Gi leri na a ten foe bijbelstudie
1 Wan foe den moro prisiri ondrofeni di wi kan miti ini wi diniwroko, de na leri foe trawan foe tron troe kristen, net leki fa Jezus ben komanderi wi (Matt. 28:19, 20). Joe e tesi a prisiri disi?
2 Nanga aladi wi e meki moeiti foe de leriman na ini ibri taki foe na dienst foe wi, na osobijbelstudiewroko e gi na moro betre okasi foe gi leri. Te joe no e lei wan doronomo osobijbelstudie, meki na afersi tron wan afersi foe begi èn wan marki foe wroko na en. Foedi den doe disi foer sma ben kon blesi nanga osobijbelstudie èn nanga dati den ben kisi heri boen okasi foe leri tra sma foe tron troe kristen.
JOE MAN DOE DATI?
3 A e kostoe wan sma ten nanga heri boen studie foe kon de overtoigi foe na bijbel boskopu foe Gado kownoekondre (Matt. 10:11). Foe dat’ede wi abi na osobijbelstudieregeling. Na regeling disi e gi wan uitgebreide studiecursus na ini san foeroe onderwerp e behandel di den boekoe foe na Genootschap e ferklari na wan logise fasi. Foe di nanga jepi foe wan foe den boekoe foe wi foe bijbelstudie wi e lei wan doronomo osobijbelstudie, a moro bigi ipi foe wi kan jepi opregti sma di e kisi leri foe kisi sabi foe Gado nanga Kristus. — Joh. 17:3; 1 Joh. 5:20.
4 Jezus Kristus ben de wan meester ini gi leri; foe dat’ede wi moesoe leri sabi en fasi foe wroko èn gebroiki den? Fa a ben gi leri? A ben e aksi ondrosoekoe aksi (Matt. 17:24-26; Luk. 10:25-36). Foe san-ede a ben doe dati? Foe jepi sma foe prakseri logis èn foe ondrosoekoe densrefi ini na leti foe den sani di a ben leri. Nanga den aksi a ben sabi foe naki den ati na wan tactvolfasi. Den sma di a ben gi leri, ben moesoe sori ofoe den troetroe ben wani de en bakaman noso ofoe den sani di ben troesoe den ati ben de sondro opregtifasi. — Matt. 13:10-17; Mark. 8:34-38.
5 Moro fara Jezus ben gebroiki ini a leri di a ben leri sma agersitori, les foe na natuur nanga tra methode di ben e wroko boen (Matt. 4:18, 19; Luk. 15:3-10; Joh. 13:2-16). Ooktoe a ben tjari den sani kon na fesi eenvoudig, sjatoe èn krin (Matt. kap. 5-7). Wi kan de nanga tangi dati ini den boekoe foe na Genootschap den e gebroiki nasrefi fasi foe gi leri.
6 Sreka joesrefi boen a fesi tapoe den studie. Prakseri foe den pisi di kande de moeilek gi den sma di e kisi leri foe ferstan en, punt foe san kande den sa poti aksi èn afersi foe spesroetoe belang, èn ooktoe afersi di den kan gebroiki na ini den ibridé libi.
FA JOE KAN GI LERI NA A TEN FOE STUDIE
7 Wan studie di e waka kaba moesoe opo nanga begi. Joe begi foe kisi Jehovah blesi nanga tiri a no wawan a sa sori tranga tapoe na ernst èn wartifasi foe na studie, ma sa sori joe opregtifasi leki bedinari foe Gado. A sa fiti foe na a bigin foe na studie foe hori wan sjatoe overzicht foe na les di ben waka a fesi.
8 Ini foeroe foe den bijbelstudie jepisani di wi e gebroiki ini wi diniwroko, aksi tanapoe na ibri paragraaf. Disi de wan jepisani di wi kan gebroiki na a gi leri foe jepi sma di e kisi leri foe taki san de na ini den nanga den égi wortoe. Te na joisti piki tapoe wan aksi no e kon a doro, dan kande joe sa wani foe kari na aksi ete wantron nanga tra wortoe. No meki na studie tron wan raitori. A leri foe na waarheid didon na tak-go-tak-kon èn logica.
9 Gewoonlek a studie sa teki ibritron wan joeroe. Nofotron wan heri kapitel e behandel, ma disi didon na den mogelekheden foe na sma di e kisi leri. Gi den dek’ati foe sreka a fesi èn foe gi den piki na ini den égi wortoe. Hori na ini joe gi leriwroko faste na a Wortoe foe Gado (Tit. 1:9). Gado Wortoe abi krakti èn a sa meki sma handri (Hebr. 4:12). Meki efoe a ten e gi pasi foe doe so, den soekoe èn lési den edetekst ini a bijbel.
WAN WONDROEFASI GRANI
10 Foe leri trawan na waarheid omtrenti Jehovah Gado, Jezus Kristus èn na Kownoekondre, de wan wondroefasi grani (1 Kor. 3:6-9). Na jari di pasa dan na ini a kondre disi ibri moen sowan 8062 osobijbelstudie ben ori! Joe abi na prisiri toe ori wan bijbelstudie? Meki a de so dati Jehovah e gi jesi na wi begi èn gi en blesi na den moeiti foe wi foe gi boen leri na a ten foe osobijbelstudie.