Go séker baka
1 A jari di psa wi ben prati na ini Sranankondre 31.327 bijbel, boekoe nanga brochure. Sowan 188.430 eksemplaar foe Na Wachttoren èn Ontwaakt! ben go na den sma. Na kefarlek bigi prati disi foe boekoe e tjari na frantwortoe nanga en foe tjari go-baka na den sma di sori belangstelling foe jepi den tron discipel. — Matt. 28:19, 20.
2 A de wan sani foe prijse dati na frantwortoe disi wi ben teki na wan serjoesoefasi. A jari di psa wi ben tjari ala nanga 92.980 gobaka èn ben ori gemiddeld 1211 osobijbelstudie ala moen. Jehovah ben gi en ségi na dati èn 100 sma ben teki dopoe.
3 Kande son sma no e tjari gobaka alaten. Trawan baka no e hori wan bijbelstudie ete. Efoe na skinfasi èn tra omstandigheid e gi pasi foe dati, joe abi dan wan prati na den tak disi foe dienst? Efoe dati no de so, joe no ben sa feni en troetroe moi foe meki joe diniwroko moro bigi, pikinso leki soso foe prati lektuur oso-foe-oso?
4 Ini a fosi presi joe moe kweki wan positieffasi èn fertrow a tapoe dati Jehovah sa blesi den moeiti foe joe. A kan de séker dati joe ben leri sabi na waarheid foe di wan sma ben wiki na belangstelling di joe ben abi biginbigin èn ben gi joe bijbelstudie. A de wan sani di de wan heri natuurlek sani dati na warderi foe san joe ben kisi de foe si na ini na moeiti di joe e doe foe jepi wan tra sma tapoe asrefi fasi. — Openb. 22:17.
5 A no de foe taki dati problema de foe wini. A kan aksi ekstra moeiti foe meki mofo nanga tra sma foe tjari gobaka na neti, te a de séker dati joe kan miti na sma na oso. A kan de fanowdoe foe wini den tranga kerki prakseri di a e kroetoe sani fosi a ondrosoekoe den. Kande joe e miti sma di lobi den lektuur foe oenoe, ma di foe gens nanga spotoe ede e draidrai foe teki studie. Wi kan wini den moeilekheid disi. Trawan di a ben waka boen gi den kan jepi joe foe kakafoetoe gi den tjalansi disi na wan bekwaamfasi.
6 No meki wan sani hori joe na baka na ini a tjari foe frantwortoe ofoe nanga wan firi foe onbekwaamheid foe tesi den prisiri foe na gobaka nanga na bijbelstudiewroko. Fertrow tapoe Jehovah èn begi foe en jeje mag jepi joe. Hori wan boen oso-foe-oso rapport foe ala lektuur di joe ben libi gi sma èn tra belangstelling di sma ben sori. Leri foe gebroiki na Tak-go-tak-kon-boekoe na ini a piki foe bijbel aksi. Kari na jepi foe prékiman di abi ondrofeni.
7 Te joe e tjari gobaka getrow na sma di abi belangstelling èn joe abi wan prati na a hori foe bijbelstudie, a prisiri foe joe sa de pasamarki.