Yu e preiki nanga wan marki?
1 Yehovah na wan Gado nanga wan prakseri, èn den wroko fu en abi wan marki. Disi musu de so ooktu nanga wi, spesrutu ini a tori fu wi bediening. Yesus ben gi en disipel na komando fu preiki na bun nyunsu, nanga na marki fu gi wan kotoigi (Matt. 24:14). Aladi wi e yepi fu meki a komando disi kon tru, wi musu de fayafaya tu na ini a ondrosuku fu ala belangstelling di ben sori. Disi e kon na krin moro fara ini den wortu fu Yesus na ini Mattèus 28:19, 20.
2 Velddienstbericht e sori dati no na ala sma di e teki lektuur, gobaka e meki. Sonwan kande e hori densrefi na baka èn e denki dati soso bekwaam preikiman, di kan meki kontakti makriki, fiti fu tyari gobaka. Ma a no de so muilek leki fa den preikiman disi kande ben denki. Ma wi musu meki den gobaka fu wi wani taki wan sani.
TYARI GOBAKA DI WANI TAKI WAN SANI
3 Efu yu miti wan sma di abi belangstelling, dan a de bun fu seti na fondamenti wantewante gi yu gobaka. Fa? Son sma ben feni taki a e wroko bun te yu libi na oso sma a baka nanga wan aksi, di kan piki na a tra fisiti. Trawan man fu libi lektuur a baka èn e sori tapu wan aparti punt fu takmakandra te den kon baka. Skrifi spesrutu na nen fu na ososma, na tori di ben taki a fasi fa a ben du na tapu dati èn efu a de so, lektuur di ben gi. Dan luku den bodoi disi, bifo yu o tyari na gobaka, èn prakseri ondro begi san yu sa go taki.
4 Ini na mun november un abi wan tumsi bun okasi fu pristeri wan abonnement tapu Ontwaakt! èn Na Wachttoren na den gobaka. Aladi a de tru dati na ini wi oso-fu-oso bediening abonnement e sroto, toku furu preikiman nanga furu winimarki ben sroto abonnement na den gobaka. Son sma di ben teki tijdschrift na a fosi fisiti fu wi, kande ben pramisi fu abonneer ofu tapu wan ofu tra fasi ben meki kon na krin dati kande den ben sa teki wan abonnement. Dan yu abi den wan fu suma wi kisi wan formulier „Abonnement e kaba”, sma fu unu tijdschrift route ofu sma nanga suma wi ben studeer na ini a ten di pasa. Na abi fu wan abonnnement na tapu Na Wachttoren nanga Ontwaakt! kan yepi fu lekti den yeye nowtu. — Matt. 5:3.
5 Te yu e gobaka na wan sma na suma yu ben gebroiki a tori fu takmakandra di e gebroiki now, dan yu ben sa kan taki: „Di mi ben taki nanga yu, a ben go fu na fanowdu fu libisma fu yeye sani èn fa nanga yepi fu wan studi fu na Wortu fu Gado sma ben kan sorgu fu na fanowdu dati. Luku moro fara sortu winimarki den sma e kisi di e studeri a Wortu fu Gado. [Leisi Yohannes 17:3 èn gi komentaar a tapu] Na Wachttoren èn Ontwaakt! de tumsi bun yepi sani fu yepi un fu lekti un yeye nowtu.” Baka dati yu ben sa kan sori tapu wan aparti tori ini a tijdschrift di yu e pristeri en yu ben kan abra go fu ferteri fu na abonnement pristeri. Hori na ini prakseri dati na marki fu den fisiti fu un de fu opo bijbelstudi, sobun na studiregeling kan ferklari na den ooktu.
POTI TEN NA WAN SEI GI GOBAKA
6 Son sma no e tyari gobaka fu di den no e poti wan faste ten fu dati. Gobaka kan tyari neti yuru, ini den weekeinde, leti baka na oso-fu-osowroko ofu tapu wan tra ten di fiti. Fu san-ede yu no sa poti en leki wan persooonlek marki gi yusrefi fu tyari ala wiki no moro mendri leki wan gobaka? Suku na yepi fu den wan di abi moro ondrofeni ini a pisi disi fu na velddienst. Firi yusrefi fri fu aksi yu bukustudileider bodoi ini a tori disi. Kande yu wani kisi ondrofeni tu fu di yu e go nanga wan pionier ofu preikiman di de bekwaam tapu a kontren disi.
7 Na ini a tori fu na kristendiniwroko na apostel Paulus ben taki fu prani sobun leki gi watra (1 Korinte 3:6, 7). Sobun wi abi na frantwortu fu gobaka na sma nanga na marki fu bigin wan bijbelstudi. Wi prisiri seiker sa kon moro furu efu wi preiki nanga wan marki.