Kringkomakandra e gi praktise rai
1 Ini na bakajari èn na dréten foe 1984 na kringkomakandraprogramma nanga na thema „No libi moro langa gi wisrefi” e gi bodoi tapoe na retiten foe jepi wi foe wai pasi gi wan gridi fasi foe prakseri. Foe wi kan abi wan libi di warti foe libi, dan na a fosi presi wi belangstelling moesoe go na a doe foe na wani foe Jehovah èn foe plisi en (2 Kor. 5:14, 15). Wi moesoe kan si na difrenti a mindri boen nanga ogri (Hebr. 5:14). Efoe wi e warderi wi presi ini na oso foe Jehovah, dan wi kan de leki patoe di de foe wan boen marki foe gebroik. — Rom. 9:21.
2 Na thema foe na groepoe kringkomakandra di e bigin na ini oktober de „Libi godlosoe fasi nanga grontapoe lostoe”. Foe san-ede a bijbel e komanderi wi foe no doe den san disi? (Tit. 2:12) Fa wan sortoe fasi foe doe de wan kibri gi wi èn foe san-ede a de prenspari moro ala sani foe wi kan kisi jepi? San de wantoe spesroetoe kontren foe godlosoefasi nanga grontapoe lostoe di e lontoe Jehovah pipel? Foe san-ede wi no moe bribi sondro foe ondrosoekoe dati wi persoonlek firi de joisti? Ala den disi èn foeroe tra heri prenspari aksi sa kisi piki ini na njoen kringkomakandra programma disi.
3 Pisi foe na programma soleki „pionier e tjari winimarki kon” èn „Ondrosoekoe wi bewégi foe ati” sa tranga oenoe ini wi bosroiti foe tan druk bezig ini na dienst foe Jehovah èn tan krin èn aparti foe na grontapoe. Sorgoe taki joe meki boen plan foe fisiti na heri moi kringkomakandraprogramma disi.