Tan doe en moro boen
1 Di na apostel Paulus nanga en kompe ben e préki a „boen njoensoe foe Gado” na ini a ten foe na jari 50 G.T. gi den Thessalonikasma, foeroe sma ben teki en leki ’a Wortoe foe Gado’ èn den ben handri akroederi nanga san den ben leri. — 1 Thessalonikasma 2:8; Tori. 17:1-4.
2 Paulus ben leri den bribiman disi ’fa den ben moesoe waka èn plisi Gado’. Baka di a ben kisi njoensoe foe den taki den ben e hori doro nomonomo, a ben gi den sma foe so wan jongoe gemeente dek’ati foe tan gi jesi na a waarheid nanga wan moro bigi faja nanga horidoro. Ija, a ben wani den foe „tan doe en moro boen”. — 1 Thess. 4:1.
3 Wi srefi toe wani foe meki moeiti foe wi bribi kon moro krin na fesi ala di wi e doe faja kownoekondrewroko. Wi moesoe tan waka na ini na waarheid wisrefi ala di wi e préki a boskopoe di kan méne libi gi trawan (Joh. 17:3; 1 Tim. 4:16). Ini a moen november wi sa gi den sma dek’ati na wan spesroetoe fasi foe den poti prakseri tapoe den voorziening foe Jehovah foe kisi tégo libi.
MORO FOEROE MOEITI E TJARI MORO BAKAPISI
4 Foeroe sma no e teki na ten foe lési a bijbel noso foe sori ernstig belangstelling gi na tiri di e gi na ini. Den e bribi taki na evolutie meki hemel nanga grontapoe nanga libisma kon foe de — no taki Gado ben meki den, soleki fa na bijbel e sori. Wi wani gi sma di e denki na dek’ati foe ondrosoekoe den troe tori. Na boekoe Is de mens ontstaan door evolutie of door schepping? e sori na ini wan fasi foe prakseri di abi boen bewijsi ’na tra sé foe na afersi’. Ini november wi sa meki moeiti someni leki a kan foe pristeri den sma a boekoe disi makandra nanga ete wan pikin boekoe foe wan bijdrage foe Sf 2,00.
5 Son sma kande e ferteri joe krin taki den no e bribi a ini evolutie. Gafa den foe na fasi foe prakseri disi. Tokoe nofo aksi e tan abra, soleki: Foe san-ede Gado ben poti libisma na tapoe grontapoe èn foe san-ede kroektoedoe de na grontapoe. Na boekoe e gi bijbel-piki di e gi satisfaksi a tapoe den aksi disi. Den sma di abi respeki gi na bijbel te now ete, sa abi belangstelling gi na bijbel èn wetenschappelek gron foe san-ede evolutie no de troe. Moro fara den sma di abi pikin di e go na skoro, sa feni na Evolutie-boekoe wan warti jepi foe kibri den pikin foe na takroe wroko foe na evolutieleri.
6 Foe kan pristeri na Evolutie-boekoe disi nanga succes, dan wisrefi moesoe abi na overtoigi dati na boekoe disi ben sa kan de gi foeroe sma na bigin foe wan serjoesoe bijbelstudie. Sowan vooruitzicht ben sa moe meki wi de nanga faja. Ete wan stap ini na sé foe succes de taki joe moesoe sorgoe taki joe pristeri a boekoe alaten, sosrefi toe wan es’esifasi te joe miti nanga bisnissma èn sma di joe sabi, noso gi famiri. Skoropikin ben sa kan pristeri a Evolutie-boekoe gi mede-skoropikin nanga den méster toe na skoro. Morofara a sa tjari Jehovah blesi te alaten wi e wroko nanga a pristeri di e skrifi na ini na Wi Kownoekondredienst gi wan spesroetoe moen.
7 A de wan bigi grani foe jepi sma foe ’drai densrefi poeroe komoto foe den kroektoe gado èn kon dini na troe Gado leki srafoe’ (1 Thess. 1:9). Na evolutieleri de wan afkodré sani èn a e drai libisma poeroe foe na troe Gado. Wi wani gi na leri foe na troe Gado ’moro boen’ foe di ini na moen november wi sa gi wisrefi nanga moro faja na ini na veldtocht nanga na Evolutie-boekoe foe a kan waka boen. Disi e kroederi nanga Odo 3:27: „No hori na boen foe no gi den di e ferdini en.”