Pristeri a boen njoensoe — Nanga abonnement
1 „’Loekoe! Dé e kon’, na so Jehovah a [Soeverein] Masra taki, èn mi sa seni séker wan angri go na ini a kondre . . . foe jere den wortoe foe Jehovah’” (Amos 8:11). Wi kan taki troetroe dati den wortoe disi kontroe na ini a ten disi. Alasé sma de di e angri foe kisi na waarheid. Den moesoe jere na Wortoe foe Gado.
2 Na pipel foe Jehovah kan sorgoe foe a fanowdoe disi. A de sowan hondro jari kaba di wi e gebroiki Na Wachttoren leki wan jepi foe tapoe na jeje angri dati. Ini den 64 jari di psa ooktoe Ontwaakt! ben jepi opregti sma foe kisi soifri sabi foe na waarheid.
3 A no de foe taki dati joe ben firi switi èn ben njan boen foe den foeroe moi artikel di ben kon na ini ala den jari di psa na ini den tijdschrift disi. Foe san-ede oen no ben sa jepi trawan meki den toe njan boen foe den? Fa wi kan doe dati?
NANGA NA PRISTERI FOE ABONNEMENT
4 Toemsi moi ondrofeni de nanga a sroto foe abonnement. Foe eksempre ini Wi Kownoekondre Dienst foe april den ben ferteri wi foe an brada ini den Verenigde Staten di e sroto gemiddeld 150 abonnement ini wan jari. Ala di kande a no e waka so boen a wi tog wi sa moesoe de positief foe kan sroto abonnement.
5 Den positief fasi disi foe denki de toemsi prenspari. Baka di wan kringopziener ben doe na rai di ben gi na ini Wi Kownoekondre Dienst foe mei, a ben skrifi: „Mi ben sa wani taki sote, dati disi wroko so tapoe wi alamala dati a de foe si. Spesroetoe den laatste wiki mi si na difrenti. Foe di den abi wan positief fasi foe prakseri foe a sroto foe abonnement meki a de wan normaal sani te wan otogroepoe kon baka foe a prékiwroko èn den sroto no moro mendri leki fo ofoe féfi abonnement.”
6 Wan tra prékiman foe den Verenigde Staten ben skrifi: „Mi wani taigi oenoe grantangi foe na inlegvel na ini Wi Kownoekondre dienst foe mei. A fasi fa mi ben e si a sroto foe abonnement kenki krinkrin. Den bezwaar di mi ben abi foe na prijs gwe krinkrin te mi e prakseri taki na gemiddelde abonnementprijs na ini den Verenigde Staten na $18,00 wan jari.” Na inlegvel de nanga hilahila prakseri di e gi krakti. Soleki fa wi kan lési ini Wi Kownoekondre Dienst foe Sranan den a gemiddelde abonnementprijs ini oen kondre de foeroe moro hé. A ben sa boen efoe na a bigin foe ibriwan abonnementveldtocht ala sma ben sa lési na inlegvel ete wan tron.
7 A „getrow èn koni srafoe”-klasse sreka wan boen jeje tafra gi oenoe! Den fo Wachttoren foe oktober nanga november di kon na doro abi tori di sa moi srefsrefi foe pristeri na publiki. Na Ontwaakt! foe 8 oktober e taki bradi foe a tori: „A chemisch doti foe a kontren e siki joe? Wan loesoe de!” Èn a tori na a fesiblad foe Na Wachttoren foe 15 oktober de: „Frede — wan marki foe na kaba?”
8 Te joe e pristeri wan abonnement na ini a moen november tapoe Ontwaakt!, dan kande joe kan taki, baka te joe kari joe nen: „Foeroe sma e broko den ede serjoesoe nanga a doti foe na kontren. Disi no e kon moro pikinso, ma a tron joisti wan kefar gi na grontapoe. Joe denki dati wan loesoe de? [Gi okasi foe a piki.] Den njoensoe no e gi foeroe howpoe, ma loekoe tangitangi san a bijbel e taki ini Openbaring 11:18. [Lési èn gi commentaar.] Na ini na Ontwaakt! disi di kon na doro den e sori tapoe na loesoe di e tan. [Taki foe wan toe punt foe na artikel]. Wi e pristeri wan abonnement tapoe na tijdschrift disi. Joe kan kisi 24 nomroe foe Sf 6,00.” (Ofoe kande joe wani pristeri wan abonnement tapoe ala toe tijdschrift foe Sf 12,00.)
9 Kande joe feni en wan prisiri foe pristeri soso Na Wachttoren. Baka te joe ferteri fa joe nen, joe kan taki: „Now di den sani ini a grontapoe e kon takroe dé foe dé, meki foeroe reti-ati sma e kisi densrefi efoe wanten a sa kon moro betre. Fa joe e prakseri foe dati? [Gi okasi foe a sma piki.] Na ini Openbaring 21:4 a bijbel e gi wortoe foe trowstoe foe den kenki di Gado sa tjari kon. [Lési èn gi commentaar.] Na Wachttoren foe 1 oktober di kon na doro abi artikel di e sori dati miljoenmiljoen sma di e libi now, no sa dede noiti moro, ma den kan froewakti foe libi foe tégo na ini wan paradijs na grontapoe. Joe sa feni en séker wan sani di e gi dek’ati. Efoe joe wani, joe kan kisi a tijdschrift disi toe tron ini wan moen na oso foe soso Sf 6,00.”
10 Now di a jeje angri e kon moro tranga, a e meki wi prisiri foe si a kontroe foe Jesaja 65:13: „Loekoe! mi knegti sa njan!” Wi e kisi boen njanjan foe njan! Foe san-ede wi di abi bogobogo jeje njanjan no sa prati en nanga trawan? De positief ini a pristeri foe abonnement!