Joe e gebroiki na kalender foe 1983?
1 Oten na kalender ben feni uit? Langa bifo libisma ben kon na grontapoe! „Moro fara Gado taki: ’Dati hemel leti moe kon na ini na fermamenti foe hemel foe tjari prati kon na mindri na dé nanga neti; èn den moe dini leki marki èn foe na kon sabi foe pisi ten foe dé èn jari’” (Gen. 1:14). Ija, soleki Jehovah srefi e meki gebroiki foe wan ten schema foe sani di psa, na so a meki a kan gi libisma foe doe a srefi.
WAN JEPI FOE MEKI NA VELDDIENST KON MORO BOEN
2 Na Genootschap ben gi wi wan moi kalender foe 1983. Joe e gebroiki dati foe meki wan schema foe joe activiteit? Na kalender kan jepi joe foe doro joe persoonlek marki ini na tori foe na velddienst foe moen go miti moen, na presi dati joe libi en gi na toeval abra. Na rai ben gi foe gebroiki wan toe minuut kande na a laatste osofamiri studie foe a moen te alamala de nanga makandra foe meki wan plan foe den velddienst activiteit foe na moen di e kon. Den dé èn srefi den joeroe di ibriwan sma abi na prakseri kan poti a wan sé èn kan skrifi nanga potlood tapoe na kalender. Sowan schema ben sa kan jepi joe foe doe moro ini na velddienst leki joe e doe na a momenti disi?
3 Efoe joe e go denki foe na tori disi, joe no e feni sosrefi toe taki den joeroe di e gi na a préki- èn leriwroko, de den moro diri joeroe foe na moen? A no de so dati tra activiteit moe fiti densrefi lontoe den ten dati di speciaal ben gi na a dienst foe Jehovah? Den moe teki a presi foe wan prenspari pisi foe wi santa dienst, wi ala moen ofrandi foe prijse en. „Gi ala sani wan faste ten de . . . wan ten foe tan tiri èn wan ten foe taki” (Prék. 3:1, 7). Srefi mendri prenspari sani wi no e libi na a toeval abra, soboen wi moe abi wan planning, wan schema gi na „ten foe taki” foe Jehovah, en Manpikin èn en Kownoekondre. A no de foe taki dati na tapoe ibri boen momenti wi moe taki foe den sani disi, ma a de go now foe a tori dati wi e gi rai foe poti ten a wan sé akroederi wan schema foe na prékiwroko na publiki. Wan boen schema sa jepi wi foe doe den sani san David ben taki na fesi foe den wortoe di e kon now: „Foe na glorifasi foe joe kownoekondre den sa taki, èn foe joe makti den sa ferteri.” — Ps. 145:11
TRA MOGELEKHEID DI KAN GEBROIKI
4 Fa wi kan gebroiki na kalender moro ete? Wi kan skrifi na tapoe soleki na datum foe na kringkomakandra èn foe na districtcongres èn ook toe na datum foe na fosi fisiti foe na kring-opziener di e kon. Nanga den sani disi ini prakseri wan sma kan meki plan ini a tori foe fakansi ten èn moen foe na jepi pionierdienst. Na a fasi disi wi no sa meki a fowtoe foe poti mendri prenspari sani a tapoe wi schema di kan de leki wan spaak ini na wiel. Te wi e meki wan boen gebroiki foe na kalender, dan dati kan jepi wi „foe go doro foe waka na ini na srefi orde fasi”. — Fil. 3:16.
5 Na ala wiki schema foe a lési foe bijbel druk na tapoe joe kalender. Sonwan e skrifi wan faste ten foe lési ala wiki, èn den e hori densrefi na dati. Na psalmsingiman e tjari a prakseri kon na fesi foe lési ala dé ini na bijbel. — Ps. 1:2.
ÈN DEN PRENKI
6 Joe ben teki ten foe go prakseri dipi foe den moi tafereel dati? Den no e gi joe na firi foe wan internationaal bradafasi? Den e meki joe denki foe wan wanfasi di no abi en speri èn di de ini Jehovah organisaatsi ala di wi alamala na a heri grontapoe e doe na srefi wroko! Joe abi pikinnengre? San joe ben sa kan leri den foe Jehovah organisaatsi èn a wroko foe wi nanga jepi foe den prenki? Nanga a jepi foe joe den toe kan go meki wan beeld foe na bigi grontapoe wroko foe wi èn bradafasi ini den prakseri.
7 Joe ben prakseri foe gebroiki den prenki leki fundamenti foe gi okasi préki? Te famirman, birti, seriman ofoe tra sma kon na joe oso, joe ben kan poti den prakseri na tapoe den prenki èn kande wan takimakandra kan kon foe na waarheid. Kande den ben kon na a froestan dati wi de troetroe wan Genootschap foe sma di e prijse wi Gado internationaal.
8 Ija, a kalender foe wi foe 1983 na someni fasi a kan gebroiki. A no e jepi joe foe froestan moro boen na jaritekst? Joe ben gebroiki na kalender foe memre joe na mofo di meki foe go-baka ofoe foe a tjari foe spesroetoe fisiti na sma di abi belangstelling di joe ben miti ini joe gebied? Joe e skrifi den joeroe èn den minuut di joe ben gebroiki ini na dienst, sodati na moenbericht foe joe sa de soifri? Èn kande joe e feni ete tra theocratisch mogelekheid foe na kalender.
9 Joe anga na kalender na joe oso na wan presi di fiti? Drape pe na osofamiri kan njan moro boen foe en? Leki wan aladé memre foe den jeje-afersi na kalender sa jepi wi alamala foe libi wan ordelek libi. Jehovah de na bigi Gado foe orde (1 Kor. 14:33). A wani dati wi „doe ala sani boen èn volgens orde” (1 Kor. 14:40). Na moi kalender foe wi foe 1983 kan jepi wi nanga dati.