Pristeri a boen njoensoe — Nanga empathie
1 ’Den sma sa lobi densrefi nomo, de asranti, nanga hémemre èn opo densrefi foe hémemre ede’ (2 Tim. 3:1-5). Fa a bijbel e skrifi tapoe na wan fasi di fiti foe na lbisma geslakti di e libi now! Na libifasi foe soekoe goedoe èn na „mi fosi”-filosofie foe na ten disi ben wan tjari sma go so fara foe poti densrefi a wan a wan sé èn foe no broko ede nanga na tanboen foe trawan. Empathie, na fasi foe poti joesrefi go ini a presi foe wan trawan, no de foe si nofotron a mindri den sma foe a grontapoe.
2 Efoe wi wani sani waka boen gi wi na ini wi diniwroko, dan wi moe sori empathie. Disi no de alaten makriki. Ooktoe wi e kon tanapoe na fesi problema èn sorgoe di kan tapoe wi foe denki a trawan. San wi kan doe foe sorgoe dati na ini na fasi disi wi no abi wan mi-no-kefasi?
KWEKI EMPATHIE
3 Wi moe hori na prakseri den fanowdoe foe tra sma a wi sé. Te wi doe disi, dan wi sa waka na baka wi hemel Tata. Jehovah lobi sma èn a sabi den fanowdoe foe den. A abi prisiri foe si dati den mekisani foe en de kolokoe. Foe datmeki sar’ati ben tjari en go so fara foe sorgoe foe wan loesoeprijs gi na libismafamiri, sodati den ben kisi ferloesoe foe na sondoefasi foe den. — Johannes 3:16.
4 Na libismafamiri abi tranga fanowdoe foe a Kownoekondre foe Gado. Soso a kownoekondre disi kan tjari wan loesoe kon di e tan gi den problema di e kwinsi wi. Sabi foe na Kownoekondre disi ben jepi wi foe kakafoetoe gi den problema foe wi èn ben fri wi komoto foe fasi foe bribi foe Babylon. Efoe wi man foe poti wisrefi na ini na presi foe den ososma, dan sari’ati sa tjari wi go so fara foe prati a waarheid foe a Wortoe foe Gado nanga den èn jepi den foe tesi na prisiri di wi ben leri sabi. — Johannes 8:32, 26.
5 Jezus ben doe en diniwroko nanga wan tranga lobi gi na libismafamiri. A ben sori wan faja belangstelling gi libisma èn den sma di ben arki na en ben sabi dati a ben broko ede nanga den èn ben ferstan a situwasi foe den (Luk. 5:12, 13; Mark. 6:32-34). Na lobi gi den sma na wi sé sa kon ooktoe na fesi efoe wi kweki èn sori empathie netleki Jezus.
A FASI FA WI E SORI EMPATHIE
6 Fa wi kan sori na ini a diniwroko foe wi na broko-ede dati? Wi moe man foe si sani foe makandra, foe si na ini sortoe omstandigheid na ososma de, foe arki na san ai taki èn foe poti joesrefi na ini en presi. Aksi joesrefi: Efoe mi ben de na ini en presi, sortoe wortoe ben sa trowstoe mi dan ofoe wiki mi belangstelling? Bigin dan foe taki foe wan sani, soleki joe ben si, pe en belangstelling e go. Efoe joe e si dati wan takmakandra no fiti gi en na ten dati, meki en sjatoe, pristeri en kande den laatste tijdschrift ofoe wan traktaat èn pramisi foe kon baka wan tra tron te a de moro fiti. Te wi kan si pe na belangstelling foe na ososma e go, èn te wi e sori en empathie, dan wi sa man moro betre foe meki na kownoekondre boskopoe bekenti.
7 Prékiman di abi ondrofeni moe sori spesroetoe empathie te den gi leri na njoenwan na ini na velddienst. Te wi e prakseri fa wi ben sjensjen èn ben de nanga senwe biginbigin di wi ben go foe a fositron oso-foe-oso, kande di wi ben hori wi fosi oefenlezing, dan disi kan jepi wi foe hori na joisti jejefasi. Te wi e go denki fa trawan ben jepi wi, dan wi sa kon sabi san wi moe doe èn taki te wi e gi rai nanga leri na njoenwan èn den wan di no abi ondrofeni. Te wi e sori pasensi, lobi èn na opregtifasi foe de klarklari foe tanapoe a den sé, dan wi kan jepi den foe go na fesi.
8 Efoe wi e handri nanga sma di wi e miti na ini na velddienst èn nanga wi brada nanga empathie, dan wi e sori na kristensma di wi moe de. Meki wi soekoe alaten okasi foe sori empathie foe di wi e waka na baka na eksempre foe Jehovah Gado èn en Manpikin Kristus Jezus. — Ef. 5:1, 2.