Pristeri na boen njoensoe — Nanga na „Tégo libi”-boekoe
1 Na ini januari nanga februari wi ben pristeri na boekoe Joe kan libi foe tégo na ini wan paradijs na grontapoe foe na fositron na ini na velddienst. Wi ben feni en toemsi moi foe ben wroko nanga na boekoe disi èn wi ben si na moi fasi fa den prékiman ben teki a boekoe. Na ini oktober wi mag foe pristeri na moi boekoe disi baka leki wan jepi foe prati na boen njoensoe nanga tra sma. Foe kan jepi wi na ini disi, meki wi abi wan njoen Tori foe takmakandra: „Joe kan libi foe tégo na ini na Paradijs?”
2 Baka te joe ferteri joe nen, joe ben kan taki: „Joe sa agri séker nanga mi dati troetroe kolokoe na grontapoe srefi foe wan sjatoe ten nomo no gersi dati a kan te joe loekoe ala problema di wi tanapoe na en fesi, soleki siki, kon grani, angri, kiri nanga onsékerfasi. [Gi na ososma na okasi foe gi kommentaar] Ma boen réde de foe bribi dati a kan troetroe foe libi foe tégo na ini kolokoe na ini grontapoe. Loekoe pikinso san tanapoe dja na ini Ps. 37:29. [Lési na vers] Wi sabi dati wi ben sa wani sabi moro foe en sote, èn foe jepi joe na ini disi, wi e pristeri na boekoe disi.” Dan meki den si na Tégo libi-boekoe.
3 Oenoe sabi boen kaba a boekoe disi. Joe ben gebroiki en na ini na velddienst èn kande joe e studeer nanga wan sma na ini. Soboen sondro degedege joe sa abi wantoe moi punt na ini prakseri pe joe wani poti na prakseri foe na ososma na tapoe te joe e pristeri a boekoe disi na tapoe bladzijde 10 èn baka dati meki den si na kontrari na mindri den prenki foe den moeilekheid na bladzijde 8 nanga 9 èn den paradijs tafereel tapoe bladzijde 11 nanga 13. Efoe ten de dan joe kan meki den si wantoe moi nen foe den kapiter di joe e denki dati den sa taki nanga bepaalde ososma.
4 Na a ten foe na tra veldtocht a fesi den foeroe prékiman ben miti sma di ben taki dati den ben wani na Tégo libi-boekoe ma dati na a momenti dati den no ben abi na Sf 5,00. Sonwan foe den ben teki na boekoe di wan go-baka ben tjari go na den. Ma sontron na belangstelling ben kon kowroe efoe wi go baka èn den no e teki a boekoe. Foe sorgoe dati na a fosi fisiti, te den sori dati den abi belangstelling, dati tog den kisi wan sani foe lési, wan kringopziener ben feni en boen foe pristeri na brochure Njan boen foe tégo foe na libi na grontapoe foe 50 cent efoe na ososma no kan pai foe na boekoe. Wi ben kan proberi disi, ofoe wi kan pristeri den tijdschrift foe a moen sodati a ososma kan abi wan sani foe lési foe hori na belangstelling foe en waran, èn a no de foe taki, dati wi ben kan meki wan mofo foe kon baka nanga na boekoe tapoe na momenti dati na ososma kan bai en.
5 Libi foe tégo na grontapoe na ini kolokoe, de séker wan toemsi moi ferwakti, wan ferwakti di de opo gi wan bigi ipi di joe no kan teri. (Openb. 7:9). Wi wani doe ala sani san wi kan foe jepi trawan foe teki prati nanga wi na ini na wondroe howpoe dati. Te wi e poti na ini na velddienst prakseri tapoe na Tégo libi-boekoe dan wi wani hori na ini prakseri èn doe moeiti foe opo bijbelstudie gi ala sma di e sori belangstelling gi na pramisi disi di Jehovah e gi na wan sma di e lobi en.