri fu den. Ma disi no de so. Pikinmoro wan yarihondro langa den Kotoigi moro furu ben kobroiki na King James Version, na lomsu Douay Version, ofu sortu vertaling tu di ben de fu kisi na ini a tongo fu den, fu kon sabi na waarheid fu Yehovah nanga en prakseri. Èn den ben kobroiki den owru vertaling disi fu meki na waarheid bekenti fu na toestand fu den dedewan, na matifasi a mindri Gado nanga en Manpikin, èn fu san-ede wan pikin ipi nomo e go na hemel. Sma di ben kisi den yoisti bodoi e sabi so srefi taki Yehovah Kotoigi e go doro fu kobroiki furu vertaling fu na beibri na ini na preikiwroko di den e du na a heri grontapu. Ma sensi 1961 den ben prisiri moro ete fu kobroiki na Nyun Grontapu Vertaling, nanga en poti abra fu wortu di de akruderi den moro nyun bodoi, di de finifini èn di sma kan leisi bun.

7. (a) Fu san-ede Yeises no ben sa erken furu sma di ben sa fruteri taki den e bribi na ini en? (b) Fu san-ede a de prenspari fu gi yesi na a rai na ini 1 Yohanes 4:1?

7 Yeises ben fruteri taki a no ben sa erken furu sma, di ben sa fruteri taki den e bribi na ini en. A ben erken taki den ben sa kan taki profeititori, yagi ogri-yeye puru, èn „du furu krakti wroko” na ini en nen. Toku a e meki sma kon sabi den sani disi leki wroko fu „kruktudu” (Mateyus 7:21-23). Fu san-ede? Bika den no e du na wani fu en hemel Tata èn no abi waarde na a sei fu Yehovah. Wroko di no de kowôn, srefi leki fa a gersi de wondru, na ini a ten disi ete kan komoto fu na moro bigi bidrigiman, Satan. Na apostru Yohanes, di ben skrifi en fosi algemeen brifi moro leki siksitenti yari baka na dede nanga opobaka fu Yeises, ben gi kresten sma na rai fu ’no bribi ibri taki di taki nanga yepi fu na yeye, ma tesi den taki di taki nanga yepi fu na yeye fu si efu den e komoto fu Gado’. Wi musu du a srefi sani. — 1 Yohanes 4:1.

Wroko di no e pai

8. Fa wi musu denki fu den wroko fu na skin?

8 Srefi efu wi no de bezig nanga wroko di abi takru froktu na yeye fasi, dan den wroko fu wi de sondro waarde efu den e tan poti den srefi na tapu den lostu fu na fadon skin. Na apostru Petrus ben taki taki wi ben kobroiki nofo ten kba fu du „a wani fu den nâsi . . . ini du fu yayolibi, lostu, hebi dringi fu win, nyan èn dringi psa marki, dringi partij nanga afkodrei di de kontrari na wèti” (1 Petrus 4:3, 4). A no de fu prakseri, taki disi no wani taki taki ala den sma di de now kresten di gi den srefi abra, ben teki prati na ini den sortu aktiviteit disi, ma a wani taki taki den maniri fu den wan di ben du so, ben sa musu kenki esi-esi di na si fa den e si sani na yeye fasi ben gro. Na grontapu sa skenpi den fu di den drai den libi; dati de fu fruwakti. Ma den musu kenki efu den wani tron loyaal wrokoman na ini na dienst fu Yehovah. — 1 Korente sma 6:9-11.

9. San wi e leri fu na Kotoigi di ben bigin fu stuka fu tron wan opera singi-uma?

9 Yehovah gi wi furu presenti di wi kan nyanbun fu den, poku fu eksenpre. Ma sensi ’na heri grontapu e didon na ini na makti fu na ogriwan’, Satan Didibri, dan na grontapu fu poku no ben sa de na ini? (1 Yohanes 5:19) Iya, poku kan de wan trapu di de wan finifini wan, so leki Sylvana ben kon si. A ben abi na okasi fu stuka na ini Fransikondre fu tron wan opera singi-uma. „Mi ben abi wan tranga angri ete fu dini Yehovah”, a e fruklari. „Mi ben prisiri na ini na yepi pionierwroko èn ben howpu fu moksi den tu sani disi na ini mi libi. Ma na fosi problema di mi ben kon tanapu na fesi na ini na waka na baka na wroko fu mi, ben de hurudu. Biginbigin den patna fu mi ben feni mi don te mi no ben moksi mi srefi ini den fisti taki èn eksenpre fu den. Bakaten, na takru kontren ben bigin fu meki mi no firi sani so esi moro, so taki mi ben bigin fu frudrage sani di Yehovah no wani si na ai. Wan fu den leriman fu mi ben tan gi mi tranga fu meki wan fasi fu anbegi fu na singi fu mi, èn mi ben kisi leri fu de kaksi na tapu na podium èn fu denki taki mi de moro hei leki ibriwan sma. Ala den sani disi ben meki taki mi no ben e firi switi. Te fu kba mi ben musu sreka gi wan spesrutu strei-singi. Mi ben begi na Yehovah fu meki a kon a krin gi mi sortu pasi mi ben musu go. Ala di mi ben singi bun èn ben firi seiker fu mi srefi, toku mi no ben de a mindri den wan di den ben frukisi. Baka ten mi ben kon sabi fu san-ede — na wan kibri fasi den ben bepaal kba langaten bifo na strei-singi suma ben o de na winiman. Ma mi ben abi wan krin piki na tapu mi begi èn mi ben teki a bosroiti fu libi na opera podium èn fu leri sma singi na oso.” Na sisa disi baka ten ben trow nanga wan owruman na ini wan kresten gemeente, pe now den ala tu e dini loyaal fu na bun fu den Kownukondre belang.

10. San yu e prakseri fu Yeises wortu na ini Yohanes 3:19-21?

10 Yeises ben taki: „A sma di e du tegu sani no wani si na leti na ai èn no e kon na a leti, fu den wroko fu en no kisi piri-ai”. Na a tra sei „a sma di e du san de tru e kon na a leti, fu en wroko kan de fu si leki wroko di ben du ini akruderi nanga Gado” (Yohanes 3:19-21). A de fu tru wan blesi fu wroko ini akruderi nanga Yehovah wani èn prakseri! Ma fu du disi nanga bun bakapisi, dan wi musu gi alaten pasi fu wi wroko kon ini wan finifini ondrosuku ini na leti fu Gado Wortu. Wi no de noiti tumusi owru èn a no de noiti tumusi lati fu kenki den libi fasi fu wi èn fu teki na kari fu teki na warti dienst fu Yehovah na wi tapu.

Du „bun wroko” na ini a ten disi

11. Na baka san furu sma e feti leki „bun wroko”, èn fu san-ede disi kan meki sma bruya?

11 Wroko di de warti fu du na ini a ten disi, musu sori na tranga fanowdu fu wi ten. Furu opregti sma e agri nanga disi èn e hori den srefi bezig nanga wroko di furutron sma e taki fu den leki „bun wroko”, di e du fu na bun fu na heri libisma famiri ini algemeen ofu fu wan spesrutu afersi. Ma fa na sortu wroko disi kan meki sma bruya! Na ini Ingrisikondre, CAFOD (wan katoliek fonsu fu yepi dorosei kondre fu gro kon moro betre) ben taki na ini wan rapport fu en wroko di a ben du fu frulekti angri: „Dri yari na baka . . . milyunmilyun pontu (Ingrisi moni) ben tyari kon makandra fu yepi tyari frulekti kon. Den ben puru dusundusun sma na dede. Now den libi dati de na ini kofar ete wan tron . . . Ma fu san-ede? San no ben waka bun?” Te na CAFOD Journal e go doro nanga en rapport a e fruklari taki den no ben fasi noiti den problema di ben o de fu wan langa pisiten èn taki „den sani di ben de tranga fanowdu fu yepi na libimakandra gro kon moro betre ben kobroiki fu poti faya gi na trobi [na borgru feti]”. Sondro degedege yu ben yere taki organisâsi di de fu du sma bun èn di ben teki prati na ini na srefi sortu wroko, ben tyari den sortu firi disi kon na fesi.

12. San na a wán enkri piki na tapu den problema di na grontapu e tanapu na fesi na ini a ten disi?

12 Angri na wan seryusu problema. Ma suma na den wan di e sori na tapu, taki den disiten saritori fu angri èn orloku de wan kontru fu na profeititori fu Yeises Krestes di e sori na tapu na kba fu na disiten seti fu sani? (Mateyus 24:3, 7). Suma ben skrifi fu den buweisi di e tai den sani disi di e psa na a rèi fu den fo asi-tyariman di den e fruteri so libilibi fu den na ini na beibribuku Openbaring, kapitri 6? Ala ten Yehovah Kotoigi ben du disi na wan loyaal fasi na ini na tijdschrift disi. Fu san-ede? Fu sori taki a e psa den krakti fu libisma fu tyari wan lusu kon di e tan. Disi no wani taki taki kresten sma no abi trobi nanga den problema fu grontapu. Fara fu dati. Den abi sari-ati èn sa du ala san den kan fu frulekti pina. Toku den e luku a tori leki fa sani de trutru, taki sondro na yepi fu Gado, den problema fu grontapu noiti sa lusu. Leki den pôti sma, na so srefi den problema disi sa tan so langa Satan kisi primisi fu tan de na tiriman fu na grontapu disi. — Markus 14:7; Yohanes 12:31.

Na wroko di abi na moro bigi waarde

13. San na a moro tranga fanowdu wroko na ini a ten disi, èn suma e du en?

13 Na moro tranga fanowdu na ini a ten disi de fu preiki na bun nyunsu taki na kownukondre fu Yehovah Gado heri-esi sa kon na a presi fu ala grontapu tirimakti èn tyari na frulekti kon di sma di e frede Gado e angri fu en (Daniel 2:44; Mateyus 24:14). Yeises Krestes ben meki na preiki fu na hemel kownukondre na moro prenspari marki na ini en libi, ala di na preiki disi ben de soso na ini na kondre Palestina. Na ini a ten disi na preiki disi e du na a heri grontapu, neleki fa Yeises ben taki a ben sa de (Yohanes 14:12; Tori fu den Apostru 1:8). Fu abi wan prati na ini Gado wroko, srefi wan pikinwan, na wan grani di no abi en speri. Man nanga uma, efu den owru ofu yongu, di wan dei noiti ben dren taki den ben o de preikiman fu na bun nyunsu, de na a fesi sei fu na evangeliumwroko di Yehovah Kotoigi e du na ini a ten disi. Leki Noa nanga en osofamiri den e du Gado wroko na wan loyaal fasi leki wan ordru fu En, èn fu dati-ede na ini En krakti, leki wan marki a fesi fu na kba fu na seti fu sani disi. — Filipi sma 4:13; Hebrew sma 11:7.

14. Fa na preikiwroko e frulusu sma libi èn na a srefi ten de wan sani di e kibri den?

14 Na kotoigi wroko di Yehovah Kotoigi e du na ini den lasti dei disi, e frulusu na libi fu den wan di e arki èn e du akruderi na bun nyunsu di den e yere (Rome sma 10:11-15). A de so srefi wan kibri gi den wan di e preiki. Fu di wi e abi opregti belangstelling fu yepi sma di abi moro bigi problema leki di fu wi srefi, dan seiker wi no sa broko wi ede tumusi furu nanga den problema di wi kande abi. Wi sabi taki na grontapu disi, nanga en markitiki di e kon moro lagi, ben sa wani wi fu fiti wi srefi na den pasi fu en. Sobun fu furu wi yeye nanga den prakseri fu Gado ini a ten fu wi preikiwroko de moro leki fu tranga wi bribi nomo; a de fu wi eigi bun. So leki wán Kotoigi ben taki en: „Efu mi no e pruberi fu kenki den sma di mi e miti, dan den ben kan kenki mi!” — Teki gersi 2 Petrus 2:7-9.

Wroko makandra nanga na gemeente

15. Sortu frantiwortu de na tapu den ondro-herder na ini a ten disi, èn fa man sma di de memre fu na gemeente musu firi ini a tori fu 1 Timoteyus 3:1?

15 Te sma di abi belangstelling nyunyun kon na a gemeente, dan den e kon na ondro na sorgu fu na Bigi Herder, Yehovah Gado, nanga en Tumusi Bun Herder, Yeises Krestes (Psalm 23:1; Yohanes 10:11). Loyaal ondro-herder fu na ipi, man di den ben poti na ini den gemeente, e teki presi dyaso na grontapu gi den hemel Herder disi (1 Petrus 5:2, 3). Fu abi so wan wroko na wan tumusi diri grani na ini den lasti dei disi. Na wroko fu den herder na wan prenspariwan èn a no de nomo fu teki fesi na ini na gi fu leri na ini na gemeente èn na ini na evangeliumwroko, ma so srefi fu kibri na ipi gi krasi busimeti na yeye fasi èn gi na sekiseki fu na loktu, di gersi wan bigi winti, fu na grontapu di wi e libi na ini. Gi man sma di de memre fu na gemeente yu no abi wan moro warti wroko di den ben kan suku fu kisi leki di fu yepi fu sorgu gi na yeye tanbun fu den memre fu na kresten gemeente di e gro dei fu dei. — 1 Timoteyus 3:1; teki gersi Yesaya 32:1, 2.

16. Na ini sortu fasi kresten herder e fiti ini makandra?

16 Ma wi noiti musu frigiti taki den sortu herder disi de libisma nanga difrenti sortu fasi èn fowtu leki na tra pisi fu na ipi. Ala di wan sma kan de tumusi bun na ini wan bepaalde pisi fu na herderwroko, toku den presenti fu wan trawan kan de fu na bun fu na gemeente na tapu wan tra kontren. Den wroko fu den leki kresten owruman e fiti ini makandra fu gi na gemeente tranga (1 Korente sma 12:4, 5). Noiti wan yeye fu strei musu kon a mindri den. Makandra den e wroko fu kibri den Kownukondre belang èn fu meki den go na fesi, ala di den „e opo loyaal anu” na ini begi go na Yehovah, fu suku en blesi nanga tiri na tapu ala den prakseri èn bosroiti fu den. — 1 Timoteyus 2:8.

17. (a) Sortu fruplekti wi abi? (b) Sortu sani wi musu wai pasi gi efu wi wani du wi fruplekti na wan fasi di fiti?

17 Na wroko fu preiki e kon de now moro tranga fanowdu ala di na kba fu na kondre fu Satan e kon krosibei. Fu di leki Yehovah Kotoigi wi abi na waarheid fu Gado Wortu, dan wi abi wan fruplekti fu panya na bun nyunsu na ibri okasi. Na wroko di wi abi fu du de moro leki nofo fu hori wi bezig te na a kba. Wi no musu gi wi srefi pasi noiti fu go na wan seipasi fu di wi e feti na baka den prisiri fu hurudu nanga tra skinlostu, ofu taki a lobi fu gudu beni wi go na ondro. Wi no musu teki prati na wan fasi fu denki di no de seiker, ofu na a strei fu wortu, bika disi kan de sondro bun bakapisi èn kan teki furu ten (2 Timoteyus 2:14; Titus 1:10; 3:9). Di den disipri ben aksi Yeises, „Masra, yu e meki na kownukondre kon bun baka gi Israèl ini disi ten?” Yeises ben poti na denki fu den na a prenspari wroko di ben musu du fu di a e taki: „Unu sa de kotoigi fu mi na ini Yerusalen èn na ini heri Yudea nanga Samaria èn te na den moro farawe kontren fu grontapu.” Na ordru dati langa en srefi go te na a ten disi. — Tori fu den Apostru 1:6-8.

18. Fu san-ede a e pai furu fu wroko makandra nanga Yehovah?

18 Fu wroko makandra nanga Yehovah, fu preiki nanga en gemeente di de na a heri grontapu na ini a ten disi, e tyari koloku, tevredefasi, nanga wan trutru marki kon na ini wi libi. A de wan okasi gi ibri sma di lobi Yehovah fu sori na gi di a e gi en srefi nanga loyaalfasi na Gado. Na wroko disi na ini en furu pisi noiti sa du agen. Nanga na fruwakti fu têgo libi di de krin na wi fesi, meki wi go doro na wan loyaal fasi fu ’du santa dienst gi Gado nanga frede èn respeki’, fu na prèise fu en èn fu wi eigi frulusu. — Hebrew sma 12:28.

San na yu piki?

◻ Fu sortu wroko Yeises ben kisi prisiri nanga satisfaksi?

◻ Sortu sma e gens Yehovah wroko, èn fu san-ede?

◻ Fa wi kan teki „bun wroko” fu a grontapu gersi nanga na preiki fu na bun nyunsu fu Gado kownukondre?

[Prenki na tapoe bladzijde 31]

Yeises ben gi en disipri na ordru fu go preiki

    Sranantongo buku (1978-2025)
    Log Out
    Log In
    • Sranantongo
    • Seni en gi wan sma
    • Settings
    • Copyright © 2025 Watch Tower Bible and Tract Society of Pennsylvania
    • Gebruiksvoorwaarden
    • Privacybeleid
    • Privacyinstellingen
    • JW.ORG
    • Log In
    Seni en gi wan sma