A kalender fu 2011 e poti prakseri na a Osofamiri Anbegi

A thema fu a Kalender van Jehovah’s Getuigen 2011, abi fu du nanga na Osofamiri Anbegi. A kalender e sori osofamiri fu a ten disi èn osofamiri fu Bijbel ten. A e sori sosrefi fa trowpaar nanga futuboi fu Yehovah di no trow, e studeri en Wortu.

Den sma fu Bijbel ten di de fu si tapu a kalender, ben lobi den wet fu Yehovah èn dati ben de wan tumusi prenspari sani di yepi den fu horidoro na ini den muilek situwâsi di den ben de na ini (Ps. 1:2, 3). Te wi e luku ibri prenki tapu a kalender finifini, dan dati o memre wi taki a prenspari fu hori na Osofamiri Anbegi. Dati de so, awansi wi na memre fu wan bigi osofamiri noso wan pikin osofamiri, awansi ala den memre fu wi osofamiri e dini Yehovah, noso wan tu memre nomo e du dati. Tapu a kalender yu kan skrifi sortu dei yu osofamiri poti fu hori na Osofamiri Anbegi. Yu skrifi dati kaba tapu a kalender?