Prèyse Yah fu di yu e sroto abonnement
1 Fa a de wan prisiri fu kisi ibri yuru baka nyun uitgave fu Ontwaakt! Na tumusi bun tijdschrift disi e yepi wi fu tan de sabisabi fu sani di e psa na grontapu èn di e abi fu du nanga beybri profeytitori. Na so wan fasi wi kan si na warti fu wi okasi fu prèyse Yehovah moro betre. — Amos 3:7; Hebr. 13:15.
2 Ini 1989 Ontwaakt! tyari te now tumusi bun tori, so leki „Suma sa kisi grontapu leki den porsi?” „San e psa nanga den morele warti?” nanga „Tranga ogridu — San yu kan du?” Den sortu bodoy dati e bigi wi warderi gi Na Wachttoren, di moro leki hondro yari kba de wan fetiman gi Gado kownukondre leki na trutru lusu gi den problema fu na libismafamiri. Makandra den tijdschrift disi leysiman kon wiki, so taki den e si fa den sani di e psa noya de wan marki fu „den lasti dey” fu na owru seti fu sani disi (2 Tim. 3:1-5). Èn ini april nanga mei fu na yari disi dan a no de fu taki taki den historya uitgave fu Na Wachttoren ben de, di na wan deki-ati fasi den ben puru na gadolowsu Babylon na Bigiwan en bere kon na doro.
ABONNEMENT E SORGU FU YEYE NNYAN
3 Ini november wi sa abi na grani fu pristeri abonnement tapu Ontwaakt!, Na Wachttoren ofu tapu ala tu. Ibri memre fu yu yu osofamiri abi wan abonnement? Efu a de so, dan yu sreka moro betre fu rikomanderi den na trawan fu den tu teki wan abonnement. Leki wan sma di e leysi Na Wachttoren so bun leki na Ontwaakt! doronomo, yu kan de net so fayafaya te yu e pristeri na abonnement leki te yu e pristeri luku eksemplaar tapu tijdschriftdey.
4 No krutu sani a fesi efu wan sma ben sa wani abonneer en srefi, ma meki moro furu na sma du wan sani tapu yu opregti, fayafaya pristeri. Wan sisa ben kisi yepi fu kweki wan moro positief fasi fu di a ben go prakseri den wortu: „Yu no kan krutu wan buku efu yu luku soso a kafti fu en.” A ben leri taki moro furu a musu de leki Yehovah, di no abi partèy (Tori. 10:34). Boyti ini yu doro-fu-doro diniwroko yu ben pristeri abonnement so srefi tu na sma nanga suma yu e stuka na beybri, na suma yu abi wan tijdschriftroute, na konpe wrokoman, birti nanga famirman, èn te yu e du stratiwroko?
5 Furu sma ben miti ososma di ben taki taki na a momenti dati den no ben abi moni gi na abonnement. Ofu den e taki kande taki fu wan tra reyde a ten no ddon bun gi den fu den teki wan abonnement. Te dati e psa na sma wani fu teki wan abonnement gi en srefi, skrifi dan na a fosi fisiti dati na abonnementbrifi, èn go bakaten baka fu teki na bijdrage. Sorgu fu gobaka tapu na ten di unu ben meki mofo fu en. Disi e poti krakti tapu a belang fu skrifi den oso-fu-osorapport finifini.
OKASI PREYKI
6 Aladi na go di wi e go doro-fu-doro de na moro prenspari pisi fu wi preykiwroko, toku mi sabi taki okasi preyki ini a ten disi e kisi aparti krakti. A de wan tumusi bun fasi fu miti den sma di no de na oso te wi wroko oso-fu-oso. Èn fa a de nanga den konpe fu yu na yu grontapu wroko? Wan brada ben teki na bosroyti fu preyki nanga taktik gi en konpe wrokoman ini wan mun fu na abonnementwroko. Na a bigin a ben poti wan marki fu 10 abonnement gi a mun dati gi en srefi. Ma a ben fruwondru pikinso di a doro na marki dati na ini tu dey. Prakseri en prisiri pikinso di a ben kan skrifi 68 abonnement gi na mun dati!
7 Ini november wi kan pristeri abonnement te wi e go oso-fu-oso, te wi e tyari gobaka èn te wi e du okasi preyki. Te sma e weygri na abonnement, wi kan taki so wan sani leki: „Aladi yu no winsi fu abonneer yu srefi na a momenti disi, mi denki taki yu sa nyanbun fu na tijdschrift fu san wi taki didyonsro. Wi e libi en na baka makandra nanga na tijdschrift disi di wi e gi nanga en fu wan bijdrage fu soso Sf 1,00.” Na a fasi disi furu tijdschrift e prati.
8 Na psalmsingiman e gi wi deki-ati: „Prèyse Yah” (Ps. 147:1). Fa a fiti gi wi fu prèyse Yehovah fu di wi e pristeri ini november na abonnement tapu Na Wachttoren nanga Ontwaakt!