Nyun kring konmakandra programa

Yehovah warti fu kisi glori. Fa wi e gi Yehovah glori? San e meki en muilek gi son sma fu gi Yehovah glori? Sortu blesi den wan e kisi di e gi Yehovah glori now? A kring konmakandra programa fu a dienstyari 2008 sa gi bun piki tapu den aksi disi. A nen fu a kring konmakandra na: ,,Du ala sani fu gi Gado glori” (1 Kor. 10:31). Luku san na den furu moi sani di Gado o leri wi na den tu dei disi di o kon.

A distrikt-opziener o taki fu den tori „Fu san ede wi musu gi Gado glori?”, èn „Wi musu de sma di e hori densrefi na den markitiki fu Gado”. A sa hori a publikitaki di nen „Suma na den sma di e gi Gado glori?”, èn a lasti lezing di nen „Na heri grontapu wi e gi Gado glori leki wán man”. A distrikt-opziener o hori a Theokrasia Diniwroko-skoro tu. A kring-opziener sa hori den lezing di nen „Meki a gi yu prisiri fu sori a glori fu Gado”, „Poti prakseri na den sani di a kring abi fanowdu”, èn „Tan ’tanapu kánkan na ini a waarheid’”, di teki puru fu 2 Petrus 1:12. Boiti dati, wi o leri fa „Gado e kisi glori te wi e du a pionierwroko”. A fosi symposium di nen „Ala sani di wi e du na ini wi libi musu gi Gado glori”, o gi wi deki-ati fu ondrosuku san den wortu wani taki na ini 1 Korentesma 10:31. A di fu tu symposium di nen „Du santa diniwroko fu prèise Yehovah”, sa taki fu difrenti fasi fa wi kan du santa diniwroko na ini wi anbegi. Tapu sonde wi o abi wan lezing fu A Waktitoren-studie, èn wan takimakandra fu a deitekst. Okasi sa de fu teki dopu tu.

Bun furu libisma e weigri fu erken taki Gado de. Furu sma e poti prakseri na den sani di libisma e du, ma den e frigiti den tumusi moi sani di Yehovah e du (Yoh. 5:44). Ma wi abi na overtoigi taki a warti fu teki ten fu prakseri fa fu „Du ala sani fu gi Gado glori.” Sreka sani na fesi fu man de drape èn kisi wini fu a heri programa ala den tu dei.