Stiptheid — Wan sori foe belangstelling
1 „Moro betre joe lati leki noiti joe go!” ofoe: „Mi kan kon lati na den komakandra, ma mi de drape tenminste!” Joe jere wan sma taki sowan sani? Ma san a sma disi e misi foe di a ben kon lati na den komakandra? Kande a ben misi na prisiri singi, di de wan prenspari pisi foe na anbegi foe wi. Ofoe a misi na grani foe njan boen foe na kenki foe dek’ati di e kon foe na demakandra foe wi di de, bifo a komakandra bigin. Efoe wi kon lati, dan wi kan poeroe a prakseri foe tra sma èn kan meki taki den no njan boen dorodoro foe na programma. — Prék. 3:1; Rom. 1:11, 12.
2 Stiptheid e sori dati na wan lobifasi wi moesoe e hori trawan na prakseri èn moe sori belangstellling. A e aksi foe wi foe meki boen plan èn taki nanga makandra. Ma sontron kande a kan pasa wan lési taki wan sma e kon lati na wan komakandra. Kande na waka nanga bus kan meki dati pasa, ofoe a oto no wani start. Ma wi moe sorgoe dati wan mankeri foe meki plan, mi-no-ke-fasi ofoe soso foe no komoto biten a oso no de wan oorzaak taki alaten wi e kon lati. Wi moe proberi troetroe foe de bifo a programma bigin.
3 Son sma e kon toemsi lati foe di den no e ferstan foe leri foe de stipt. Wan sma di sondro boen réde alaten e kon lati, sa lasi na respeki foe tra sma. Fa so? Na foeroe na prakseri kan meki roetoe taki a no abi belangstelling èn a no e hori wortoe, sodati na ini tra sani den sa moe si en leki wan sma di joe no kan bow na en tapoe. Na a tra sé te wan sma de stipt dan disi na wan fasi foe sori den froktoe foe a jeje foe Jehovah. — Gal. 5:22, 23.
4 Fa a de wan sani di e gi dek’ati foe kon na komakandra èn si den owroeman, nanga dinari na ini na diniwroko drape di e tanapoe wakti foe bari wan switi odi èn foe gi wi na waran switi warderi foe wi toemsi boen theocratis famiri. — Romeini 15:7.
5 Kon biten de ooktoe prenspari gi wi velddienst komakandra. Stiptheid abi toe leki bakapisi taki moro ten e gi na a toemsi prenspari wroko di de na ini na préki èn a meki foe discipel. Ma efoe foe omstandigheden ede foe ben sa de lati gi na velddienstkomakandra èn joe ben sa wani wroko makandra tokoe nanga na groepoe dan kande joe kan go miti den prékiman na ini na gebied.
6 Efoe wi de stipt, dan dati sa meki sma abi respeki gi wi nanga na organisaatsi di wi e teki presi gi en. Ija, stiptheid e sori taki wi abi belangstelling gi tra sma. A de wan bewijsi foe ordefasi (1 Korintesma 14:40). Te foe eksempre wan sma kari joe foe kon njan, dan a e sori taki joe abi respeki gi na sma di kari joe èn gi den tra sma di o de drape efoe joe de stipt. A no de srefi moro prenspari foe kon na tapoe jeje njanjan nanga na gemeente biten? Wi moe sori alaten respeki gi a sma di kari wi kon njan, Jehovah Gado, den tra sma di kon njan, èn sosrefi toe gi na seti foe na jeje njanjan.
7 Papa nanga mama sa gi den pikin foe den na eksempre foe de stipt. Wi alamala, makandra nanga wi pikin, moe rikomanderi wisrefi nanga na organisaatsi di wi e teki presi foe di wi de stipt. A de heri boen toe foe si a sori foe na égifasi leki a doe foe san Paulus e taki: „Na sowan fasi wi no e gi réde foe sma naki foetoe fadon, so dati sma no feni fowtoe na tapoe wi diniwroko, ma na ibri fasi wi e rikomanderi wisrefi leki dinari foe Gado.” — 2 Kor. 6:3, 4.