Na Alayari Konmakandra Tapu 2 Oktober 1999

NA ALAYARI KONMAKANDRA fu den memre fu a Watch Tower Bible and Tract Society of Pennsylvania sa hori tapu 2 oktober 1999, na a Kongreshal fu Yehovah Kotoigi, 2932 Kennedy Boulevard, Jersey City, New Jersey. Wan fosi konmakandra di de gi den memre wawan sa bigin 9.15 mamanten, èn baka dati na algemeen alayari konmakandra sa bigin 10.00 mamanten.

Den memre fu a Korporâsi musu taigi a Kantoro fu a Sekretarsi nownow efu a postadres fu den ben kenki na ini a yari di pasa, so taki den brifi di wi e seni fu meki a konmakandra bekènti nanga den volmacht dokumenti kan doro den na ini yuli.

Den volmacht di sa seni go na den memre makandra nanga a brifi fu meki na alayari konmakandra bekènti, musu seni kon baka so taki den kan doro a Kantoro fu a Sekretarsi fu a Genootschap no moro lati leki 1 augustus. Ibri memre musu skrifi èn seni en volmacht kon baka biten, èn a musu skrifi efu a sa de na a konmakandra, efu no. A bodoi di a sa gi fu a tori disi na tapu ibri volmacht musu skrifi krinkrin, fu di wi sa gebroiki en fu sabi suma sa de drape trutru.

Wi e fruwakti taki a heri programa, so srefi a formeel bisnis konmakandra nanga den verslag, sa kaba na 1.00 bakadina noso syatu na baka dati. Wan bakadina-programa no sa de. Fu di nofo presi no de, sma mag kon soso te den abi wan karta. Sani no sa seti fu tai na alayari konmakandra nanga yepi fu telefon go na tra zaal.