Kringkomakandra — Fermane na a reti ten
1 Na kringkomakandra programma nanga na nen „Kon goedoe na ini Gado, no nanga gridifasi” ben kisi foeroe warderi foe wi foe den praktis fermane di na programma ben gi èn di ben kon so moi na a reti ten”. Gi wi, di materialistis propaganda di abi leki marki foe wiki gridi lostoe ben bombardeer someni, a ben de wan switi sani foe si den eksempre foe Jezus Kristus, Paulus nanga trawan. Den ben de tevréde nanga den fanowdoe sani foe tan na libi, èn foe na tra pisi den ben poti densrefi na tapoe na dini foe Jehovah èn a doe foe boen na trawan (2 Kor. 8:9; 12:14-18). Sosrefi toe na materiaal foe bijbel di ben gi ben memre wi krakti na a fanowdoe foe de rédelek èn ini balans na ini bisnis, gesontoe èn ontspanning afersi. Meki wi teki na faste besroiti foe no gi pasi noiti dati wan mankeri foe balans ini den afersi disi kori wi poeroe foe na troetroe marki na ini na libi.
2 Na ini den moen december nanga januari wan njoen kringkomakandra programma e bigin nanga nen „Pristeri wisrefi leki dinari foe Gado” (2 Kor. 6:4). Fa wi e kon sabi wan troe bedinari foe Gado? Fa wi kan jepi wisrefi èn wi pikin foe meki a diniwroko teki wi krinkrin abra? Fa wi kan komoto foe a pasi dati égi belang frekti wi? A programma sa meki wi si o boen bedinari kan sori den froktoe foe Gado jeje te den tanapoe na fesi difrenti omstandigheden. Na publiki taki e go foe na tori „Sortoe ten di de na joe fesi de gi joe?” Na heri programma moe kan jepi Jehovah pipel foe doe den diniwroko so boen leki den kan. Wi alamala èn ook toe den sma di abi belangstelling moe njan boen foe den fermane disi. — Ps. 119:2, 24.