Njoen kringkomakandraprogramma e jepi wi foe grani Jehovah
„Doe wi prati ini na gi grani foe Gado” dati de na thema foe na njoen groepoe kringkomakandra di e bigin na ini oktober. Foeroe réde de foe san-ede wi wani foe gi Gado grani. Kontrari nanga den sma ini na grontapoe di gaw foe gi sma grani foe den doe foe den, ma di breni gi den wondroe-wroko foe Jehovah, wi poti leki marki „foe doe ala sani foe na grani foe Gado” (1 Kor. 10:31). Na kringkomakandraprogramma sa jepi wi nanga disi.
Boiti taki na programma foe satra sa abi leki spesroetoe marki na gi dek’ati foe den pionier èn den sma di man kande foe teki na pionierdienst tapoe den, na programma sa sori tranga tapoe na fanowdoe foe loekoe finfini fa wi e waka na ini wi libi efoe wi wani grani Gado (Ef. 5:15, 16). Wi sa kisi spesroetoe rai fa wi kan kibri wisrefi gi den elementi foe na godelowsoe grontapoe disi di e broko den boen manirifasi foe den no frekti oenoe èn foe na fanowdoe foe lon gwe gi skinfasi lostoe.
Sonde den e gi heri boen bodoi foe na persoonlek lési foe na bijbel. Joe sa kisi praktis rai foe na tori „Soekoe Gado grani, no di foe wi”. Spesroetoe sma di e sori pas belangstelling sa kisi foeroe winimarki foe na publiki taki di na wan schriftuurlek fasi e tjari kon na leti na wan enkri fonten foe troe grontapoe vréde. Ala den sma di e fisiti na kringkomakandra programma, sa go na oso na wan fasi di den geest kon firi switi. Teki na faste bosroiti foe de drape èn gi tra sma na kari foe de drape nanga joe makandra.