Presteri na boen njoensoe — Nanga na „Tégo libi”-boekoe
1 Tégo libi ini volmaaktifasi ini wan toemsi moi grontapoe paradijs! Fa disi de wan toemsi moi kado foe Jehovah! En lobi moe bewégi wi foe prati na howpoe disi nanga sma ini wi gebied èn meki gebroiki foe na njoen boekoe Joe kan libi foe tégo ini wan paradijs na grontapoe.
2 Foe kan de srekasreka boen foe kan taki foe na tori foe tégo libi ini na paradijs na grontapoe èn presteri na njoen boekoe disi dan wi ben moe lési a boekoe disi srefi fosi. Sondro degedege joe ben miti nanga wan toe toemsi moi velddienstpunt di joe ben kan gebroiki makandra nanga na njoen Tori foe Takimakandra. Te wi sabi sortoe sma e libi ini wi gebied, dan disi kan jepi wi foe bepaal sortoe kapiter ofoe sortoe spesroetoe punt wi kan gebroiki foe wiki den belangstelling gi na pramisi foe Jehovah foe tégo libi. Loekoe den prenki di sa meki na ososma go abi belangstelling gi na waarheid. Hori den dati ini prakseri te joe e presteri a njoen boekoe ini joe gebied.
WAN TOE PRESTERI DI JOE BEN KAN GEBROIKI
3 Den prenki ini kapiter 19 de moi foe na velddienst. Baka te joe lési Ps. 37:29, joe ben kan taki: „Fa joe e denki dati den toestand ben sa de na grontapoe te den regtvaardikiwan e libi foe tégo dja? [Gi na ososma na okasi foe piki] Loekoe pikinso na den moi prenki disi ini na boekoe disi èn loekoe sortoe kommentaar tanapoe na den” (Pag. 156). Sori dan, èn disi anga foe a ten di joe abi makandra nanga na ososma, na wantoe marki foe Gado nen moe teki, soleki disi e agersi tapoe blz. 156-158, 161, 162. Jepi na ososma foe froestan den bijbeltekst di de leki wan bewijsi foe den sani di taki. Dan joe kan besroiti nanga Jes. 55:11 pe e sori dati wi kan abi ala fertrow ini den pramisi disi. Presteri na boekoe foe wan pikin moni foe Sf 5,00.
4 Kapiter 1 e sroiti moi na a njoen Tori foe Takimakandra. Baka te joe taki na ososma odi, joe ben kan taki: „Na rede foe san-ede mi kon na joe oso de dati mi wani taki nanga joe foe a pramisi foe Gado foe meki a grontapoe tron wan paradijs èn foe gi libisma tégo libi. Foeroe sma e denki dati tégo libi na grontapoe no de noti moro leki wan dren. San joe e denki foe en? (Gi na okasi foe gi piki.) Sabiman e taki dati libisma ben meki so dati a ben sa moe libi foe tego. Den e taki dati na powa foe na skin foe meki cel kon njoen èn tapoe na fasi disi ben sa njoen densrefi, ben sa go doro foe tégo. (Loekoe foe moro bodoi na Waarheidboekoe blz. 28 par. 3; Ontwaakt!, 8 oktober 1977 blz. 3-5.) Na bijbel e agri nanga disi èn e taki krin èn nanga overtoigi dati libisma sa libi foe tégo ini wan paradijs grontapoe. Loekoe pikinso san tanapoe dja ini Psalm 37:29. (Efoe ten de, joe kan lési sosrefi toe den sortoe tekst disi leki Jesaja 45:18, Joh. 3:14-16, 36 èn Openb. 21:3, 4 èn gi kommentaar a tapoe) Son sma kande e degedege tapoe na pramisi disi. Ma foe di Jehovah Gado no kan lé meki wi abi ala reden foe bribi na ini. Den wortoe foe en ini Jes. 55:11 e gi wi na djaranti dati. (Lési.) Disi no de wan toemsi moi froewakti di poti na wi fesi? (Gi okasi foe gi piki.) Mi wani libi na moi boekoe Joe kan libi foe tégo ini wan paradijs na grontapoe. Kapiter wan e go moro fara na tapoe foe san-ede tégo libi no de soso wan dren. Joe kan kisi na boekoe foe wan bijdrage foe féfi koloe.”
5 Efoe sma no e bribi ini Gado joe kan taki kande so: „Na reden foe san-ede mi naki joe doro de dati mi abi wan toe bodoi foe a ten di e kon di mi wani taki nanga joe. Joe ben aksi joesrefi oiti wan ten ofoe a kan dati libisma ben sa kan libi foe tégo? (Gi okasi foe gi kommentaar.) Son sma no e abi na firi foe bribi disi bika den e prakseri taki Gado no de. Foe dati meki, tégo libi den e si leki wan dren. A boekoe disi e taki a tori tapoe wan moi fasi sodati froetrow ini a de foe Gado èn ini na fundamenti foe bribi ini en pramisi e tjari kon a fesi (Opo blz. 35 èn lési paragraaf 3.) Di Gado ben meki na grontapoe èn libisma, a ben abi foe dat’ede wan prakseri. (Lési Ps. 37:29.) A ben gi wi na djaranti dati en prakseri no sa kenki. Lési Jesaja 55:11.) Nanga ala prisiri mi ben sa wani libi na njoen boekoe disi na joe foe wan bijdrage foe féfi koloe.”
6 Te wi prakseri san Jehovah ben doe gi wi, dan wi abi foeroe foe taki en tangi. Sori wardering gi en lobi-boen-fasi foe di joe e jepi trawan nanga na njoen Tégo libi boekoe. Na boen njoensoe foe tégo libi no de soso wan dren.