Waktitoren LIBRARY TAPU INTERNET
Waktitoren
LIBRARY TAPU INTERNET
Sranantongo
  • BIJBEL
  • BUKU
  • KONMAKANDRA
  • wp19 nr. 3 blz. 10-11
  • Dede no o de moro!

Felem no de na a pisi disi.

Sorry, wan sani no go bun di wi pruberi fu drai a felem.

  • Dede no o de moro!
  • A Waktitoren—A e taki fu Yehovah Kownukondre (Gi a preikiwroko) 2019
  • Edeprakseri
  • A srefi sortu tori
  • A PAI WAN LUSU-PAIMAN FU PURU DEDE NA PASI
  • O TEN DEDE NO O DE MORO?
  • San Yeyses dede wani taki gi yu?
    A Waktitoren—A e taki fu Yehovah Kownukondre 1990
  • A lusu-paiman na a moro bigi kado di Gado gi wi
    San Bijbel kan leri wi?
  • A loesoe-paiman foe Krestes — Gado pasi foe kisi froeloesoe
    A Waktitoren—A e taki fu Yehovah Kownukondre 1999
  • San Gado doe foe froeloesoe a libisma famiri
    Sabi di e tjari joe go na têgo libi
Moro sani
A Waktitoren—A e taki fu Yehovah Kownukondre (Gi a preikiwroko) 2019
wp19 nr. 3 blz. 10-11
Yesus; Yesus e anga na a pinapostu na mindri tu ogriman

Dede no o de moro!

ALADI wi alamala kisi sondu nanga dede fu di wi fosi papa nanga mama, Adam nanga Eva, ben trangayesi Gado, toku Gado no kenki san a ben abi na prakseri gi libisma. Na ini Bijbel Gado e taki ibri tron baka dati en prakseri no kenki.

  • „Na den reti-ati sma o kisi grontapu èn fu têgo den o tan libi drape.”​—Psalm 37:29.

  • „A Moro Hei Masra Yehovah o swari dede fu têgo èn a o figi den watra-ai fu ala sma puru na den fesi.”​—Yesaya 25:8.

  • „Dede na a lasti feanti di a o puru na pasi.”​—1 Korentesma 15:26.

  • „Dede no o de moro. Nowan sari, noso krei, noso pen no o de moro.”​—Openbaring 21:4.

Fa Gado o „swari dede”, so taki a feanti dede no de moro? Soleki fa wi si, dan Bijbel e taki krin taki „den reti-ati sma” o libi „fu têgo”. Ma Bijbel e taki tu dati „nowan reti-ati sma no de na grontapu, di e du bun ala ten” (Preikiman 7:20). Ma dan fa Gado o tyari wan kaba kon na dede? A de so taki Gado no o fruwakti moro taki sondu libisma hori den wet fu en? Nôno! Noiti Gado o gi pasi taki a sani dati pasa, fu di ’Gado no man lei’ (Titus 1:2). Ma fa Gado o du san a ben abi na prakseri gi libisma?

GADO „O SWARI DEDE FU TÊGO”.​—YESAYA 25:8

A PAI WAN LUSU-PAIMAN FU PURU DEDE NA PASI

Fu di Yehovah Gado lobi libisma, meki a pai wan lusu-paiman fu man frulusu wi fu dede. Wan lusu-paiman na wan sani di sma e pai fu bai wan sani baka. A musu abi a srefi waarde leki a sani di musu bai baka. Fu di ala libisma na sondu sma di musu kisi dedestrafu, meki Bijbel e taki krin: „Nowan fu den kan frulusu wan tra sma, awinsi san den e du èn den no man pai Gado fu bai a sma disi kon fri. (A paiman di musu pai fu bai wan sma baka, hei so te, taki noiti wan libisma o man pai en.)”​—Psalm 49:7, 8.

Te wan sondu sma dede, dan a kan pai soso gi en eigi sondu. A no kan frulusu ensrefi èn a no kan pai tu gi den sondu fu wan tra sma (Romesma 6:7). Dati meki wan sma di no abi sondu ben o abi fu dede gi den sondu fu wi.​—Hebrewsma 10:1-4.

Na a sani dati Gado seti. A seni en Manpikin, Yesus, fu hemel kon na grontapu pe a gebore leki wan libisma di no abi nowan sondu (1 Petrus 2:22). Yesus ben taki dati a kon fu „gi en libi leki wan lusu-paiman fu frulusu furu sma” (Markus 10:45). A dede fu pai gi den sondu fu wi so taki wi kan kisi libi.​—Yohanes 3:16.

O TEN DEDE NO O DE MORO?

Now wi e libi na ini ’muilek ten di tranga fu pasa’, soleki fa Bijbel profeititori ben taki. Disi e sori taki wi e libi na ini den „lasti dei” fu na ogri grontapu disi (2 Timoteyus 3:1). Na a kaba fu den lasti dei, ’Gado o krutu den ogri sma èn a o pori den’ (2 Petrus 3:3, 7). Ma sma di lobi Gado o pasa den dei dati libilibi èn den o kisi „têgo libi”.​—Mateyus 25:46.

Yonguwan, owruwan nanga sma fu difrenti ras

Yesus kon fu „gi en libi leki wan lusu-paiman fu frulusu furu sma”.​—Markus 10:45

Milyunmilyun tra sma di dede kan kisi têgo libi te Gado wiki den baka. Di Yesus ben go na a foto Nain, dan a wiki wan sma di ben dede. Wan uma di no ben abi masra moro, ben lasi en wan-enkri manpikin. Fu di Yesus ben e „firi sari”, meki a wiki a manpikin so taki a ben kan libi baka (Lukas 7:11-15). Boiti dati, na apostel Paulus ben taki: „Mi abi a howpu taki Gado sa gi wan opobaka na den sma di du san reti èn na den sma di no du san reti.” A moi howpu disi di Gado gi wi e sori krin taki a lobi libisma.​—Tori fu den apostel 24:15.

Milyunmilyun sma kan abi a howpu fu libi fu têgo. Bijbel e taki: „Na den reti-ati sma o kisi grontapu èn fu têgo den o tan libi drape” (Psalm 37:29). Na a ten dati, den o de koloku trutru fu di den o ondrofeni a moi sani disi di na apostel Paulus ben skrifi sowan 2000 yari pasa: „Dede, yu no o wini moro! Dede, pe yu maka de?” (1 Korentesma 15:55) Dede, a moro bigi feanti fu wi, no o de moro!

    Sranantongo buku (1978-2025)
    Log Out
    Log In
    • Sranantongo
    • Seni en gi wan sma
    • Settings
    • Copyright © 2025 Watch Tower Bible and Tract Society of Pennsylvania
    • Gebruiksvoorwaarden
    • Privacybeleid
    • Privacyinstellingen
    • JW.ORG
    • Log In
    Seni en gi wan sma