Den njoen boekoe di wi kisi na tapoe a congres e sreka wi foe doe a wani foe Gado
1 Na apostel Paulus ben tjari na winsi kon na fesi ofoe „na Gado foe vrede” kan sreka èn dienstknegti „nanga ala san boen foe doe en wani” (Hebr. 13:20, 21). Dati de a winsi foe „na getrow èn koni srafoe” na ini a ten disi èn a de wan dek’ati foe gi den sani san de fanowdoe (Matt. 24:45). Dati no ben kon na fesi na tapoe na „Vrede foe Gado”-districtscongres, spesroetoe na ini a tori foe den njoen lectuur di kon fri? Wi no moe tan na baka foe gebroiki den ’boen sani’ disi di gi foe tranga wi èn foe sreka wi foe doe na wroko di Gado gi wi.
2 Tapoe a fosi dé foe a kongres wi ben prisiri foe kisi na brochure di e teri 32 bladzijde „Loekoe! Mi e meki ala sani kon njoen”. Na njoen brochure abi bigi letter di de makriki foe lési èn boen foeroe prenki di joe kan leri wan sani foe den. Efoe wi e gebroiki na „Loekoe!”-brochure foe opo njoen oso-bijbelstudie, dan sondro degedege dan foeroe sma sa kisi jepi foe go waka na tapoe na pasi foe libi.
3 Na di foe toe njoen boekoe na tapoe a kongres ben de ooktoe wan brochure foe 4 kloroe di bigi leki wan tijd-schrift, nanga a nen Jehovah Kotoigi — tjari kon na wán ini na heri grontapoe ini a doe foe a wani foe Gado. Fa wi kan gebroiki den brochure disi, e taki tapoe bladzijde 3.
4 Baka wan span lezing foe na kon troe èn disiten toepassing foe den profétitori di skrifi na ini Jesaja 7 te nanga 9, wi ben prisiri foe kisi na njoen pocket boekoe Sékerfasi na a heri grontapoe ondro na vrede Kownoe. Na publikatie disi ben meki spesroetoe foe gi Jehovah pipel dek’ati. Efoe joe no ben lési a boekoe disi ete, dan wi e gi joe dek’ati foe doe disi nanga prakseri. Joe sa feni en wan sani di e tjari boen kon. Na warderi foe joe gi Jehovah dienst sa kon gro te joe e loekoe na disiten kon troe foe toe foe den agersitori foe Jezus na ini Mattéus. Te joe e lési foe den boen bigi wroko nanga den grani ini Jehovah njoen seti foe sani, dan nanga moro bigi ferwakti joe sa loekoe na fesi foe den sani di poti na fesi gi den sma di sa tan psa Armageddon libilibi. Na ferklari foe na fasi fa Kristus e tron wan „Tego Tata” gi den memre foe na libisma-famiri di bai kon fri, sa tjari joe kon moro krosbé na Jehovah Gado èn en „Vréde Kownoe” (Jes. 9:6). Den sani di skrifi foe na feti foe Jehovah nanga den naatsi de wan sani di de span srefsrefi. Ija, na njoen Sékerheid na heri grontapoe-boekoe abi foeroe jeje goedoe. Joe sa kon sabi den?
5 Sonde mamanten joe ben bréti foe jere wan pisi foe na njoen cassette-lolo Kownoekondremelodie nr. 7. Foeroe sma e njan boen kaba foe den moi pokoe di seti èn di e gi kowroe ati.
6 Na a kaba foe na „Vrede foe Gado”-districtscongres wi jere wan bigi verrassing dati na Genootschap ben meki wan Watch Tower Publication Index foe 1930-1985 ini wan boekoe. A sa de séker wan jepi foe ondrosoekoe sani èn wan dek’ati foe abi persoonlek studie!
7 Den warti kado disi di Jehovah organisaatsi gi, e sori baka dati Jehovah sabi san wi abi fanowdoe foe doe en wani (Matt. 6:8). Nanga jepi foe na getrow srafoe a sreka wi doro doro foe na wroko di de na wi fesi ete. Meki wi sori na jepi foe wi èn dipi warderi foe di wi e meki wan boen gebroiki foe den toemsi moi seti disi.