Abonnement — ’Koni di e bari tranga’!
Ini 1939, na jari foe na fosi „Wachttoren”-abonnementveldtocht, 67.229 prékiman ini 59 kondre sroto 121.073 njoen abonnement. Now Na Wachttoren de foe kisi ini 102 tongo èn Ontwaakt! e gi ini 52 tongo. Abonnement de foe kisi ini den tongo di tanapoe na bladzijde 2 foe den tijdschrift. San den bakapisi sa de ini mei nanga juni foe na jari disi, now di Na Wachttoren èn Ontwaakt! de foe kisi ini someni moro tongo?
1 Aparti foe na broeja babari foe libisma koni wan sten de krin foe jere, di e taki a waarheid èn e sori tapoe Gado Kownoekondre leki na wan enkri loesoe foe den problema foe den libismalo. Na sten dati de Na Wachttoren. Den 103 jari di psa na Wachttoren de (bakaten makandra nanga na Ontwaakt!) leki koni ’di e bari tranga’. Miljoenmiljoen sma kisi jepi foe loesoe densrefi foe na broeja foe na falsi bribi, leri èn foe grontapoe prakseri èn go waka na grati pasi go na wan moro betre libi, now èn ini na ten di e kon (Odo 8:1; 1 Tim. 4:8). Wi e jere na kari dati èn e teki en na wan boen fasi. Wi kan jepi tra sma foe doe a srefi?
POSTIEF LOEKOE DE FANOWDOE — JOE ABI DATI?
2 O prenspari Na Wachttoren de gi joe jeje libi? Dati de wan afersi foe libi? Efoe a de so, dan joe moe lési geregeld Na Wachttoren, bika Na Wachttoren „e hori ensrefi na a bijbel leki autoriteit”, soleki bladzijde 2 foe ibri nomroe sori ini san skrifi foe na marki foe Na Wachttoren. Èn dan joe wani dati trawan toe — joe famiri, mati èn birti lési en geregeld. Joe sabi, boiti na bijbel, wan tra vorm foe boekoe di e gi so foeroe koni foe Gado leki Na Wachttoren? Joesrefi abi wan abonnement? Joe osofamiriman abonneer?
3 Te wi abi wan positief jejefasi gi Na Wachttoren, dan disi wani taki dati wi abi wan joisti warderi gi san tanapoe na ini. Dan wi sa lostoe, te wi abi na overtoigi wantron kaba foe na warti di a abi en wawan, foe loekoe nanga gridi foe na kon foe ibri nomroe, foe lési dati èn foe no draidrai foe presteri en ini na velddienst gi tra sma. San na boekoe Odo e taki foe koni, kan jepi wi foe bepaal na waarde foe na tijdschrift disi te wi teki en gersi nanga tra tijdschrift:
„Na troe koni bow en oso; a koti nanga haksi èn sébi postoe. A orga en srakti foe meti; a moksi win; moro leki dati, a seti en tafra. A seni en oema-foetoeboi go, sodati na tapoesé foe den hé-presi foe na foto den kan bari taki: ’Ala sma di no abi ondrofeni, kon djaso.’ Ala sma di mankeri ati — a taki gi den: ’Kon, njan mi brede èn teki prati ini a dringi foe na win di mi ben moksi. Gwe libi den wan di no abi ondrofeni èn tan na libi, èn waka let’opoe foe na pasi foe na froestan.’” — Odo 9:1-6.
4 Na koni foe Gado di skrifi ini a kapitel disiOdo 9 èn ini Odo kapitel 8, de ini srapoe kontrari nanga na immoreel koni foe na grontapoe, di kapitel 7 e skrifi foe en. Tra fasi leki na hoeroe nanga triki di na kibrifasi ini doengroe e didon loeroe, e kori a sma kon ini wan trapoe èn e tjari en kon na den inisé kamra foe na dede, na koni e meki sma jere a kari foe en na publiki „tapsé foe den hé presi”. A de kari den sma di e arki na en foe kon ini en stéfi boen oso di sidon tapoe „sébi postoe” (Odo 7:27; 8:2; 9:1). Koni e orga wan fesa njanjan foe vers njanjan èn dringi foe meki na froestan nanga ati foe den fisitiman foe en kon kowroe.
5 Fa wi ben kan tjari na agersitori kon tapoe wi jeje libi ini disi ten! „Na getrow èn koni srafoe”-klasse e loekoe dati den „osoknegti” foe Kristus èn den tra skapoe di e konmakandra nanga den, kisi njanjan na jeje fasi leki fa a moe de (Matt. 24:45; Joh. 10:16). Fa disi e wroko? Moro foeroe nanga jepi foe na tijdschrift Na Wachttoren. Na sreka foe wan srakti fesanjanjan e aksi foeroe takimakandra èn planning a fesi èn dati de so toe gi Na Wachttoren. Den artikel na ini, neleki ’meti’ nanga ’win di moksi’, e meki Jehovah pipel kon tranga èn kolokoe na jejefasi (Odo 9:2). Loekoe fa son kownoekondre prékiman e denki foe nomroe di ben kon na doro no so langa psa kaba:
● „Ini na fosi presi den tjari pisi foe den Santa Boekoe kon na krin gi mi, di noiti mi ben sabi fa foe doe nanga den. Ini na tweede presi den opo na pasi go na njoen kontren foe stoeka moro fara. Moro ete leki dati den ben meki dati mi firi misrefi moro krosbé na Jehovah, leki wan moro persoonlek mati.”
● „Nanga den sari sani foe na disiten ogri seti foe sani dan ala den njoen problema e kon di wi moe kakafoetoe gi den. Na Wachttoren èn Ontwaakt! e jepi wi foe si den problema disi èn foe loesoe den te den sori densrefi.”
● „Grantangi, Wachttoren, foe joe tranga wroko foe meki ibri man ini na grontapoe sabi en jeje nowtoe.”
Joe e denki a srefi toe foe Na Wachttoren nanga Ontwaakt!?
FOE SAN-EDE FOE ABI WAN PERSOONLEK ABONNEMENT?
6 Efoe ibri memre foe joe osofamiri abi wan abonnement, efoe a no de tapoe ala toe tijdschrift, dan tokoe ini ibri geval tapoe Na Wachttoren, dan na kon foe ibri nomroe nanga post de leki ’na koni e bari tranga’. Na sofasi wi e kisi alaten baka na ini wi memre foe teki jeje njanjan ini wi. Ma joe no kan kisi na srefi jeje njanjan te joe e teki joe persoonlek studie exemplaar ini na kownoekondre-komakandrapresi? Ja, efoe joe no misi foe teki a nomroe dati sodra a kon. Tokoe a abi winimarki foe kisi joe persoonlek exemplaar foe na post. Sortoe winimarki na dati?
7 Foe bigin.joe jeje njanjan e kon na joe ini joe oso, te kande a de makriki foe lési direkt wan ofoe toe artikel. Te joe ben sa teki den tijdschrift ini na kownoekondre-konmakandrapresi, dan joe ben moe wakti nanga a lési te bakaten ini a dé efoe joe no weri. A rede disi e meki wi si dati persoonlek abonnement e gi winimarki ini a tori tapoe na horidoro foe joe persoonlek studieschema èn dati foe en sé baka, de wan jepi gi joe, èn ooktoe gi den sma di joe e préki gi. Prakseri: O moro joe e lési o moro zelffertrow joe e abi na den doro. Disi e go anoe ini anoe.
8 A sani disi psa oiti nanga joe? Joe e soekoe na heri oso, ma no wan presi joe kan feni studie exemplaar foe Na Wachttoren. Bakaten fosi now joe e si dati joe ben versprei en ini na velddienst. Te joe abi wan persoonlek abonnement dan so wan ferferi sani no sa psa nanga joe. Séker a no sa de so dati joe sa versprei joe égi exemplaar foe na tijdschrift, spesroetoe efoe joe no ben studeri en kaba èn ben poti marki na ini. Joe srefi kan kari moro winimarki ete?
9 Gi pikin a de toemsi boen foe abi den égi abonnement. Sortoe pikin no e feni en wan switi sani foe kisi post foe ensrefi? Ini wan Zuid-Amerkan kondre den toe oemapikin ben taki den mama foe den grantangi foe den égi persoonlek Wachttoren-abonnement nanga den wortoe: „Disi de a moro moi kado di joe ben gi wi oiti!” Èn dja e kon now san son foe wi brada foe tra kondre ben taki foe na waarde foe wan égi abonnement gi prékiman:
● FRANKRIJK: „Mi sabi wan osofamiri pe ibriwan foe den abi en égi persoonlek abonnement. Den e man moro makriki foe lési den èn a boen krakti di dati abi, kon na krin te den e presteri den a den doro.”
● BRASION: „Wan oemapikin foe siksi jari ben abi en égi abonnement. Na papa abi na faste overtoigi dati te den pikin abi den égi abonnement tapoe den tijdschrift awinsi den de jongoe ete, disi sa tjari den waarde foe na tijdschrift kon a den prakseri èn na fanowdoe foe de netjes tapoe den.”
● ZUID-AFRIKA: „Mi papa nanga mama no ben abi en, ma tokoe wi leki pikin ala fo ben abi wi égi abonnement. Alaten mi ben prakseri dati na Genootschap ben sabi mi persoonlek. A tijdschrift ben de tapoe mi nen èn so mi wawan ben kan opo en. Srefi bifo wi ben kan lési wi ben kisi wi égi Wachttoren.”
● VERENIGDE STATEN: „Mi ben de wan foe den fo pikin ini mi ososfamiri. A ben de ini den moeiliki jari. A ben moeilek foe kisi moni, ma mi ben go koti grasi foe verdini mi égi abonnement, soso foe na prisiri di mi ben abi na ini foe kisi en foe post nanga mi égi nen a tapoe.
10 Joe abi joe égi bijbel èn égi singi-boekoe. Foe san-ede a no de so nanga joe égi abonnement? Te joe abi na overtoigi wantron kaba foe den winimarki di de wawan foe wi toe tijdschrift, dan wi sa kweki na natuurlek lostoe foe overtoigi tra sma toe foe na waarde foe en. De positief ini joe jejefasi gi na „koni” di e bari tranga nanga jepi foe Na Wachttoren èn Ontwaaakt! Fa joe e doro na marki dati?
PRESTERI NA ABONNEMENT NANGA FOEROE FERTROW
11 Na apostel Paulus no ben draidrai foe prati na boen njoensoe nanga tra sma. Na presi foe dati, a ben „taki fri ini na nen foe Jezus” (Tori 9:27). Den agersi oemasma foetoeboi foe na koni „e bari taki” nanga foeroe fertrow foe kari den sma di no abi ondrofeni foe tesi a koni foe Jehovah. Den sma di e libi na wi sé ben sa prisiri ini wan moro betre libi kande séker, èn kweki joisti boewégi foe ati efoe den ben sa njan boen foe Gado koni ini Na Wachttoren èn Ontwaakt! Dati sma abi fanowdoe, efoe den wani „tan na libi” (Odo 9:3-6). Efoe wi de ini na velddienst, dan wi toe ini na krakti foe Gado moe tjari komakandra fri èn presteri na abonnement nanga fertrow na ibri ososma. — 1 Thess. 2:2.
12 ’Ma na ososma no wani wan abonnement’, joe e taki kande. Djompo psa na negatief jeje skotoe dati! Nofotron a no de na publiki di no wani, ma a de wi égi fasi gi abonnement di moe kenki. Loekoe pikinso na den eksempre di e kon now:
● Te wi e bedien gemeente ini na abonnementveldtocht wi e poti krakti a tapoe dati a de prenspari foe presteri abonnement na ibri oso, èn wi no moe aksi wisrefi ofoe wi e doe boen foe doe so. Meki na ososma teki na bosroiti dati, no teki dati gi en. Prékiman ben komoto ini na velddienst nanga den wortoe disi: ’Mi ben prakseri troetroe dati den no abi belangstelling, ma mi presteri na abonnement èn den teki en.’ — Kringopziener, Verenigde Staten.
● „Wan dame ben wégri foe teki toe tijdschrift. Wi ben tjari kon na fesi dati wi no de seriman. Di wi tjari kon na krin dati wan sma kan abonneer ensrefi tapoe ala toe tijdschrift, na dame leki wan froewondroe sani gi wi ben teki a presteri foe wi! Sortoe les wi kan leri foe na ondrofeni dati? Doe a presteri foe joe sistematisch na ibri doro èn libi na boisroiti gi na sma.” — Districtsopziener, Frankrijk.
● Wan prékiman nanga soema mi ben wroko, taki dati noiti ete a sroto wan abonnement, aladi a moro leki 20 jari a ben de wan prékiman. Di mi ben aksi en san ben de na moeilekheid, a ben piki: ’Den sma gewoon den no abi belangstelling ini wan abonnement. Sortoe zin a abi foe presteri en dan?’ Na a fosi oso mi presteri na abonnement èn na ososma teki wan abonnement tapoe ala toe tijdschrift. Soboen mi gi tranga na a brada foe proeberi en na a tra oso. Dati a doe. Leki wan froewondroe sani gi en, a sroto ooktoe toe abonnement.” — Kringopziener, Brasjonkondre.
13 Joe abi a prakseri dati den dé foe na tijdschrift psa kaba? Den ondrofeni tori di tanapoe dja na tapsé èn den statistiek e taki wan tra tongo. Wan ondrosoekoe e sori ini den dritentin jari di psa foe 1951-1984 den oplage foe grontapoe tijdschrift ini den Verenigde Staten ben kon a fesi nanga 92%. Disi a no de foe taki de fenomenaal. San den cijfer foe Sranan e meki wi si? Den cijfer e sori dati oen no kan taki foe wan go na baka ini na nomroe sma di e lési nanga ala prisiri tijdschrift nanga boekoe. Foe 1974 te go miti 1980 na nomroe foe sma di e lési tijdschrift nanga boekoe regelmatig na ini Sranan kon moro foeroe.
14 No hori foe dat’ede wan negatief prakseri ma de positief. No wakti nanga na presteri foe na abonnement te leki joe feni moro leki gewoon belangstelling. Presteri nanga foeroe fertrow na abonnement na ibri oso.
NA PRIJS FOE NA ABONNEMENT DE JOISTI
15 Sosrefi toe wi houding gi na abonnementsprijs de prenspari. A troe dati son kondre leki wan bakapisi foe den portokostoe 24 exemplaar foe na tijdschrift kon moro diri foe kisi en foe post leki foe bai loesoe nummer. Ini Japan foe eksempre wan jari abonnement e kostoe te joe drai en poti na Amerkan dollar $7,20, tegen $4,80 foe 24 loesoe nomroe — afoe soboen moro. Tokoe den prékiman sroto ini 1980 sowan 124.852 abonnement. Na abonnementsprijs joisti. Dja toe ini Sranan wi no abi foe draidrai foe presteri wan jari-abonnement foe Sf 6,00. Wan ondrosoekoe foe wan statistiek e sori dati na gemiddelde jari abonnementsprijs di ibri foe wi tijdschrift di e kon na doro dja de moro leki tin tron so hé den ben kon leki na prijs foe wan abonnement tapoe wan foe wi tijdschrift. Boiti dati, gi foeroe sma wan abonnement de na wan enkri fasi fa den kan kisi geregeld den tijdschrift.
16 Ini Brasjonkondre wan kownoekondreprékiman ben taki: „No teki en leki wan sani di de so dati bepaalde sma no abi moni gi wan abonnement. Foeroe sma e gi moni na sani di no wawan abi pikinso waarde, ma srefi no boen gi densrefi, soleki tabaka. Wán prékiman ben draidrai foe presteri wan abonnement na wan owroeman di ben weri póti krosi, di en oso no ben loekoe so boen toe. A no ben teki wawan wan abon-nement, ma a taki toe dati a ben sa meki wan spesroetoe brifi-boksoe na en doro foe kisi den tijdschrift.” Èn a tapoe san son prékiman e sori a tapoe nanga ala prisiri: na prijs foe wan abonnement de moro pikinso leki a prijs foe wán preti njan ini wan restaurant ofoe naprijs foe wan fisiti na wan barbir.
FASI FOE SROTO ABONNEMENT
17 Abonnement sa sroto tapoe den fasi di e kon now: oso na oso, go baka, na strati, te wi e gi kotoigi ini bisnis gebied, na birti, sma foe wi wrokope ofoe sma foe wi skoro, sma di e fisiti a memrefesa èn leki wan kado gi famirman. Joe bijbelstudie abi wan égi abonnment? Joe prakseri tra sma ete pe joe kan sroto wan abonnement?
18 Dja wan toe fasi e kon pe wi brada nanga sisa ben sroto abonnement:
PRÉKI FOE OSO NA OSO: „Mi oema e meki boen gebroiki foe spesroetoe sani ini na njoensoe di psa èn e gebroiki dati ini Tori foe Takimakandra. Na wan dé a sroto 10 abonnement.” — Kringopziener, Frankrijk.
GO BAKA: „Na difrenti adres mi e proberi now ala ten toe foe presteri na njoen congres boekoe èn wan abonnement. So mi taki nanga wan man pe mi ben go foeroetron èn mi meki a si na moi fo kloroe boekoe. A teki en wantron-wantron. Nanga na dek’ati dati foe na entousiasme foe en, wantronwantron mi presteri en sosrefi toe wan dobroe abonnement. A no draidrai no wan momenti èn mi kan skrifi toe abonnement.” — Owroe prékiman ini Nederland.
STRATIWROKO: „Mi taki nanga wan oema èn aksi en ofoe a lési den tijdschrift oiti. ’Ija’, a piki, ’wan toe moen psa kaba’. Mi gebroiki na okasi disi foe presteri na abonnement èn sroto wan dobroe abonnement.” — Prékiman, Doisrikondre.
KADO-ABONNEMENT: „Bikasi mi otomonteur de nanga so switi maniri gi mi, meki mi seni wan kado-abonnement gi en foe sori a warderi foe mi. Sébi jari na baka no soso na monteur, ma twarfoe trawan ben teki wan faste bosroiti ini a waarheid.” — Prékiman, Australiakondre.
SMA NA WROKOPE: „Wan brada sroto ini wan moen ten 41 abonnement na en wrokope. En presteri ben de eenvoudig. A ben aksi soso na en collega efoe den lobi boen boekoe. Ef a piki ben de ja, a ben presteri den na abonnement.” — Prékiman, Brasjonkondre.
TIJDSCHRIFTROUTE: „Na mi tijdschriftroute mi e prani na siri gi wan abonnement ini na froestan foe na ososma te mi e taki: ’Joe ben prakseri wan dé foe wan abonnement tapoe den tijdschrift disi?’ Èn dati mi e taki dan ibritron te mi e psa. Te foe kaba a moro bigi pisi foe den sma ben teki dan wan abonnement. Mi e sroto gemiddeld 150 abonnement wan jari.” — Prékiman, Verenigde Staten.
PRAKTISCH RAI
19 Den rai di e kon now komoto foe na heri grontapoe. Joe kan njan boen foe sonwan foe den ini na gebied pe joe de?
● Ferteri o langa joe e kisi na abonnement kaba. — Verenigde Staten.
● Meki den si na inisé foe na fesisé foe na tijdschrift, pe joe e poti prakseri tapoe na internationaal lési kring, na nomroe foe tongo èn na oplage. — Zuid-Afrika.
● Meki den si fa den artikel alaten e go doro tapoe den bladzijde di e waka baka makandra sodati wan sma no abi foe soekoe alaten baka pe na artikel e go moro fara na wan tra bladzijde soleki a de na foeroe tijdschrift. — Canada.
● Gebroiki na traktaat Wi e kon krosbé foe Armageddon (Kownoekondrenjoensoe no. 31), nanga en prenki foe wan paradijsgrontapoe a bladzijde 2 nanga èn den tijdschrift na bladzijde 39 leki wan bigin. — Verenigde Staten.
● Meki den sma si san de ini difrenti exemplaar, soleki „Alcoholisme” (a de wan srafoe foe sopi), „No de toemsi owroe foe leri”, nanga so moro fara. Wan ososma di ben de entousiast foe disi teki toe abonnement tegelijk. — Nederland.
● Teki joe égi exemplaar foe Na Wachttoren, nanga den aantekening foe na studie di de na ini, èn lési wan toe foe den edeprakseri di joe e feni moi. Teki wan njoen exemplaar foe joe tas èn presteri en dati. — Verenigde Staten.
● Teki wan ingebonden jaargang nanga joe go na wan bijbelstudie noso go baka èn sori taki foe siksi koloe ini wan jari den e kisi wan naslagwerk foe 768 bladzijde di joe ben sa kan agersi nanga wan bijbel encyclopedie. — Verenigde Staten.
20 Na wortoe „abonnement” e skreki foeroe sma. Den e prakseri dati na wortoe wani taki „tron wan memre foe wan sani ofoe wan grontapoe seriman èn bidrigifasi”, wan toe bijkantoro foe na Wachttorengenootschap e taki. Foe dat’ede son prékiman ben si winimarki foe taki a sani na a fasi disi:
● „Dan joe e kisi toe tron ini wan moen wan tijdschrift, di postbode o tjari gi joe na wan safri fasi.” — Frankrijk
● „Joe kan kisi den 24 nomroe di o kon direkt foe den sma di e tjari den kon na doro nanga post”. — Nigeria.
● Den o seni a tijdschrift gi joe wan jari langa sondro tra verprekti. Seni den kon gi joe e stop automatisch, efoe joesrefi no langa na abonnement go moro fara. — Frankrijk
● „Misrefi e kisi a tijdschrift disi na wan geregelde basis èn mi si dati mi heri osofamiri abi wini foe en. Joe toe kan bestel ala nomroe foe a tijdchrift disi foe wan heri jari.” — Australië.
● „Wan jari langa joe kan kisi wan bijbel-cursus nanga aksi di druk na son artikel.” — Verenigde Staten
21 Na fosi Wachttoren-abonnementveldtocht ben bigin ini januari 1939. Den marki: 100.000 njoen abonnement. Den ben doro a marki dati? Ija! A jariboekoe foe Jehovah Kotoigi foe 1940 e ferteri dati 121.073 njoen abonnement ben sroto nanga jepi foe 67.229 prékiman ini 59 kondre. Ini Noord Europa na nomroe abonnement ben kon moro leki 2 tron someni, san ben meki a sani di e kon now ben taki ini na 1940 Jariboekoe: „A fesi na veldtocht disi wi no ben si en leki wan sani di kan foe sroto Wachttoren-abonnement ini na oso na osowroko, ma Masra tanapoe na ede foe en organisaatsi èn e gi wi alaten toemsi moi wondroesani efoe wi gi jesi nomo na den komando di wi e kisi.”
22 Wi kan poti gi wisrefi wan persoonlek marki? Feti dan foe sroto a moro pikinso wan njoen abonnement gi wan prékiman èn fo gi ibri pionier. Joe sa doe ala moeiti foe sorgoe dati na ’koni e bari tranga’, foe di joe e tan de druk bezig nanga na tijdschrift-wroko? Efoe joe moe doe dati, joe sa jepi joesrefi èn tra sma ’foe waka let’opoe tapoe a pasi foe na froestan’. — Odo 9:6.
[Schema na tapoe bladzijde 10 di e tjari sani kon na krin]
Prijs foe tijdschriftabonnement ini négi kondre
(Efoe joe wani sabi pe den sani disi skrifi, loekoe a Kownoekondre dienst)
■ Prijs Wachttoren
□ Gemiddelde prijs foe prenspari tijdschrift
Australië
Wachttoren ◼
Tra tijdschr. □□□□□□□□□□□□□□
Brasjonkondre
Wachttoren ◼
Tra tijdschr. □□□□□□□□□□□□□□□□□□□□□□□□□□□□□□□□□□□□□□□□□□□□□□□
Canada
Wachttoren ◼
Tra tijdschr. □□□□□□□□□□□
Doisrikondre
Wachttoren ◼
Tra tijdschr. □□□□□□□□□□□□□□□□□□□□□□□□□□□□
Frankrijk
Wachttoren ◼
Tra tijdschr. □□□□□□□□□□□□□□□□□□□□□□□□□□□□□□□□□□□□
Groot-Brittannië
Wachttoren ◼
Tra tijdschr. □□□□□□□□□□□□□□□□□□□□□□□□□□□□□□
Nederland
Wachttoren ◼
Tra tijdschr. □□□□□□□□□□□□□□□□
Verenigde Staten
Wachttoren ◼
Tra tijdschr. □□□□□□□□□□□
Zuid-Afrika
Wachttoren ◼
Tra tijdschr. □□□□□□□□□□□□□□□□□
* Prijseenheid 0 1 2 3 4 5 6 7 8 9 10 11 12 13 14 15 16 17 18 19 20
* Ibri wan eenheid e kroederi nanga na prijs foe wab Wachttoren-abonnement.