San e meki wan sma tron wan pionier?
1 San e meki wan sma tron wan pionier? Na piki na tapoe na aksi dati sa kan kenki foe na wan sma go miti na tra sma. Son sma sa taki dati pionier de wan aparti sortoe foe sma di gersi taki den abi moro ten foe gi na a velddienst. Ofoe den e sori na tapoe son winimarki tapoe a tori foe gesontoe ofoe libiten, moni sékerfasi ofoe grontapoe leri, sodati a kan foe de wan pionier. Den sani disi kande kan pré wan rol, ma den no e verklari krinkrin san e meki wan sma go na ini na pioniersdienst èn e tan na ini a dienst.
2 Joe abi foeroe sma nanga wan redelek boen gosontoe èn nofo moni èn di no de pionier. Tra sma na wan sé nanga wan swaki gesontoe èn no so meni moni e teki prati getrow na a pionierwroko. Moro sma di abi wan boen gesontoe, kande di abi pensioen èn di abi wan faste salaris, ofoe sma di foe wan pisiten no abi wroko, ben sa kan teki na prakseri na gewoon pionierdienst ofoe jepi pionierdienst? Te foe kaba dan sma di den omstandigheid foe den e gi pasi e tron pionier foe di den wani. Na lostoe dati de na bakapisi foe foeroe sani, soleki lobi, warderi, faja èn loyaliteit. Te na lostoe tranga nofo, dan a gersi dati sani di gersi bergi kan wini. — Matt. 17:20.
3 Wan sma di e go na fesi na ini na waarheid, e kisi soifri sabi èn e span ensrefi na ini na velddienst sa ondrofeni fa a de wan prisiri foe jepi trawan foe leri sabi na waarheid. A dienst foe en e wani taki wan sani èn e gi en na firi dati wan sani e doe. Na froktoe foe tranga wroko de wan réde foe prisiri (Prék. 2:24). Na boen wroko dati de na bakapisi foe na kweki èn sori foe fasi foe frede foe Gado (2 Petr. 1:5-8). Foe den fundamenti — elementi disi na lostoe e kon foe pionier (1 Petr. 4:2). Den hémarki na ini gewoon pionier di wi no ben doro ete foe no langa psa kaba, soleki e kon na fesi foe na velddienstbericht foe na heri grontapoe, e sori dati foeroe sma e kweki na lostoe disi.
4 Den sma di e doro na marki foe na pionierdienst èn e tan na ini na foeroeten dienst sa kisi extra foeroe blesi foe Jehovah (Odo 10:22). Papa nanga mama kan aksi kande: fa wi kan jepi wi pikin foe kweki na lostoe foe pionier? Efoe papa nanga mama kan teki fesi foe di densrefi e pionier, dan den pikin srefi sa kisi tranga foe waka baka na eksempre disi. Kweki den foe den jongoe jari kaba foe studeer a Wortoe foe Gado ernstig (2 Tim. 3:15). Prakseri dati na wortoe disi abi krakti foe poesoe joe (Hebr. 4:12). A kan leri jongoesma joisti gronprakseri èn leri den fa den moe dati ini den libi (Hebr. 5:14). Na leri disi, makandra nanga na boen eksempre foe den papa nanga mama e gi wan boen fundamenti foe bow na tapoe moro fara. — 1 Kor. 3:10-13.
5 Na kweki foe na prakseri dati na wi moro prenspari marki foe jepi sma, de wan pisi foe na leri di wi moe gi na wi pikin (Matt. 9:36). Gi tranga na jongoesma èn na njoen wan na ini na waarheid foe waka na disi baka na eksempre foe Jezus Kristus. Dati sa jepi den foe si sma soleki fa Jehovah e doe dati (2 Petr. 3:9). Sori den foe san-ede na jepi foe tra sma de so wan prenspari pisi foe na kristen anbegi. — Matt. 22:39; Joh. 21:15-17.
6 Jongoe sma foe middelbare skoro libiten moe prakseri sortoe marki den sa poti ini den libi tapoe langa termijn èn fa den sa gebroiki den difrenti mogelekheid foe den. Foe san-ede joe no feti na baka a pionier-dienst? Owroesma di kisi pensioen ofoe go doro na libimarki foe kisi pensioen, kan go teki na pioniers-dienst ook toe na prakseri. Na fasi fa wi e gebroiki wi okasi, e bepaal foe wan bigi pisi sortoe blesi wi e kisi. — Luk. 8:18.
7 Wi e doe na wan positief fasi moeiti foe meki presi na ini joe libi gi na gewoon pioniersdienst? Joe ben tevréde nanga a sani di joe e poti leki nomroe wan now? Efoe dati no de so foe san-ede joe no sa go loekoe joe situwasi njoen baka? Aksi srefi: ’San e tapoe mi foe go na ini na pionierdienst?’ Joe wani en? (Kol. 3:23, 24). Efoe dati de so, dan boen tjans de so dati joe toe abi san de fanowdoe foe de pionier.