Tan hori wan tranga bribi nanga jepi foe persoonlek-studie
1 Studie foe na bijbel de gi wan jeje gesontoe èn wan tranga bribi asrefi leki boen njanjan gi na tanboen foe skin. Joe no kan de tranga a jejefasi sondro geregeld persoonlekstudie foe na bijbel. Boiti foe dati, dan boen studie-gwenti e jepi oenoe foe hori wan tranga bribi èn na sofasi kakafoetoe nanga boen bakapisi gi den faja péri foe Satan foe ferfolgoe, lobi foe goedoe èn kori foe go doe ogri. — Efese 6:16.
DEN WINIMARKI FOE PERSOONLEK STUDIE
2 Persoonlekstudie e meki oen kisi boen foeroe ferstan foe na bijbel. Wi e kisi jepi foe bow wan tranga bribi èn foe graboe na bradi nanga na langa nanga na hé nanga na dipi foe na lobi foe Kristus (Rom. 11:33; Ef. 3:16-19). Leki wan froktoe foe na jeje, dan bribi e tron wan krakti ini wi libi di e poesoe wi. Wi e kisi jepi foe weri na njoen sma di wi moe de èn foe tjari wisrefi leki sma di abi jeje fasi (Gal. 5:22, 23; Ef. 4:24). Wi e de srekasreka moro boen foe kakafoetoe gi persoonlek problema. Wi e man foe loekoe psa den fowtoe foe trawan èn foe meki vrede nanga wanfasi go a fesi na ini na gemeente (Kol. 3:10, 13, 14). Ala disi kan de wan kowroe-ati gi wi nanga tra sma.
3 Persoonlek studie e jepi wi ooktoe moro boen foe jepi sma di abi belangstelling nanga soema wi e kon na ini kontacti na ini na velddienst. Joe sa man ’foe opo taki nanga foeroe fertrow nanga ibri-wan sma di e aksi foe oenoe wan réde foe na howpoe di de na ini oenoe’ (1 Pet. 3:15). Netleki na eksempre foe wi, Kristus Jezus, na so wi kan taki leki wan sma di abi makti, foedi wi abi soifri sabi foe a wani foe Jehovah èn man foe tjari san a bijbel e leri kon na krin tapoe wan krin èn logis fasi. — Matt. 7:28, 29.
FA ÈN OTEN FOE STUDERI
4 Wi e poti leki marki na wi fesi foe doe moro leki lési soso, na studie-materiaal wawan. A e teki ten foe go denki foe san wi e lési. Aksi joe srefi: Fa a materiaal e abi foe doe nanga mi? San a e sori foe Jehovah, en égifasi èn a fasi fa a e handri. Fa mi kan gebroiki den bodoi disi foe jepi tra sma èn na sortoe fasi den tanapoe nanga san mi sabi kaba foe na tori? Te wi go ondrosoekoe moro fara foe feni piki tapoe aksi di ben kon a fesi, dan na ferstan foe joe foe na studie materiaal e kon moro bradi èn wi sa go si fa a o fiti na ini na heri prenki foe waarheid. Tapoe a fasi disi wi e kisi ferstan. — Odo 4:5.
5 Foe kweki wan boen studie routine, dan wi moe poti poti spesroetoe ten foe studie èn hori wisrefi na dati (Teki gersi nanga Filipi 3:16). Son sma kande e feni en moeilek ma omoro langa joe e doe en èn doe moeiti, omoro a sa de makriki. Èn a se pai joe boen! Kande joe ben sa kan studeri neti bifo joe ben go sribi. Son sma moro foeroe e feni en boen foe opo pikinso moro biten a mamanten foe gebroiki na pisten disi pe ala sani de tiri. Ooktoe wi kan gebroiki toe schafte-ten na grontapoe wroko. Sortoe pisten joe e teki toe, soekoe alaten na omgeving di de moro boen gi studie. Nanga disi joe sa man poti joe heri prakseri nawan èn hori san joe leri moro boen na ede. Na sowan fasi na ati kan poti na pasi foe go na regtvaardikifasi. — Odo 15:28.
SAN FOE STUDEER
6 Sreka wisrefi na fesi tapoe den féfi ala wiki komakandra moe teki wan prenspari presi ini wi persoonlek studie programma. Joe e njanboen dorodoro foe na boen jeje njanjan di na theokratis diniwrokoskoro e gi na sé na sreka di joe e sreka joe srefi na tapoe na Wachttoren-studie nanga na gemeente boekoestudie? Sorgoe dati joe hori asrefi foetoe nanga na bijbellési programma èn teki na ten foe soekoe den hé punt foe na bijbel na ini den boekoe foe na genootschap. Te joe loekoe a fesi na materiaal foe lezing nomroe 1, 3 nanga 4, dan joe sa feni den lezing disi tapoe a skoro moro moi. Prenspari bijbelleri sa go moro dipi na ini joe ferstan.
7 Sreka joesrefi a tapoe na dienstvergadering no e aksi wan boen bigi pisi foe na ten foe oen persoonlek studie, ma oen moe teki en poti na ini wi schema. Efoe ibri wiki soso wantoe minuut joe e gi foe lési na programma di tanapoe na ini wi Kownoekondredienst, dan disi sa jepi foe foe tan hori wan tranga bribi, èn sa jepi joe foe prati na ini na velddienst na bribi foe joe nanga trawan.
8 Wan balansi programma gi persoonlek studie sa jepi joe „foe kon de makti akroederi a sma di joe de na inisé” (Efese 3:16). Ija wan tranga bribi, wan lobi gi Jehovah nanga Kristus Jezus e kon moro foeroe èn moro konifasi na ini na velddienst — ala den winimarki disi nanga foeroe moro, e meki dati persoonlek studie de warti a moeiti. Joe abi wan boen programma gi persoonlek studie?