A ben wani jepi

TIFFANY, di abi erfoe jari, na wan skoropikin na Baton Rouge, Lousiana na Verenigde Staten foe Amerkankondre. No so langa pasa, a jongoe Kotoigi disi foe Jehovah, ben sreka wan opstel nanga a nen „Leri di e gi na Amerikankondre”. Leki wan bakapisi foe dati, a papa nanga mama foe en, di de Kotoigi, ben kisi a brifi disi foe na edeman foe a skoro:

„Na a wiki di nen: Leri di den e gi na Amerkankondre, den e leisi wan toemoesi moi opstel foe ibri klas nanga jepi foe mikrofon. Mi ben feni en wan prisiri foe gebroiki na opstel foe Tiffany a mamanten disi. A de troetroe wan toemoesi aparti jongoe oema. A de ini balansi, a abi froetrow ini ensrefi, a abi koni èn a abi switifasi foe handri nanga sma. Mi no ben si foeroe pikin foe a di foe siksi klas nanga someni foe den eigifasi disi. Tiffany na wan wini gi a skoro foe wi.”

Tiffany ben wini a fosi prijs ini a strei disi foe meki opstel. Baka dati a ben skrifi wan brifi gi a Waktitoren genootschap èn ben taki: „Kande mi ben wini a strei soso foe a boekoe ede, Jongoe sma e aksi — Piki di e wroko. . . . Mi ben gebroiki kapitel di e taki foe a kisi di sma e kisi leri. . . . Mi e taki oenoe grantangi srefisrefi foe a tjari di oenoe tjari a moi boekoe disi kon na doro, di sma kan gebroiki boen èn di abi foeroe sani na ini. Foe di na opstel foe mi wini, mi ben kisi seibi Amerkan dala. Mi e gi den 7 dala disi nanga 13 dala moro, san e kon tron 20 dala, leki bijdrage gi a preikiwroko na heri grontapoe. . . . Te mi kon bigi, mi howpoe toe taki mi kan gi misrefi foe wroko leki wan friwani wrokoman na Bethel.”