Fa fu kisi moro wini te yu e studeri Bijbel

FU SAN EDE A PRENSPARI: Te wi e studeri Gado Wortu, dan dati e yepi wi fu „frustan finifini san na a bradi nanga a langa nanga a hei nanga a dipi” fu waarheid (Ef 3:18). Wan tra sani, na taki wi o tyari wisrefi na wan fasi di fiti na ini na ogri grontapu disi, so taki tra sma no feni fowtu na wi tapu. Na so wi o man „tan hori steifi na a wortu di e gi libi” (Fp 2:15, 16). Te wi e studeri Gado Wortu, dan wi man poti prakseri na sani di wi srefi abi fanowdu fu tranga a bribi fu wi. San wi kan du fu kisi moro wini te wi e leisi èn studeri Bijbel?

FA FU DU DATI:

• Marki tekst na ini a Bijbel di yu e gebroiki fu studeri, awinsi na tapu yu tablet noso telefon èn skrifi wan tu sani di yu wani memre

• Te yu e leisi Gado Wortu, dan poti aksi soleki: ’Suma? San? O ten? Pe? Fu san ede? Fa?’

• Kon sabi san pasa trutru. Suku wan spesrutu tori noso wan Bijbeltekst na ini den buku noso tra sani di wi abi fu ondrosuku sani

• Denki dipi fu den sani di yu leisi fu kon sabi fa yu kan gebroiki den

• Fiti den sani di yu leri na ini yu aladei libi.​—Lu 6:47, 48

LUKU A FELEM STUDERI BUN FU MAN „TAN HORI STEIFI NA A WORTU”. BAKA DATI PIKI DEN AKSI DISI:

• San son sma di gwenti studeri ben taki fu a gwenti di den abi?

• Fu san ede wi musu begi ibri leisi fosi wi bigin studeri?

• San kan yepi wi fu frustan wan pisi fu Bijbel moro bun?

• Fa wi kan marki sani na ini a Bijbel di wi e gebroiki fu studeri?

• Fu san ede a prenspari fu denki dipi fu sani te wi e studeri Gado Wortu?

• San wi musu du nanga den sani di wi e leri?