Tan pristeri abonnement tapoe Na Wachttoren
1 Wi alamala abi réde foe prisiri foe a toemsi boen kwaliteit foe den tijdschrift foe na Genootschap, spesroetoe foe Na Wachttoren. Disi de so, spesroetoe foe den artikel di de na ini a tijdschrift disi na ini a ten foe na abonnementveldtocht. Soboen, meki wi gi tranga na ibri sma di abi belangstelling foe lési den 24 uitgave foe na toemsi moi tijdschrift disi.
PROEBERI FOE MITI NANGA SOMENI SMA LEKI A KAN
2 San joe kan doe foe miti nanga someni sma leki a kan na ini maart nanga na abonnement pristeri? Joe kan meki foe eksempre wan lijst foe sma di joe kan fisiti, soleki sma di wan heri pisten ben kisi bijbelstudie, famir’man, sma foe joe wrokope, birtisma, tra skoro pikin èn skoro meester. Kande a moen di psa joe ben libi loesoe eksemplaar foe den tijdschrift a son sma di ben abi en druk di joe ben go na den. Ofoe kande wan sma abi gi wan bepaalde uitgave belangstelling. Go baka a moen disi na den èn pristeri den wan abonnement. Den sma disi sabi joe kaba èn kande wani foe abi wan takmakandra go moro fara. Efoe den ben lési kaba nanga prisiri wan uitgave foe wan tijdschrift, dan joe kan meki den kon waran kande foe lési alaten den tijdschrift èn foe teki wan abonnement. Doe spesroetoe moeiti na ini maart foe fisiti den sma disi.
3 Na tori foe takmakandra, „San a ten di e kon wani taki gi joe?” e jepi wi foe go prakseri wi égi tamara. Te joe e taki nanga na ososma foe a tori disi, jepi en dan foe tjari kon na en fesi san a ten di e kon kan wani taki gi en. Disi kande sa bewégi en foe go denki serjoesoe foe a tori èn foe gi en dek’ati foe soekoe den piki di abi foe doe nanga a ten di e kon. Fa na tori foe takmakandra kan gebroiki foe pristeri na abonnement tapoe wan boenfasi?
SREKA WAN PRISTERI A FESI
4 Na Tak-go-tak-kon-boekoe e gi tapoe bladzijde 14 na ondro na ede „A ten di e kon/Sékerfasi” boen materiaal. Na fosi rai kan tjari kon fiti moi foe bigin nanga tori foe takmakandra di wi e gebroiki. Joe ben sa kan taki: „Morgoe. Fa a e go nanga joe? Wi e proberi foe meki tra sma kisi wan positief loekoe tapoe a ten di e kon. Joe no e feni ooktoe dati son toestand e meki a de moeilek foe de positief? . . . Mi e si dati a bijbel ini a pis’tori disi de heri boen. Na ini Openbaring 1:1 a bijbel e sori dati Gado de na sma di e tjari kon na krin san e ten di e kon wani taki gi libisma [Lési gi a sma.] Awinsi libisma de na ini onsékerfasi foe na aksi san sa psa na ini a ten di e kon, na Gado onsékerfasi no de. Na ini Openbaring 21:3, 4 en Wortoe e taki krin foe a ten di e kon den sani disi: [Lési a tekst gi a sma.] Disi moi gi joe foe jere? . . .” Pristeri moro fara na abonnement, te joe e poti prakseri na tapoe wan moi punt ini na uitgave di wi e gebroiki now.
5 San joe e doe efoe na oso sma abi en druk? Kande joe kan poti en prakseri na tapoe wan bepaalde artikel foe na tijdschrift foe di joe e taki: „Wi abi wan sjatoe pis’tori gi den sma di abi en druk.” Èn dan joe ben kan pristeri na fosi artikel na ini na 15 februari-uitgave foe Na Wachttoren: „Foeroe sma na ini a ten disi e si a tamara foe na libisma-famiri leki wan doengroe sani sondro wan howpoe. Son sma ben tjari srefi wan kroederi kon a mindri na bijbel Apocalyps ofoe Armageddon, èn na pori foe libisma èn nanga dati den ben tapoe skreki gi tra sma. Na artikel ’Na apocalyps — san na en?’ e tjari krin kon na fesi san de troetroe na bijbel apocalyps. Mi de sker dati a lési foe Na Wachttoren sa de wan dek’ati gi joe. Wi e pristeri wan jari-abonnement foe 24 uitgave foe wan bijdrage foe f 7,00.”
6 Ibri dé bifo wi go na ini velddienst wi e begi Jehovah foe a tiri wi. Wi kan abi na fertrow dati a sa poti wi foetoe na pasi. Foe di Jehovah e blesi a wroko foe wi, dan sondro sjensjen na ibri okasi wi moe pristeri na abonnement. Prakseri dati Na Wachttoren èn Ontwaakt! abi bodoi foe a Wortoe foe Gado di kan meki sma kisi libi (Zef. 2:2, 3). Meki wi doe a wroko foe Jehovah faja èn loekoe na en foe kisi tiri nanga blesi.