Pristeri a boen njoensoe — Nanga persoonlek overtoigi
1 Di a ben prakseri baka foe na tranga wroko foe den brada nanga sisa na ini Thessalonika gemeente, na apostel Paulus ben skrifi den: „A boen njoensoe di wi e préki no kon wawan nanga wortoe na oenoe, ma ooktoe nanga krakti èn santa jeje èn tranga overtoigi” (1 Thess. 1:5). Ija, Paulus nanga en kompe, èn ooktoe na gemeente ini Thessalonika, ben sabi séker taki den ben e anbegi Gado na wan joisti fasi. Na overtoigi disi ben kon na krin ini na taki foe den. Ooktoe wi diniwroko moe prenki wan tranga persoonlek overtoigi.
TAKI KOMOTO FOE NA ATI
2 Fa wi diniwroko kan prenki persoonlek overtoigi? Te joe loekoe en fini dan djaso de na ini dati wi taki foe wi ati. Foe na fasi fa wi e pristeri a boen njoensoe moesoe sori taki wi e bribi troetroe san wi e taki. Dan wi opregtifasi nanga wi persoonlek overtoigi sa de foe si, bika ’foe na ipi foe ati wi mofo e taki’. — Luk. 6:45.
3 Efoe wi wani prenki persoonlek overtoigi, wi moe abi wan dipi warderi gi na waarheid èn Jehovah organisaatsi. Foe di joe abi na waarheid, na frantwortoe dedon na joe foe jepi trawan foe leri sabi en. Prakseri positief foe den sani, sa jepi joe foe joe kon de gemotiveerd foe pristeri a waarheid nanga overtoigi. Jezus ben gi wi wan heri moi eksempre na ini disi. — Joh. 4:21-24.
4 Na fasi fa wi o pristeri boekoe, e sori efoe wi e taki komoto foe wi ati. Wi moesoe sabi na boekoepristeri heri boen èn moesoe soekoe spesroetoe punt di kan gebroiki foe wiki na lostoe foe njanjan foe na ososma. Disi sa gi wi moro fertrow te wi e pristeri na boekoe.
LOEKOE BOEN FOE NO ABI GWENTI
5 Sontron son gwenti kan wroko tapoe na fasi fa na ososma e prakseri foe wi opregtifasi èn wi overtoigi. Te wi e loekoe sondro a de fanowdoe na ini wi boekoe noso wi e poeroe wi ai te wi e taki nanga wan ososma te wi e taki nanga en, wi ben sa kan meki den prakseri taki wi no de opregti. Wi moe loekoe na ososma te wi e taki, nanga san wi e sori taki wi e bribi na ini san wi e taki.
6 Son sma di e ferlégi, kande e feni en moeilek foe tan loekoe na ososma na ini en ai. Disi de joe problema? Efoe disi de so, san joe kan doe na disi dan? Sontron na problema e kon foe di joe te joe e taki nanga na sma joe alaten e prakseri toemsi na den égi swaki punt foe joe noso joe onbekwaamheid, èn kande joe abi na firi taki wan tra sma de moro betre foe jepi a sma. Ma disi de na wroko foe Jehovah. Prakseri Jehovah èn na makti foe en di no abi skotoe a presi foe den swaki punt foe joesrefi. Di na apostel Paulus ben de na ini wan positsi pe en wawan ben moe tanapoe, a ben taki: „Masra ben tanapoe na mi sé èn a ben gi mi krakti” (2 Tim. 4:17). Joe toe kan kisi krakti foe Jehovah nanga jepi foe begi.
7 Tra gwenti, soleki go kon foe a wan foetoe tapoe na trawan, noso drai toemsi foeroe ini a bijbel ofoe boekoe kan tjari kon na krin taki joe de senuwaktik. Joe kan leri foe skotoe den gwenti disi efoe joe e kon ferstan taki joe abi den èn joe e fertrow tapoe Jehovah foe jepi joe èn foe fermane joe.
8 Ooktoe na fasi fa joe e poti joe fesi de prenspari foe di over het algemeen den e tjari kon na krin san de na ini joe ati. Tranga overtoigi èn wan opregti belangstelling gi na ososma moesoe kan de foe si na tapoe a fesi foe joe.
9 Ooktoe den wortoe di wi e soekoe foe taki abi wan bigi krakti tapoe na fasi fa na sma e prakseri foe wi te wi gwe. Efoe alaten wi e gebroiki uitdrukking soleki „mi e denki” èn „kande”, dan na ososma kande ben sa denki taki wi no de séker foe wi zaak san wi e taki. Den wortoe di wi e soekoe foe taki moesoe spikri overtoigi foe wi sé. — Teki gersi Mattéus 7:28, 29.
10 Aladi joe e wroko tranga foe pristeri a boen njoensoe nanga persoonlek overtoigi joe kan de séker taki ’joe wroko no de foe soso na a sé foe Masra’. — 1 Kor. 15:58.