Wan nyun sani fu na kalender fu 1989
1 Siksi yari langa wi ben nyan bun fu kalender nanga moi kloru prenki fu wi brada nanga sisa di e gi kotoigi na ini difrenti kondre. Tapu na yari di e kon wi sa abi wan nyun sortu kalender, di tapu wan tra fasi wi kan nyan bun fu en.
2 Na kalender fu Yehovah Kotoigi 1989 sa abi wan lo moi kloru fowtow fu presi na ini na Pramisi Kondre. Na ondro ibri bigi prenki wan tumsi moi kommentaar sa de san wi e si tapu a fowtow. Ooktu finifini bodoi sa de fu bijbelsani di psa drape ofu wortu di e meki wi si fu san-ede na presi de prenspari gi wi leki enthousiast studenti fu na Wortu fu Gado.
3 A no de fu taki dati na kalender sa hori den bun marki di wi warderi so langa kaba soleki na schema fu na bijbelleisi. Ma a kande seiker yu sa feni nyun pasi fu meki gebroiki fu en fu na bigi èn krin prenki ede fu na Pramisi Kondre. Gi januari-februari fu eksempre wan loktu fowtow fu Megiddo sa de, di yu ben sa kan gebroiki tapu wan bijbelstudie fu ferklari san Armageddon wani taki. Den prenki sa yepi wi fu poti moro bun den bijbeltori na wi fesi èn sobun papa nanga mama seiker sa kan gebroiki den te den e taki fu bijbeltori nanga den pikin fu den.
4 Den fowtow nanga kommentaar sa abi wan nomru so dati yu kan feni wan aparti sani makriki te ini a ten fu wan komakandra onderdeel yu e taki fu wan bijbeltori. Wantu sma kande wani teki wan ekstra kalender èn poti den prenki na ini wan lijst ofu ini wan banti fu kan gebroiki den alaten. Den prenki disi sa de wan warti sani gi yu theokratis bibliotheek. Hori disi grantangi ini prakseri te yu e du yu bestelling.