Presteri a boen njoensoe — Nanga na „Wachttoren”-abonnement
1 Joe ben aksi joesrefi wan ten foe san-ede son prékiman abi someni winimarki nanga na sroto foe abonnement na tapoe Na Wachttoren aladi trawan e taki: ’Mi e feni en moeilek foe kisi wan abonnement’? A de so dati son sma abi wan moro bigi bekwaamheid? Son sma kande e taki moro boen leki trawan, ma dati no wani taki dati den sa abi moro winimarki ini na sroto foe abonnement. Foe san-ede joe no e aksi joesrefi pikinso: Fa mi tanapoe na fesi na presteri foe wan abonnement na tapoe Na Wachttoren? Na piki na tapoe na aksi dati de toemsi prenspari gi na fasi fa sani sa waka boen gi joe. Joe e firi joesrefi moro switi efoe joe presteri soso den loesoe tijdschrift ofoe wan boekoe èn na a fasi disi e poti gi joesrefi skotoe? Efoe dati de so, dan joe moe meki wan moro positief fasi gro kande foe na tori foe na presteri foe wan abonnement.
2 Wan herken foe wan problema de na fosi stap na a pasi foe feni wan loesoe. Go taki pikinso nanga den sma di e sroto geregeld abonnement. Disi sa jepi joe foe kweki wan moro positief fasi. Loekoe fa den de nanga faja èn fa den e teki fesi ini na soekoe foe okasi foe presteri abonnement. Ferstan omeni waarde den tijdschriftabonnement kan de foe jepi tra sma leri sabi Jehovah. Den stap disi kan jepi joe foe abi positief fasi te joe e presteri ini na préki foe na boen njoensoe na Wachttoren-abonnement.
3 Wan tra sani di joe moe loekoe pikinso de na sreka di joe moe sreka joesrefi a fesi. Joe abi wan lezing di e wiki na belangstelling gi na abonnement tapoe na Wachttoren? Joe kan fiti joesrefi na a ososma? Efoe joe e loekoe en boen dan ini na oso na osowroko wi e miti toe sortoe sma: (1) Den sma di lobi dini Gado èn di e sori bribi na ini na bijbel; (2) den di no abi belangstelling moro gi kerkisani ofoe na bijbel. Fa joe o doe ini den situwasi dati?
WAN TOE FASI FOE TAKIMAKANDRA
4 Na wan kerkisma kande joe ben sa kan bigin so: „Na wan prisiri sani foe miti sma di abi belangstelling gi na bijbel ete. A gersi leki foeroe sma e si a bijbel leki soso wan boekoe nomo. Fa joe leki wan lésiman foe a Wortoe foe Gado, ben njan boen ini joe libi foe na boskopoe foe na bijbel na wan praktisch fasi?” (Efoe na ososma taki wan sani, arki dan boen èn go doro na tapoe positief punt.) Moro fara joe ben kan taki dati ala di foeroe sma e lési na bijbel tokoe den no feni wini foe di den no frestan san den e lési, èn dan joe ben sa kan taki: „Mi ben njan foeroe boen foe Na Wachttoren. A froestan foe mi foe na wortoe foe Gado kon moro bigi. Miljoenmiljoen sma ben feni dati a sabi foe den foe na bijbel ben kon moro bigi.” Meki den si wan moi punt ini na tijdschrift. Tapoe nanga den wortoe: „Wi e feni en wan switi sani foe presteri joe wan abonnement tapoe Na Wachttoren, dati wani taki 24 nomroe foe soso Sf 6,00.”
5 Èn efoe na ososma taki now dati a no abi belangstelling gi kerki ofoe na bijbel? Dan joe ben sa kan piki: „Foeroe sma e denki ini a ten disi na a srefi fasi. Fa joe e denki dati disi doe kon?” (Arki boen, èn gi someni leki joe kan positief kommentaar na tapoe san na ososma taki.) Dan joe kan taki dati foeroe sma ben lasi den bribi ini Gado èn ini na bijbel nanga den sani di sma e doe di taki dati den e bribi ini Gado. Tra sma abi na denki dati na wetenschap èn san disi e leri e meki dati a bijbel tron wan owroeten boekoe. Ini disi joe ben kan aksi: „Ma joe ben aksi joesrefi oiti fa a doe kon dati na bijbel de alaten na boekoe di e seri moro foeroe na grontapoe? Now kaba moro leki hondro jari Na Wachttoren jepi miljoenmiljoen sma foe si na waarde foe na Wortoe foe Gado. Fa so? Foe di a e gi praktisch richtlijn di abi den fundamenti ini bijbel gronprakseri.” (Poti prakseri foe na ososma na tapoe specifiek punt ini na tijdschrift.) Taki leki laatste: „Joe kan kisi foe soso Sf 6,00 den 24 nummer foe Na Wachttoren abra post.”
6 Fa joe o taki foe presteri na abonnement? Prakseri disi dati wan positief fasi e jepi foe sani waka boen gi joe.