Meki gebroiki foe na njoen brochure
1 Wan hémarki tapoe na „Vréde foe Gado”-districtscongres ben de na brochure Jehovah Kotoigi — Tjari kon nawan ini na heri grontapoe ini a doe foe a wani foe Gado. A njoen brochure disi ben meki foe jepi bijbelstudenti foe kon sabi na wán enkri organisaatsi di de foe si nanga ai èn di Jehovah e gebroiki now foe doe en wani.
2 Foeroe jari kaba na Genootschap gi wi na rai foe teki wantoe minuut na a kaba foe ibri bijbelstudie foe taki foe moro weiniki wan marki ofoe fasi foe na disiten theokratis organisaatsi. Tapoe na fasi disi dan moro makriki sma di kisi belangstelling pas kan begrijp na betekenis nanga na waarde foe den bijbelwaarheid di wi kon leri sabi. Na njoen brochure, nanga den foeroe kloroe prenki, sa de séker wan warti sani na a takmakandra disi pe joe kan leri foeroe.
FA JOE E GEBROIKI A BROCHURE DISI?
3 Na brochure disi abi 15 edeprakseri, foe bigin nanga „Wi wani jepi sote”, te nanga „den tjari kon nawan ini a doe foe a wani foe Gado”. Ondro son edeprakseri nofo bodoi tanapoe gi difrenti takmakandra. Teki na ten foe lési nanga na studenti ala tekst di no skrifi. Na a kaba foe moro bigi pisi foe den artikel joe sa feni difrenti aksi foe loekoe san joe ben leri. Den disi joe kan gebroiki boen foe meki den ede-prakseri kon na fesi. Ma no frigiti dati na takmakandra moe de sjatoe èn na stof di oen studeer na ini na bijbelstudie no mag go na baka.
4 Joe ben sa wani kon sabi so esi leki a kan na brochure. Teki joe égi eksemplaar go ini na velddienst. Okasi kan sori ensrefi foe kan gebroiki en na a oso-foe-osowroko. A kan de dati wi kon ini kontacti nanga opregti sma di jere ala sortoe lé tori foe Jehovah Kotoigi èn nanga jepi foe a brochure wi kan poti den fowtoe loekoe foe den tapoe a wroko foe oenoe nanga wi bribi kon leti. Ma na brochure moe gebroiki moro foeroe leki wan fundamenti foe takmakandra di e go foe na organisaatsi na a kaba foe wan bijbelstudie.
5 Wan artikel foe na brochure e go foe „komakandra di e gi dek’ati foe sori lobi èn toemsi boen wroko”. Joe kan gebroiki den bodoi disi foe poti krakti tapoe na prenspari fasi foe kristen komakandra èn gi na studenti dek’ati foe fisiti den disi geregeld. Te joe e taki foe na gemeente boekoestudie, joe kan tjari kon na krin fa dati e psa èn meki na studenti si sortoe boekoe wi e studeri na a momenti disi. Spesroetoe now joe kan poti krakti a tapoe o prenspari den bodoi de a Troe vréde-boekoe. Foe di na gemeente-boekoestudie e hori now ini wan tempo dati a kan foe lési ala tekst di no skrifi, dan srefi den studenti di bigin pas nanga na waarheid sa kan volg na studie èn kan abi wan prati na en, foedi den e lési den tekst, èn efoe den wani dati gi kommentaar. Foe di den groepoe de pikin, dan ala sma abi na okasi foe teki prati na a studie èn leri sabi makandra moro boen.
6 Na njoen brochure de a tapoe foe dati ete wan actueel jepi sani di wi kan gebroiki foe jepi den sma disi di kisi belangstelling pas foe go na fesi foedi den e gro ini warderi gi Jehovah disiten theokratis organisaatsi. Meki wi meki wan boen gebroiki foe en te wi e tjari sma di e kisi belangstelling pas go a Jehovah organisaatsi.