Poti prakseri bun na tapu na orga di yu musu orga yu srefi
1 „Efu yu wani klari wan wroko, gi en dan na wan sma di abi en druk.” A prakseri na baka na odo disi de taki wan sma di abi en druk leki fa a gwenti e orga en srefi bun èn fu dati-ede kan du moro. Wi alamala abi ibri dey 24 yuru fu kobroyki. Efu wi e frumorsu a ten dati ofu e kobroyki en na wan frustan fasi e anga furu tron fu fa wi e orga wi srefi.
2 Ala ten ’furu de fu du na ini a wroko fu Masra’ (1 Kor. 15:58). Wi abi den komakandra di wi e fisiti èn na velddienst pe wi abi wan prati na ini. Ma na dati wan sreka e go na fesi. Nanga tra wortu, wi musu gi na ten na stuka, so taki wi kan de tumusi bun ini a meki fu disipel èn kan gi trawan deki-ati „fu sori lobi èn du tumusi bun wroko”, so leki den ben gi wi a komando (Matt. 28:19; Hebr. 10:24). Den gewoon sani fu a libi, so leki grontapu wroko, a du fu boskopu, fu nyan, a krin fu sani, go na rèys, go na skoro nanga sribi, abi alamala den presi. So srefi tu pikin ten kan go na ontspanning. Hori ala sani na a yoysti presi na wan tyalansi, di wi musu kakafutu gi. Fa disi kan du?
LUKU SAN MUSU KON NA A FOSI PRESI
3 Yeyses ben taki: „Tan suku na kownukondre nanga en regtvaardikifasi èn ala den tra sani disi den sa gi yu a tapu” (Matt. 6:33). A de krin taki, te a e go fu kobroyki fu wi ten, den Kownukondre-afersi musu kon na a moro fosi presi. Efu wi ben sa musu prati wi ten so leki wi e meki wan begroting gi wi moni, dan den yuru di wi e poti na wan sey gi kresten konmakandra, osofamiri beybristuka nanga teyokrasiya wroko leki na velddienst nanga stuka nanga wi srefi, no ben sa kobroyki fu feti a baka tra afersi.
4 Na ini ibri seti fu yu ten yu musu teki poti den fanowdu sani fu na libi. Sma e poti ten na wan sey fu a du fu grontapu wroko fu sorgu en srefi nanga en osofamiri. Nyan nanga sribi so bun leki na poti fu yu prakseri na den fanowdu fu na osofamiri di wan sma abi, musu teki poti na ini. Hey na tapu na a lijst fu owruman nanga dinari ini na diniwroko fu san musu kon na a fosi presi, na ten tanapu di den e gi fu sreka den srefi a tapu teyokrasiya frantiwortu èn fu sorgu fu dati. Fu san-ede yu no ben sa go sdon fu seti yu ten a tapu papira èn luku efu sani de, di no de fanowdu èn di de moro hey leki de fanowdu tapu na lijst fu san e kon tapu a fosi presi?
ORI WAN SOYFRI AY
5 Di Yeyses ben taki fu a wroko fu den bakaman fu en a ben taki: „Te yu ay de soyfri, dan yu heri skin sa de leri.” (Matt. 6:22). San ben sa de ini a tori dyaso? Te yu luku en bun, a wani taki a sma musu ori en libi eenvoudig. Furu sani di kan puru wan sma prakseri èn di kan fufuru a ten fu en. Telefisi na wan fu den. Ini son oso na telefisi e leti mamanten èn e tan na heri dey. Wan sma kande e go sdon fu luku wan syatu programa, ma dan a e kon si taki ten di bigin bigin a ben abi na prakseri fu stuka nanga en srefi ofu gi osofamiristuka, sondro fu a sabi e psa ala di a e tan luku tra programa. O makriki a de fu lasi wan heri neti ala di noti e du di e pay! Furu sma no sabi oten den musu kiri a telefisi. Efu yu abi na problema disi dan yu e bosroyti kande taki a de a moro bun sani fu no leti a telefisi. So srefi hobby, di de gi son sma ontspanning, kan abi na bakapisi taki ten e puru di ben poti na wan sey gi moro prenspari afersi.
6 A teki prati na sport activiteit, a go fisiti fu sport ofu a luku na den na tapu telefisi kan swari diri ten. Trowmasra, trow-uma nanga pikin e du bun fu luku na tapu taki sani no fufuru den ten di den ben sa kobroyki fu stuka ofu fu de nanga makandra. Wi alamala musu luku bun fu no meki wi libi kon dangra nanga a du fu sani psa marki tapu na kontren fu sportu ofu ontspanning.
7 Wan seryusu problema kan du kon te wi e gi pasi taki grontapu wroko e teki a ten di musu go na moro prenspari sani. Son sma e si kande taki grontapu wroko abi so wan makti a den tapu ofu sabi so wan belangstelling ini den wini na monisey di de na den fesi, taki den no abi moro langa presi na ini den ten di den poti gi konmakandra, gi na velddienst ofu gi na yeyefasi fu den osofamiri (Ef. 5:15, 16). A bun fu aksi wi srefi: Suma na a sma di trutru ben sa feni en bun taki mi seri ten, di mi ben gi abra kba na a anbegi fu Yehovah na grontapu afersi?
MANIRI FU KOBROYKI TEN TUMUSI BUN
8 Fu orga na libi na so wan fasi taki a ten e kobroyki na a moro tumusi bun fasi, e aksi na abi fu yeye marki di wan sma wani doro èn wan tu warti sani di de krin fu si. Disi na a sroto fu si san musu kon ala dey na a fosi presi. No draydray. Efu yu poti ten na wan sey fu du wan seyker wroko, kobroyki dati dan gi san yu ben abi na prakseri. Poti ten di skotu gi yusrefi. Feti a baka fu gi ten bun langa na fesi na a stuka fu seyker materiaal, fu kobroyki te fu kba na ini na velddienst ofu na tapu konmakandra. Du a srefi ini a tori fu ala dey wroko ini nanga lontu na oso.
9 Ufen yu srefi na ini a meki kobroyki fu ten di toku ben sa go lasi. Efu fu eksempre yu musu wakti tapu trawan, kobroyki na ten dati dan bun fu di yu e leysi, e skrifi brifi ofu fu di yu e kba na wan ofu tra fanowdu wroko. Efu yu e wakti na wan presi ini wan rèy, yu kan bigin kande wan takimakandra di sa opo a pasi fu preyki. Ete wan sani di de fanowdu gi ala sma, na fu aksi nofo rostu nanga ontspanning fu tan gesontu èn de na ay. Disi sa yepi yu fu du yu wroko moro bun. Siki di de na bakapisi fu wan mankeri fu rostu ofu sribi di de fanowdu kan tapu pasi gi yu fu poti yoysti prakseri na tapu sani di de fu bigi belang ini a libi.
MEKI MA ORGA DI YU ORGA YU SREFI KON MORO BUN
10 Ini na bisnis grontapu furu ten nanga muyti e gi soso kba na a denki fa sma kan du wan bepaalde wroko. Wan bun bisnis man e feni taki a e tyari wini kon fu orga wroko man nanga materiaal bifosi wan bepaalde produkt e meki. A e frustan taki efu den fanowdu wrokoman nanga materiaal no de fu kisi na a ten èn presi pe den de fanowdu, taki furu ten nanga moni kan go lasi èn taki a no sa kisi wini. Ma wi abi moro hey buweygi fu ati fu orga wi srefi. Disi abi na ini en a winsi fu wi fu kibri wan tumusi bun matifasi nanga Yehovah, fu de tumusi bun ini a meki fu disipel, èn fu doro na marki fu tego libi. Fu dati-ede a de fanowdu fu wi de seyker taki na a yoysti ten wi abi den yoysti wrokosani.
11 Ibri wiki wi abi fu eksempre feyfi gemeente konmakandra. A materiaal gi de konmakandra disi abi den gron ini difrenti buku di no de a srefi. Den buku disi de fu teki wan tron? Na Wachttoren-uitgave di wi e stuka a wiki dati, poti aparti, ofu ten e gi na en fu suku disi? En fa a de nanga tra buku nanga papira di de fanowdu, so leki Wi Kownukondredienst, a singi buku, wan beybri nanga na buku di wi e stuka na tapu na gemeente bukustuka? A de bun fu wi abi wan fasti presi gi den sani disi èn fu kibri den drape te den no e kobroyki. Na a fasi dati wi kan feni yoysti buku esi-esi te wi e sreka wi srefi tapu na velddienst ofu den konmakandra.
12 Spesrutu den owruman nanga dinari na ini na diniwroko musu prakseri fa de orga den srefi. Nanga so furu sani fu du, na ini a tori fu grontapu wroko, èn so srefi tu a gemeente, dan de „moro prenspari sani” kan frigiti ofu poti go na wan sey (Fil. 1:10). Meki kobroyki fu na ray fu wroko nanga wan lijst fu sani di e kon na a fosi presi, kan de trutru wa bun sani. Yu pruberi disi? Wan brada abi so wan lijst èn e luku disi bifo ibri konmakanda. Na a fasi dati a e du furu èn kan sorgu taki a fanowdu wroko du ini a gemeente.
13 Owruman musu abi wan bun sistema fu ori brifi fu a gemeente. Son tron papirawroko kan meki bruya kon èn kan tapu sani efu a no orga yoysti. Fu dati-ede a de bun fu teki doronomo wan tu minuut fu puru den papira di musu kibri ofu di musu gi na wan tra sma, èn di kan trowe. Efu yu abi brifi na yu di musu waka lontu psa na den tra owruman, sorgu dan taki yu psa den go esi-esi. Te yu abi wan fasti presi na ini yu akte tas ofu kande fu di yu e poti brifi na ini wan aparti envelop ofu map, dan disi kan yepi yu fu ori ay tapu brifi nanga tra materiaal di abi prakseri fanowdu. Na a fasi dati prenspari papira ofu brifi no sa go lasi ofu tan na baka.
ORGA — WAN SRAFU, NO WAN MEYSTRI
14 Baka te yu luku fa yu seti yu ten luku dan omeni moro yu musu orga yu srefi. Wi no wani tron fanatiek sma di orga so bun dorodoro èn orga wi libi tumusi psa marki na so wan fasi taki pasi no de moro gi variatie. Prakseri taki wi alamala de aparti sma èn taki ibri wan abi en eygi situwasi. Son wan fu wi no abi wefi ofu masra, trawan trow. San e waka bun na a wan osofamiri, kande no e waka bun na a trawan. Te wi e orga wi srefi, dan wi musu ori wi eygi situwasi nanga di fu na osofamiri na prakseri. Handri nanga koni fu man si sani èn de plooibaar ini akruderi nanga den beybri gronprakseri di sa dini fu tiri yu na ini a seti fu ten di abi wan bun bakapisi. Na Wachttoren fu 15 september 1988, blz. 28-30; Ontwaakt! fu 8 december 1987, blz. 24-27; Ontwaakt! fu 8 april 1966, blz. 9-12.
15 A meki kon eenvoudig fu sani ini den yari no so langa psa kba, fu di Yehovah grontapu organisasi dray moro bun èn doro moro bigi marki. Wan tu sma kande abi na denki taki den abi fasi di den kan wroko moro betre nanga den. Den ben sa wani anga ala prisiri taki a Genootschap ben sa gi trawan deki-ati fu kobroyki den sortu fasi dati, ma furu tron disi na fasi di wi luku kba èn di poti a wan sey fu di na ini a tori fu orga den no bun gi na praktijk. A de fu dati-ede wan koni sani, fu ini a belang fu na wanfasi nanga fu sani waka akruderi na marki, fu waka baka den methode di na organisasi ben feni bun, èn meki boyti fu dati kobroyki fu fasi nanga methode di trawan, di yu wroko kande abi krakti tapu den, e frustan èn e kobroyki.
16 Yehovah na wan Gado fu orde nanga vrede (1 Kor. 14:33, 40). A abi fasi ten fu du en wani nanga prakseri (Tori. 1:7). Nanga yepi fu en wortu a puru kon na krin na wan lobi fasi, gi san wi leki sma di no bun dorodoro musu abi belangstellig gi. nanga yepi fu na tiri fu Yeyses Krestes, via na „kotrow èn koni srafu”, Yehovah e sorgu fu bun instruktie fu fa wi musu du a prenspari wroko di e du na ini a ten disi (Matt. 24:45-47; 28:19, 20; Preyk. 12:13). Te wi e waka so bun baka den beybri frumane ini den buku fu a Genootschap, makandra nanga dan yepi fu memre sani di na a reti ten e puru kon na krin na ini na inlegvel disi, dan wi kan kon orga wi srefi moro betre fu du wi diniwroko dorodoro. — 2 Timoteus 4:5.