PIKI TAPU AKSI FU BIJBEL
Fu san ede sma e du ogri?
Suma ben du muiti fu meki Yesus du wan ogri sani?—Mateyus 4:8-10
Furu sma lobi freide, den no e bedrigi trawan, èn den e sori switifasi. Ma fu san ede someni ogri nanga kruka sani e pasa? Wi gwenti yere so furu takru nyunsu. Na wan sma e meki taki libisma e du ogri?—Leisi 1 Yohanes 5:19.
Gado ben meki libisma nanga a firi fu du ogri? Nôno, Gado meki libisma soleki fa a de èn den man sori lobi neleki en (Genesis 1:27; Yob 34:10). Ma Gado meki wi na so wan fasi taki wi man teki wi eigi bosroiti. Di Adam nanga Eva bosroiti fu trangayesi Gado, dan den sori taki den no ben wani teki na eksempre fu en èn den tron sondusma. Na so wi alamala tron sondusma.—Leisi Deuteronomium 32:4, 5.
Sma o tan du ogri fu ala ten?
Gado wani taki wi dwengi den firi di e meki taki wi go du ogri (Odo 27:11). Dati meki a e leri wi fu no du ogri sani èn a e sori wi fa wi kan de koloku trutru. Ma nownowde wi no man sori lobi soifri soleki fa Gado e du dati.—Leisi Psalm 32:8.
Aladi ogri lai nownowde Gado no e du noti ete fu puru en, fu di a wani taki ala sma si sortu takru bakapisi ogri tyari kon (2 Petrus 3:7-9). Ma heri esi a grontapu o furu nanga koloku sma di e gi yesi na Gado.—Leisi Psalm 37:9-11.