Gi kotoigi foe na waarheid
1 Jehovah de „na Gado foe waarheid” (Ps. 31:5). En Wortoe nanga en wet na waarheid. Na Psalmskrifiman ben begi: „Meki mi waka na ini joe waarheid èn leri mi, bikasi joe na mi Gado foe jepi” (Ps. 25:5). Fa a grontapoe ben sa loekoe trafasi efoe alasma ben e taki waarheid èn ben e waka na ini waarheid! No wan sma ben e go abi takroe prakseri foe en trowpatna ofoe aksi ensrefi na wan bakabakafasi efoe son bisnis afersi e tjari kon eerlek na fesi. Kroetoebangi no ben sa abi so wan bigi wroko foe bepaal soema e taki waarheid.
2 A de wan toemsi bigi afersi spesroetoe gi oen alamala dati wi sabi na waarheid foe Gado wortoe bikasi disi abi na ini en na pramisi foe tégo libi (1 Joh. 5:13). Tokoe a ben sori dati na Romeini tiriman Pilatus bakadi a ben jere na kotoigi foe Jezus en Kownoekondre èn na waarheid, a ben kon broeja sote, dati a ben aksi: „San na waarheid?” (Joh. 18:36-38). Aladi a no ben feni no wan fowtoe na Jezus, a ben de klari foe boigi ede gi a druk foe a sé foe den religieus gensman foe na waarheid. Wi no wani handri kwetkweti leki en.
TJARI NA WAARHEID GI TRAWAN
3 Neleki Pilatus, na so foeroe sma na ini a ten disi e wégri foe teki na waarheid te a e tjari kon na den. Trawan de tége en. Ma Jezus ben taki dati wantoe sma di ben teki gersi nanga skapoe ben sa jere en sten te en boskopoe ben sa miti den nanga jepi foe man nanga oema di e bribi. Foe ben kan tjari te foe kaba na jeje fri nanga waarheid kon gi den sortoe sma disi, meki wi moesoe gebroiki na wortoe foe waarheid tapoe wan joisti fasi. — 2 Tim. 2:15.
4 Fa wi kan doe dati? We now, joe e teki ten foe sreka joesrefi gi na diniwroko? Joe e wroko makandra nanga trawan na ini na velddienst, sodati joe kan meki joe bekwaamheid nanga doeltreffendheid kon moro boen? San joe kan doe foe meki joe pristeri kon moro moi? Foe eksempre, joe kan lési Tori foe Takmakandra na fesi ofoe joe kan taki makandra foe en tapoe na velddienstkomakandra. Dan joe sa sabi precies san joe moe taki te joe de na ini a velddienst. Joe moesoe abi wan enthousiaste inleiding. Trawan sa arki nanga prisiri na den taki foe joe? Jepi sosrefi toe joe osofamiri foe den sreka densrefi so.
SROTO ABONNEMENT
5 Foe di Na Wachttoren de na moro prenspari kanari nanga jepi foe san trawan e miti nanga na waarheid, meki wi moe sabi na inhoud foe ala tijdschrift di wi e pristeri boen. Disi wani taki dati wi moe lési a tijdschrift boen fosi èn dan wi moe soekoe punt di wi ben sa wani gebroiki na ini a velddienst. Na ini ala tijdschrift oen kan feni punt di e sroto boen na oen Tori foe Takmakandra. Efoe den tekst di wi e gebroiki tanapoe toe na ini wan artikel, dan na wan natuurlek èn doeltreffend fasi wi kan komoto foe na takmakandra go na oen pristeri.
6 Wi moesoe wiki na belangstelling foe na sma foe na oso foe teki wan abonnement. Te wi e ferteri en foe san-ede wi e feni na tijdschrift moi èn dati a abi warti, dan kande a sa kisi na overtoigi dati a ben sa de boen foe en toe kisi na jeje materiaal disi. A sma lobi kerki sani? A e bribi na ini bijbel ofoe a de wan kerkisma? Dan a sa feni na materiaal na ini Na Wachttoren boen foe leri wan sani èn foe tranga a bribi èn spesroetoe foe meki joe kon sabi foeroe sani. Foeroe sma na a tra sé e bribi wel na ini Gado, ma den no tai densrefi na wan ofoe tra kerki groepoe. Kande den lasi fertrow na ini den sani di e leri na ini den georganiseerde religie. Ooktoe gi den Na Wachttoren sa de wan moi sani.
7 Na tijdschrift e meki wi si dati falsi religie na wan krakti di e tjari prati kon, ma dati a waka na baka den leri foe bijbel e tjari sma foe ala ras kon na wan. Boiti dati, Na Wachttoren e poti oen prakseri na tapoe a ferwakti na fesi di foeroe nanga howpoe dati Gado hemel kownoekondre sa tjari wan wánfasi grontapoe kon. A no e pristeri wan falsi howpoe dati a grontapoe sa drai en libi. Ooktoe den no e taki na ini den pisi foe na tijdschrift disi foe wan „kownoekondre” foe bribi di de soso na ini na ati foe den bribiwan èn di no abi no wan krakti na tapoe trawan.
8 Ija, na ini Na Wachttoren foeroe sortoe bijbeltori e taki. Na tijdschrift jepi foeroe foe den lésiman foe kenki a soema di den de. Wi howpoe taki nanga na pristeri foe a jari-abonnement foe 24 uitgave foe Sf 6,00 (Sf 3,00 foe tongo ini san a tijdschrift e kon wán tron nomo ini wan moen), wi sa jepi foeroe sma moro ete foe kon leri sabi a waarheid foe Gado wortoe èn foe teki en. Meki wi, ala di wi e begi Jehovah foe seni a krin foe a waarheid gi trawan, gebroiki ala okasi foe gi kotoigi foe na waarheid, foe di wi e pristeri na boen fonten foe waarheid èn foe gi den dek’ati. — Ps. 43:3.