Wan libifasi nanga tégo paiman
1 Paulus ben fermane Timóteus: „Doe na wroko foe wan evangelieprékiman, doe joe diniwroko dorodoro” (2 Tim. 4:5). Awinsi o moi tra persoonlek belang kan de ooktoe Timóteus ben gi en libi na a wroko foe Gado. A ben wroko tranga na a sé foe Paulus èn a ben meki sma si dati a ben soekoe ’troetroe den belang foe Kristus’ (Fil. 2:19-21). Ala troe kristen bedinari moe abi wan srefi sortoe jeje.
2 Joe abi warderi gi na diniwroko? Joe ben sa kan meki pionierwroko de na libifasi foe joe (Matt. 6:33; 2 Kor. 4:1, 7) Dati ben sa gi joe na satisfaksi foe sabi dati ibridé joe sa abi foeroe okasi foe taki nanga tra sma foe Jehovah èn foe jepi den foe leri sabi èn lobi en (Ps. 96:1-4). Fa ai gi oenoe wan kefarlek bigi prisiri te wi e si dati den sma e opo densrefi foe kisi leri foe a bijbel! Sonwan foe den ben abi wan hoeroe libi ofoe wan libi pe den ben doe ogri na tra sma nanga tranga, nanga no wan howpoe a den fesi. Foe di den ben libi takroe gwenti foe fosten èn ben meki respeki gi densrefi gro meki den e dini Jehovah now. Pionierwroko de wan libifasi di wani taki wan sani èn mi kan meki boen sani doe kon di e tan foe tégo. Soboen go ondrosoekoe joe omstandigheid èn poti wan spesroetoe datum leki a bigin foe foeroetendienst. Wroko foe go miti a marki dati. Begi Jehovah foe doro a marki dati (Ef. 6:18). Den paiman di joe sa kisi de bigi!
WAN LIBIFASI DI E PAI
3 Foe pionier nanga wan joisti boewégi foe ati èn a lostoe foe go a fesi na jejefasi, sa jepi joe foe abi wan moro dipi jeje loekoe tapoe a libi. A kan jepi joe foe kan hori balans, foe seti joe ten a wan konifasi, foe gebroiki joe moni boen èn foe de tevréde nanga den fanowdoe sani foe tan a libi (1 Tim. 6:6). Pionierwroko kan wani taki a tjari foe ofrandi. Joe de klari foe a lobi foe joe gi Jehovah foe tjari persoonlek offer? Efoe dati de so, dan joe sa leri foe anga moro na Jehovah èn foe fertrow moro tapoe Jehovah. Disi sa sori taki a de wan kibri tége takroe grontapoe anbisi, lostoe nanga takroe demakandra. Den winimarki foe pionierwroko kan de foe tégo. — Mal. 3:10.
GI DEKATI FOE PIONIER
4 Na ini a ten disi foeroe kristen e prisiri dati den papa nanga mama foe den e sori wan pionierjeje. Soleki wan zendeling e sori: „Na ini mi heri jongoe jari mi ma ben de fajafaja na ini na diniwroko. Mi denki dati a no ben de someni san a ben taki, ma san a ben e doe. A boen eksempre foe en, san ben abi krakti na tapoe mi èn ben wiki na lostoe na ini mi foe gi mi libi na ini na foeroetendienst foe Jehovah.” Wan sisa na ini na foeroetendienst e taki: „Na jejefasi foe mi mama foe no feti na baka goedoe èn na krin loekoe foe en tapoe na waarheid ben jepi wi foe no go moksi misrefi na ini wan libifasi foe a grontapoe.” Wan jongoe bedinari ben taki foe en papa nanga mama: „Den ben hori alaten na mi fesi den prisiri nanga grani foe na pionierdienst, èn den blesi di Jehovah e gi na pionier . . . Disi na wan sani di ala papa nanga mama ben sa moe doe foe di disi séker ben jepi mi. Den kan gi dek-ati na den jongoewan foe dini Jehovah nanga den heri ati.” Jehovah no e frigiti na no gridifasi foe den sortoe lobi papa nanga mama disi èn e pai na fasi dati.
5 Wi e libi na ini a ten foe na kaba te ’na boen njoensoe disi foe na kownoekondre sa moe préki na heri grontapoe leki wan kotoigi na ala naatsi’ (Matt. 24:14). Jezus ben taigi en bakaman: „Na kotiwroko bigi ma pikinso wrokoman de. Begi foe dat’ede na Méster foe na wroko dati a seni kotiman go na ini en kotiwroko” (Matt. 9:37, 38). Na fanowdoe foe wrokoman de now srefi moro bigi leki na ini a ten foe Jezus. Foe dat’ede meki den pionier abi wan bigi pisi na ini na kari di e go na tra sma: „O meki Jehovah bigi nanga mi, èn meki wi hé en nen makandra” (Psalm 34:3). Troetroe noti no de di kan kon na bakafoetoe foe na tevrédefasi nanga satisfaksi di e kon foe wan libi di e gebroiki na ini na foeroetendienst foe wi Gran Mekiman. — Odo 10:22.