Pristeri a boen njoensoe — Nanga wan spesroetoe aktie nanga brochure
1 Leki dienstknegti foe Gado wi e howpoe taki wan dé wi sa jere foe na mofo foe wi hemel Kownoe:
2 „Dati joe doe heri boen, boen nanga getrow srafoe. Joe ben tan getrow abra wéniki sani. Mi sa poti joe abra foeroe sani. GO NA INI NA PRISIRI FOE JOE MÉSTRI.” Foe san a feni boen dati foe den e anga èn san ben de den ’wéniki sani’ abra san den ben moesoe de getrow? — Matt. 25:23.
3 Di Jezus ben go na hemel, a ben libi foeroe jeje waarheid nanga goedoe na baka. Alaten a ben de a wani foe Jezus, dati en dienstknegti, fornamkoe na ini na ten disi foe a kaba, de fajafaja bezig foe jepi tra sma foe si na leti foe na waarheid.
4 Efoe wi e go na den sma na ini na gebied, dan a de wan boen sani foe hori na ini prakseri na ini sortoe jeje toestand wi sa feni den: „brokoskin foe frede èn ferwakti omtrenti sani di sa kon abra na grontapoe pe libisma e libi.” San soboen den abi fanowdoe? Na „boen njoensoe” di Jehovah wawan kan gi. — Luk. 21:26.
5 Ini den Evangelieboekoe nanga den brifi foe den apostel joe e lesi wéniki foe ala takroefasi nanga pótifasi ini na grontapoe foe a ten dati. Jezus tokoe ben taki alaten foe Gado Kownoekondre, soboen den ben doe a srefi. Efoe wi doro na den doro, san den ososma moesoe kan memre dan? Takmakandra di e go foe ala takroesani lontoe wi noso wi opregti wortoe foe bribi ini na kon foe Gado Kownoekondre? A sa trowstoe den èn jepi den efoe wi e taki: „Fraw, (noso meneer) joe kan bribi mi tangitangi, Gado sa meki moro betre situwasi kon na grontapoe. A e pramisi dati krin ini na bijbel. Foe kan meki dati psa troetroe Jezus ben dede. Èn wi tanapoe leti na fesi foe en tiri abra na grontapoe. Troetroe joe moesoe teki wan pisi ten foe lési na boekoe disi. Awasi joe no e prakseri so, tokoe joe libi nanga di foe joe famiri didon na ini a doe foe a sani dati.”
6 Na frifasi disi foe taki e kon foe wi opregtifasi. Wi no abi wan sani foe kibri èn wi e méne en boen nanga den sma di wi e fisiti na ini na velddienst. Soboen wi kan ferteri den krin san wi sabi foe na ten di de sjatoe na wi fesi. Leki memre foe na wan enkri, bigi libismafamiri gi soema Jezus ben dede, wi leki srafoe foe Gado abi na reti èn na plekti foe sori wi tra libisma na tapoe fa den kan libi psa na grontapoe rampoe di e kon.
7 Jehovah ben sreka wi dorodoro foe préki a „boen njoensoe” na wan aparti fasi, a no wawan nanga wi persoonlek leri di wi kisi, ma ooktoe nanga ala boekoe di a ben gi nanga jepi foe en grontapoe organisaatsi. Tapoe san wi moesoe wakti now?
BIJBEL EKSEMPRE DI E GI WI DEK’ATI
8 Na jeje foe Gado ben troesoe Filippus, na prékiman netleki wi foe doe a wroko, soleki fa wi e lési na ini Tori foe den Apostel 8:26. Te joe prakseri a tori joe e si en fa ai waka na tapoe na sabanapasi? Te farawe na reissjesi e rij e kon nanga a edeman foe kownoe goedoe di e lési a profétitori foe Jesaja trangatranga. Ma na sjesi e rij toemsi tranga? San Filippus moesoe doe now? Lési makandra na ini vers 30. San wi alamala kan leri foe disi? Foe plisi Gado, wi no e koiri, jejefasi taki, ini en dienst, wi e lon. Na dati Jezus ben bedoel nanga en wortoe ini Lukas 13:24.
9 San e prenki den salfoe prékiman ini disi ten foe a kaba a wan profétis fasi? Joël 2:7-11 e taki foe den èn drape skrifi soboen disi: „Leki tranga man den e lon. Leki sroedati den e kren wan skotoe . . . Den e lon kon na ini na foto. Tapoe na skotoe den e lon.” Wi leki den theocratis kompe wi kan tan na baka?
10 Bakadi na Ethiopia lantiman ben meki Filippus kon na ini en wagi, dan moro fara skrifi na ini Tori. 8:34: „Filippus ben opo en mofo èn foe bigin na na bijbeltekst disi a ben meki a boen njoensoe omtrenti Kristus kon bekenti na en.” Omeni sma lontoe wi, wi e denki, e loekoe foe feni wan sma leki Filippus di de klari foe meki den kon ferstan a „boen njoensoe” krin? Wi alamala man doe disi now foe di wi kan wroko makandra na wan spesroetoe actie foe na Genootschap.
11 Te sma e kon ini a waarheid, dan bijna ala ten wi boekoe ben pré wan rol drape. Leki fa a e sori dan Jehovah Gado ben soekoe na fasi disi foe gi den bodoi foe en wani foe jepi den. Foe dat’ede meki na Genootschap leki wan variatie a lési disi ben poti wantoe pikin brochure ini na boekoepristeri foe a moen. Den de den brochures Het leven heeft veel meer te bieden, Een zekere toekomst — hoe u deze kunt vinden nanga Bestaat er een God die zich om ons bekommert? Den dri brochure disi sa pristeri makandra toe tijdschrift foe Sf 1,00. Fornamkoe na brochure di kari leki laatste e gi moi okasi foe takmakandra. Ini a brochure disi ooktoe na aksi di e kon moro a tapoe de disi: Efoe troetroe wan Gado de di e bada nanga wi, foe san-ede dan a libi na ogri so langa na tapoe grontapoe? Na aksi disi komoto langalanga foe na ati foe foeroe sma èn foe dat’ede a de wan moi fasi foe bigin nanga na pristeri.
12 San wi wani foe doro nanga na actie disi? Na a fosi presi wi e howpoe taki nanga a prati makandra foe kefarlek foeroe boekoe wi kan foe feni foeroe njoen bijbelstudie, èn di foe toe wi e howpoe foe kan meki wan pisi foe den prékiman kon actief baka ini na troetroe préki foe oso-foe-oso. Gi Jehovah jeje foe dat’ede wan kans foe gebroiki joe na ini na spesroetoe actie disi. Èn san Jehovah e taki dan soleki a skrifi na ini Jesaja 55:11? „Èn a sa waka boen troetroe ini na sani foe san mi e seni en go.”
San wi e go doe
13 San oenoe e prakseri foe na actie disi? Den moen di e kon, april, mei nanga juni no de heri moi okasi foe sori wi hemel Tata taki wi ben wani troetroe di wi ben taki: „Loekoe dja mi de foe doe joe wani.” A de a wani foe Gado dati ’ala sortoe foe sma sa kisi jepi’ èn a de wan bigi grani dati a kan meki wi teki prati a ini disi.
14 Wi sa poti nanga wan fri wani wan marki na wi fesi èn si foe Jehovah sa blesi wi moeiti di de fajafaja?
15 Foe troe a de wan tjalansi, ma prakseri pikinso baka na a ten di joe ben bigin préki paspas. Na a ten dati nofotron sani ben waka boen gi joe ini na velddienst nanga aladi ala sani no ben e waka so grati. Ma san ben de na kibritori foe dati? Joe ben e begi Jehovah tranga foe jepi joe ini joe prékiwroko. A ben sa kan foe dat’ede, taki foeroe foe wi abi moeiti foe prati boekoe? Foe di den e frigiti foe tan aksi Jehovah tranga ini begi foe blesi den opregti moeiti foe den ini en dienst? Fa a sa de, taki wi bribi sa kon krakti troetroe efoe wi alamala e wroko tranga ondro begi na na actie disi èn wi e si dan fa Jehovah e blesi wi moeiti. Oenoe no frigiti soboen foe skrifi den adres foe den sma di ben teki boekoe. Prakseri foe den foeroe bijbelstudie di wi o bigin makandra nanga na jepi foe Gado.
16 Wi sa tapoe now nanga na rai ini Job 36:24? „Prakseri taki joe moesoe meki en activiteit kon bigi, di libisma ben singi gi en.”