Gebroiki wi ten na wan koni fasi
1 Ten de gi ibri kristen wan toemsi warti sani. Fa joe e gebroiki joe ten? Ini februari nanga maart a sa gi wi prisiri foe poti alaten ten na wan sé foe teki prati na a oso na oso diniwroko èn foe presteri a toemsi moi njoen Tégo libi-boekoe foe Sf 5,00. Neleki moni, ten kan vermorsoe, ia lasi gwe, ma tapoe wan koni fasi sosrefi toe wi kan gebroiki en. Na lobi foe wi gi Jehovah, Jezus Kristus nanga tra sma na wi sé moe poesoe wi leki kristen foe gebroiki wi ten na wan koni fasi, ia, ’foe bai na joisti ten’. — Ef. 5:16.
2 Foe di wan kristen e doe disi meki na libifasi foe en e kenki krinkrin foe na libifasi di sma di lobi na owroe seti foe sani e abi. Paulus ben taki a fesi dati den sma ini den laatste dé ben sa abi „lobi gi prisiri”, èn fa disi de wan troe sani! (2 Tim. 3:4) Moro foeroe sma e gebroiki ibri wiki foeroe joeroe soso na a loekoe foe tv ofoe foe go na kino. Trawan e de bezig nanga sport, pré video, meki vakansireis psa marki, pokoe nanga hobby, alamala sani di kan teki foeroe ten.
Jeje sani tapoe na fosi presi
3 Disi wani taki dati wan kristen no mag abi gesontoe ontspanning? Kwetkweti! Srefi Jezus ben abi prisiri ini fesa njanjan èn spesroetoe njanjan tafra. Èn sosrefi toe a ben teki ten foe abi fanowdoe rostoe. Ma Jezus no ben meki njanjan, dringi ofoe persoonlek prisiri de a moro prenspari sani ini en libi. Na presi foe dati a ben abi prisiri ini a doe foe en Tata wani (Joh. 4:34). A ben warskow wi dati prisiri na skinfasi foe a libi no moe abi na fosi presi a fesi Jehovah dienst (Luk. 21:34; Matt. 6:31-33). Soboen wi e doe boen foe waka baka na eksempre foe Jezus te wi e gebroiki wi ten na wan koni fasi.
4 Foe kan jepi oenoe foe si winimarki ini disi, a boen foe loekoe ten leki wan diri goedoe di moe gebroiki na wan konifasi. Wi no moe gebroiki ten tapoe wan gridifasi soso foe wi égi prisiri. Na presi foe dati wi moe go doro foe „bai na ten” èn foe de druk bezig foe teki prati na a activiteit foe na gemeente ini a tori foe na préki èn a meki foe discipel. — 1 Kor. 15:58.
5 Wan toe praktis sani de di wi kan doe foe gebroiki wi ten na wan koni fasi. Wan rai de foe abi wan rédelek èn praktis schema foe activiteit. Ala di na schema disi wanwantron sa gi na okasi foe abi ontspanning, den jeje afersi moe de na loktoe, makandra nanga a fisiti foe ala gemeente komakandra, na teki prati alaten na den velddienst èn na teki foe ten foe abi persoonlek bijbelstudie foe waka gelijk nanga na waarheid. Na njoen kalender sa de wan jepi gi joe foe seti na ten foe joe.
6 A no de foe taki, dati papa nanga mama abi na extra frantwortoe foe jepi den pikin foe de actief na jejefasi. Den kan feni en wan boen sani foe datede foe go sidon rustig foe meki wan redelek schema gi theocratis activiteit gi na heri osofamiri nanga foe den égi persoonlek schema leki kristen papa nanga mama. Na so fasi, den e sori dati den abi belangstelling ini na tanboen foe den pikin foe den èn ini na fasi di den e gebroiki na ten foe den na wan koni fasi. — Ef. 6:4.
7 Nofotron a de wan boen sani dati wi poti ini a tori foe wi velddienst persoonlek marki na wi fesi. Den marki disi moe de redelek èn den moe de dati wi kan doro den. Wi kan teki a besroiti foe gi wan bepaald nomroe joeroe ibri moen ini a velddienst. Efoe wi sa wroko go troetroe na a marki dati, dan a no sa psa foeroe tron dati wi misi foe doro a marki èn kande wi psa en srefi nofotron. Foeroe sma ben si dati na jepi- ofoe gewone pionierdienst de wan redelek marki.
8 Wan marki di de foe prijse de foe feti baka na kon moro boen foe na kwaliteit foe joe dienst. Joe kan prakseri maniri di kan meki joe gebroiki na ten di joe e gi na a diniwroko moro boen? Foe eksempre joe ben kan meki na koni foe leri sma na den doro kon moro boen te joe e gebroiki moro boen inleiding? (Loekoe presteri na boen njoensoe.) Joe ben sa wani kon de moro boen ini na hori foe bijbelstudie ofoe ini a fasi fa joe e tjari sma di abi belangstelling go na Jehovah Wortoe èn en organisatie. Te joe poti prakseri na disi, dan troetroe joe kan gebroiki na ten di joe e gi na a dienst tapoe wan koni fasi.
9 San kan doe efoe joe e miti pikinso sma na oso? Foe san-ede joe no ben sa kan proberi foe go moro biten ofoe moro lati ini a dé ofoe tapoe wan tra dé? Son prékiman ben si foeroe winimarki foe di den go fisiti den sma na bakadina ofoe mofo neti. Foeroe tron foeroe sma e sidon dan foe teki bro pikinso foe na weri di den weri foe na dé èn den de klari foe bigin nanga wan takimakandra. A son no hati moro toe èn alape kowroe. Na a fasi dati joe e gebroiki na ten moro boen èn a dienst sa gi joe moro prisiri.
10 A boen foe prakseri dati a ten foe wi de wan wondroe goedoe di Jehovah ben gi wi. Meki wi gebroiki a ten disi alaten na wan konifasi no tapoe wan gridifasi. Loekoe gi joesrefi fa joe kan tjari kenki kon ini na fasi fa joe e gebroiki joe ten spesroetoe na ten di joe e poti na sé gi jeje activiteit. Go doro foe waka „no leki don sma, ma leki koni sma”, foe di „joe e bai na joisti ten” ini den laatste dé disi foe na owroe seti foe sani disi foe Satan. — Ef. 5:15, 16.