Pristeri a boen njoensoe — Gebroiki koni foe leri sma ini na oso-foe-oso-wroko
1 Den ben sabi Jezus leki wan prékiman foe a boen njoensoe (Luk. 8:1). Tokoe nofotron den sma ben kari en leriman (Matt. 8:19; 9:11). Na tori di skrifi ondro santa jeje e taki dati „den ipi sma ben ferwondroe foe na fasi foe en foe leri sma” èn dati „ini wan kring a ben go na den dorpoe èn ben leri sma”. — Matt. 7:28; Mark. 6:6.
2 Den apostel ben de leriman toe. Soleki fa a gwenti foe Paulus ben de ’a ben tak-go-tak-kon nanga den sma nanga jepi foe den Boekoe nanga san a ben ferklari èn bewijsi nanga jepi foe bodoi san ben de den sani di a ben e leri den’ (Tori. 17:2, 3). San wi kan doe foe meki wi koni foe leri sma ini na oso-foe-oso-wroko kon moro betre?
DE KOEMAKRIKI FOE KENKI JOE TORI
3 Te wi e wroko oso-foe-oso dan wi e miti sma nanga troetroe tra background nanga belangstelling gi sani. Sonwan e taki dati den e bribi na ini na bijbel, trawan no. Wi moesoe meki wi boskopoe fiti na ibriwan ososma aparti. San Jezus ben doe di a ben taki nanga wan „man di ben kisi boen leri ini na Wet”? A man ben aksi Jezus: „Leriman, san mi moesoe doe foe kisi tégo libi?” Jezus ben aksi: „San skrifi na ini na Wet? Fa joe e lési?” (Luk. 10:25-28) A ben kon ferstan taki a man ben „kisi boen leri ini na Wet” èn a ben hori disi na ini prakseri te a ben e piki en.
4 Di Paulus ben e taki tapoe na Aréopagus, a ben ferstan boen taki a ben e taki nanga heidensma di ben abi wèniki noso nowan sabi foe den Hebrew Boekoe noso foe Jezus Kristus. Te a ben e leg uit a ben e hori rekening nanga disi (Tori. 17:22-34). Na a srefi fasi wi moesoe hori na sma nanga soema wi e taki ini prakseri. Efoe wi e taki nanga wan jongoewan dan wi moesoe leg den sani uit tapoe wan fasi di en e froestan. Efoe wi e taki nanga wan sma di e lési a bijbel, dan wi moesoe fiti wisrefi na a situwasi, net leki fa Jezus ben doe nanga a man „di ben kisi boen leri ini na Wet”. Foe di ibriwan sma nanga soema wi e taki de tra fasi, dan ibri pristeri di wi e doe sa de kande pikinso wan tra fasi. San wi kan doe moro foe wi kan de leriman di e doe en heri boen ini na oso-foe-oso-diniwroko?
TAK-GO-TAK-KON NANGA SMA
5 Tak-go-tak-kon wani taki foe pristeri a boskopoe na so wan fasi dati na ososma e kisi jepi foe froestan oenoe èn foe kon teki densrefi bosroiti leki wi. Disi e aksi dati wi ferklari punt heri boen, sodati na ososma no e arki nomo, ma e si na redelekheid foe san wi e leg uit. Fa wi kan ferklari punt na wan heri bun fasi?
6 Na aksi foe san-ede a de fanowdoe dati wi gi réde. Ibri wan ososma abi na ala reti foe aksi wi san-ede wi e naki na en doro, foe san-ede wi boskopoe de so tranga fanowdoe èn foe san-ede a moesoe bribi na ini. Foe dat’ede te joe e sreka joesrefi a fesi tapoe na oso-foe-oso-diniwroko joe moesoe aksi joesrefi den srefi aksi. Teki leki wan eksempre na Tori foe takmakandra di wi e gebroiki now. Wi ben sa kan aksi wisrefi: Foe san-ede wi e taki nanga den sma foe na tori disi? Foe san-ede tégo libi de wan sani di kan? Foe san-ede wi kan poti bribi na ini na bijbel?
7 Efoe wantron wi sabi na piki tapoe den aksi disi, wi sa wani leg na tori disi so uit dati na ososma e froestan en. Hori na prakseri taki Paulus ben gebroiki „bodoi” foe ferklari den Boekoe. — Tori. 17:3.
8 Agersitori nanga aksi di fiti de eri boen. Den e meki sma e prakseri foe den troe tori èn e jepi dati sma e kisi warderi ini den ati. Te joe e lési den bijbeltekst sori tranga tapoe den moro prenspari tekst. Disi e jepi taki den e go prakseri foe san ben lési gi den. Na a sé dati na Anoeboekoe ini kapitel 10, 15, 25, 31 nanga 34 abi heri ipi praktis rai.
9 Na frantwortoe foe leri den sma ala san Jezus ben komanderi wi, moesoe meki wi de serjoesoe nanga na fanowdoe ’foe poti alaten prakseri na wi leri’. — 1 Tim. 4:16.